Elem 13:17 - Quiché Bible

¹⁷ Aretak c'u ri ajawinel xutzokopij ulok ri tinimit aj israelib, ri Dios man xuc'am ta bic pa ri be ri coc'ow pa ri culew ri aj pilisteyib, ri xa nakaj, xuchomaj c'u ri Dios chi ri aj israelib man cäcaj taj cäquiban ri ch'o'j pune' rajawaxic, are ta c'u utz na ri' chque chi quetzelej pa Ejipt.

Elem 13:17 ပူးပေါင်းရင်းမြစ်များ

Nabe Ajawinelab 8:47

we pa ri ulew jawije' ri e yo'm wi quetzelej uc' la, caquitz'onoj c'u tok'ob che la, caquich'ob c'ut chi e macuninak, qui banom c'ut ri etzelal,

Ri Nehemiy 9:17

Man xcaj taj xenimanic mawi xenataj chque ri nimak tak jastak ri xeban la che qui to'ic. Sibalaj c'u e c'osirinak chi xquicoj jun c'ämal qui be ri xec'amow ta bic che qui tzelejic chic pa ri patanijic pa Ejipt. Lal c'ut jun Dios ri sachal macaj, jun Dios ch'uch'uj, ri xukuje' quel u c'u'x, coch'onel xukuje' ronojel c'u ri lal lal lok'ok'ebal c'uxaj, man c'u xewonoba' ta la canok.

Elem 14:10

Aretak xquil ri aj israelib chi ri ajawinel xukuje' ri aj ejiptib xenakajin ulok chque, sibalaj xquixe'j quib, xquitz'onoj ri u to'banic ri Ajawaxel.

Hechos 15:38

Are c'u ri Pawl xuchomaj chi man utz taj cäquic'am bic we achi ri' che cachil, rumal rech chi xutas can rib chquij pa Panpil, man xerachilaj ta bic pa ri chac.

Hechos 7:39

“Ri e ka mam, man xcaj taj xquinimaj we tzij ri'. Xane' xquitzak canok, xquitzolk'omij ri canima' ruc' ri Ejipt.

U Camulixic ri Pixab 17:16

Are c'u ri ajawinel ri' man cuya' ta quebuq'uiyirisaj ri e u quiej, mawi quebutakala' ta bic winak che qui c'amic ulok quiej pa Ejipt, u bim c'u ri Ajawaxel chiwe: ‘Mawi jumul mixtzelej chic pa we be ri'.’

U Camulixic ri Pixab 20:8

E are' chi c'ut ri e c'amal tak be quebe qui tzijobej chi na ri quebe pa ri ch'o'j cäquibij c'u na: ‘We c'o jun cuxe'j rib, man c'o ta chajinanima' ruc' tzelej cho rachoch rech man cuya' ta xibin ib chque ri e rachil.’

U Camulixic ri Pixab 28:68

Pune' ta ri Ajawaxel xubij chawe, man cattzelej ta chi jumul pa ri be ri cäbe pa Ejipt, cuban c'u na chawe chi pa tak jucub cattzelej chi jumul chila', catec'ayix can pa qui k'ab ri e a c'ulel; man c'o ta c'u jachin jun ri cäraj taj catulok'o.”

Hebreos 11:27

Rumal ri cojonic, xuya' can ri Ejipt, man xuxe'j ta rib chuwäch ri royowal ri ajawinel, xane' co tac'alic je ta ne chi cäril ri Dios ri man quilitaj taj.

K'atal tak Tzij 7:3

Rumal ri' chabij chque ri winak chi jachin ri cäquixe'j tak quib cuya' quebe cho cachoch.” Jewa' ri qui tijtobesaxic xuban ri Jedeon, e juwinak quieb mil (22,000) ri achijab ri xebe cho tak cachoch, xa lajuj mil (10,000) xecanaj canok.