Elem 13:18 - Quiché Bible

¹⁸ Rumal ri' xuban chque chi cäquicotij na ri qui be pa ri chaki'j uwo sak ri cäbe chusuq'uil ri Quiäk Plo. Aretak xebel ulok ri aj israelib pa Ejipt quek'atatic e jacha' ajch'ojab.

Elem 13:18 ပူးပေါင်းရင်းမြစ်များ

Chapletajic 50:25

Xuban c'ut chi ri e u c'ojol ri Israel chi cäquiban ri chi'nic ri kas cäban na chnuwäch xubij c'u chque: “Ri quinbij chiwe, ri Dios cäpe na che iwesaxic bic waral. Aretak cäc'ulmataj wa', quic'am na bic ri nu bakil iwuc' pa Canaan, miya' can waral.”

Salmib 107:7

xebuya' c'u chupam jun colomalaj be ri cäbe chupam jun tinimit ri cuya' quejeki' wi.

Salmib 136:16

Che ri xuc'am u be ri u tinimit pa ri chaki'j uwo sak, junalic c'ut ri u lok'ok'ebal c'u'x.

Salmib 68:8

ri ulew xyicopic; xpe jäb chicaj, ri Sinai xyicop chuwäch ri u Dios ri Israel.

Elem 12:51

Kas pa ri k'ij ri' ri Ajawaxel xeresaj ulok pa Ejipt ri aj israelib pa tak amak'.

Elem 14:2

“Chabij chque ri aj israelib chi chquiq'uexa' ri qui be ri quitakem rech quebekaj chuwäch ri Pi-hahirot, chuxo'l ri Migdol ruc' ri plo, chusuq'uil ri Baal-zepon. Chekaj chila', chuchi' ri plo.

Elem 14:9

Xebel c'u ulok ri aj ejiptib cachil conojel ri cajch'ojab che qui ternexic ri aj israelib, e c'o pa tak carwaj, e quiejeninak chquij tak quiej, xebequirika' chuchi' ri plo, chuxcut ri Pi-hahirot chuwäch ri Baal-zepon jawije' ri e kajinak wi.

U Camulixic ri Pixab 17:16

Are c'u ri ajawinel ri' man cuya' ta quebuq'uiyirisaj ri e u quiej, mawi quebutakala' ta bic winak che qui c'amic ulok quiej pa Ejipt, u bim c'u ri Ajawaxel chiwe: ‘Mawi jumul mixtzelej chic pa we be ri'.’

U Camulixic ri Pixab 32:10

Xeburik pa ri chaki'j uwo sak, pa ri chaki'j tak ulew banom c'ax chque rumal ri quiakik', xebusutij ruc' ri u k'ab, xuya' qui no'j, xebuchajij jacha' ta ne ri e u c'u'x ri e u bak'wäch.

Ri Josue 1:14

Chebiya' can tak ri iwixokil waral, ri ac'alab xukuje' tak ri iwawaj pa we ulew ri' ri xuya' ri Moises chiwe jewa' che ri Jordan. Conojel c'ut ri e utz che u banic ch'o'j che qui c'ama' tak ri qui ch'ojibal chenabej chquiwäch tak ri cachalal, che qui to'ic,

Ri Josue 4:12

Xukuje' xek'ax ch'käp che ri nima' ri ajch'ojab aj ramak' ri Ruben ri Gad xukuje' ri e rech ri pa niq'uiaj ramak' ri Manases. E cuc'am tak ri qui ch'ojibal xeboc'owic, e benak c'u chquiwäch ri niq'uiaj aj israelib chic, je jas ri takanic ri u yo'm ri Moises chque.

Ri Josue 4:13

Xa col man e cawinak mil ri achijab ri e cuc'am tak qui ch'ojibal e suc'umatal che u banic ri ch'o'j xeboc'ow chuwäch ri Ajawaxel, xebe pa ri lianic chunakaj ri Jerico.