Elem 13:15 - Quiché Bible

¹⁵ Aretak ri ajawinel co xutac'aba' rib man xraj taj xujutzokopij ulok, ri Ajawaxel xebucämisaj conojel ri nabeal tak qui c'ojol ri aj ejiptib chquijujunal xukuje' ri nabe tak cal ri cawaj: rumal ri' quekatas che ri Ajawaxel ri nabe ama'ib tak awaj ri quebalaxic xukuje' cäkaya' jun chij che qui q'uexwäch ri nabeal tak ka c'ojol.

Elem 13:15 ပူးပေါင်းရင်းမြစ်များ

Salmib 105:36

¡Xuc'am ulok cämical puwi' ri Ejipt, xebucämisaj conojel ri qui nabeal ri aj ejiptib!

Elem 12:29

Niq'uiaj ak'ab ri Ajawaxel xebucämisaj ri e nabeal tak c'ojolaxelab ri e aj ejiptib, are jun ri u nabeal ri ajawinel ri cät'uyi puwi' ri tem re ajawibal xukuje' ri u nabeal ri c'o pa che', xukuje' ri e qui nabeal tak ri awaj.

Elem 3:19

Kas c'u weta'm chi ri ajawinel re Ejipt man quixutzokopij taj, we ta ma ta rumal ri u chuk'ab ri nu cuinem.

Elem 34:20

Are c'u ri quiban che ri nabe ral ri ati't bur we ama' ri cäralaj, rajawaxic quiya' jun alaj chij o jun alaj q'uisic' che u q'uexwäch ri alaj bur; we c'u man quiya', qui k'ajisaj na ri rij u wi' ri alaj bur. Xukuje' rajawaxic quiya' jun sipanic che qui q'uexwäch ri e nabeal tak i c'ojol chquijujunal. C'o c'u jun mape che wilic we man c'o jas cuc'am ulok.

Elem 4:23

Nu bim chic chawe chi catzokopij bic ri nu c'ojol, rech cäbe che nu k'ijilaxic; u mac c'u rech chi man a tzokopim ta bic, ri in quincämisaj na ri nabeal a c'ojol.’ ”

Ajilanic 18:15

Conojel ri nabeal tak qui c'ojol ri aj israelib o ri nabe tak cal ri awaj, ri chiquichi'j chwe, quebux awech. E are' tak c'ut ri e qui nabeal ri winak xukuje' ri nabe tak cal ri awaj ri e tz'il, catz'onoj jun torobal che qui q'uexwäch.

Ajilanic 3:46

Are' tak c'ut ri e qui c'ojol ri aj israelib ri e nabeal are e q'ui na chquiwäch ri aj levitib; jeri', chi che ri qui toric ri quieb sient oxc'al oxlajuj (273) nabeal tak c'ojolaxelab ri e to'tajinak.