Elem 12:8 - Quiché Bible

⁸ Pa ri ak'ab ri' cäquitij na ti'j ri cäsa' cho k'ak' rachilam c'ayilaj tak ichaj xukuje' caxlanwa ri man caya' ta ch'am ruc'.

Elem 12:8 ပူးပေါင်းရင်းမြစ်များ

Ucab Tzijobelil 35:13

Xquitakej c'ut quisa'ic tak ri awaj cho ri k'ak' che roc'owisaxic ri nimak'ij re ri Oc'owem, jacha' ri tz'ibatalic; are c'ut ri niq'uiaj tastalicalaj tak sipanic chic xequitzac pa tak t'uy, pa tak alaj tak t'uy, pa tak xarten, ruc' aninakil xequijachala' chquixo'l tak ri winak re ri tinimit.

Salmib 22:14

In jacha' ja' ri cajamajobic; e tuktubinak ri e nu bakil, ri wanima' junam ruc' ri xca'b ri cabelebob chnupam.

Elem 1:14

Sibalaj c'u xban c'ax che ri qui c'aslemal cuc' c'axalaj tak chac. Xetak che u banic xok'ol che u banic xan, xukuje' che qui banic ronojel u wäch chac pa ri juyub. Pa conojel c'u ri chac ri cäquibano cäcoj c'anal paquiwi',

Elem 12:9

C'o jun ch'akap ti'j mitij pa räxal mawi rokowisam. Ronojel ri awaj, ri u jolom, ri e rakan, xukuje' tak ri rixco'l xa quesa' cho k'ak';

Elem 13:3

Ri Moises xubij chque ri aj israelib: “Mäsach we k'ij ri' pa i jolom, aretak ruc' nimalaj cuinem xixresaj ulok ri Ajawaxel pa Ejipt ri xixc'oji' wi na jacha' pataninelab lok'om. Mitij caxlanwa ri yo'm ch'am ruc'.

Elem 13:7

Pa ronojel ri wukub k'ij quetij na caxlanwa ri man caya' ta ch'am ruc', mawi märiktaj ch'am pa jun tinimit aj Israel o caxlanwa ri yo'm ta ch'am ruc'.

Elem 23:18

Aretak quebaya' ri awaj re tabal tak tok'ob chnuwäch mebachi'j junam cuc' ri qui quiq'uel xukuje' ri caxlanwa ri yo'm ch'am ruc', caya' matas can ri u xepoyil che ri ucab k'ij.

Elem 34:25

Aretak quebiya' ri awaj che tabal tok'ob, merachilaj quic' xukuje' caxlanwa ri cäya' ch'am ruc', mawi quic'ol ta can ri cäto'taj canok che ri cäpil che ri Oc'owem che ri ucab k'ij.

Ri Isaiy 53:10

Ri Ajawaxel xraj xuban c'ax che ruc' tak ri c'axc'ol. Xujach c'u rib ri are' che tabal tok'ob qui mac ri macaj, che tabal tok'ob che u tojic ri macaj, kas cac'asi' c'u na, cäril na qui wäch ri e rija'lil; rumal ri are' utz quel wi na ri u chomanic ri Ajawaxel.

Ri Amos 4:5

Chebiporoj wa ri man caya' ta ch'am cuc' che sipanic re maltioxinic, chebiya' qui tzijoxic ri e i sipanic pa iwech wi pa conojel c'olbal, are c'u ya' wa' ri cäkaj chiwäch ix.” Ri Ajawaxel cujiquiba' u bixic.

Ri Zacariy 12:10

Quebennojisaj na ri e rija'lil ri David che uxlabal re banoj tok'ob xukuje' che u banic ch'awem ruc' Dios xukuje' ri e aj Jerusalen. Caquil c'u na ri xquijulupij, caquibisoj c'u na cacok'ej c'u na u wäch jacha' ri rok'exic u wäch ri xa' jun chi c'ojolaxel aretak cacämic o ri nabeal c'ojolaxel.

Ri Matey 16:12

C'äte ri' xquich'obo chi man are ta xubij chi cäquichajij quib chuwäch ri ch'am re ri caxlanwa. Xane' xubij chi cäquichajij quib chuwäch ri qui tijonic ri pariseyib xukuje' ri saduseyib.

Ri Matey 26:26

Aretak cätajin quewa'ic, ri Jesus xuc'am ri caxlanwa, xuya' maltioxinic che ri Dios, xupiro, xuya' que ri u tijoxelab, xubij: “Chic'ama', chitija'. Are nu cuerp wa'.”

Gálatas 5:9

We c'o jubik' ch'am ruc' ri k'or, cuch'amarisaj ronojel ri k'or.

U Camulixic ri Pixab 16:7

Ri ti'j ri chi'm quitzaco xukuje' quitij pa ri c'olbal ri cucha' na ri Ajawaxel ri i Dios. Chucab k'ij c'ut quixtzelej cho iwachoch.

1 Tesalonicenses 1:6

Ri ix c'ut xiban iwe jas ri xkaban uj xukuje' jas ri xuban ri Ajawaxel. Xic'am ri tzij ruc' c'axc'olil xukuje' ruc' quicotemal ri yo'm chiwe rumal ri Ruxlabal ri Dios.