Elem 12:41 - Quiché Bible

⁴¹ kas c'u pa ri k'ij aretak xtz'akat ri quiejeb sient ruc' juwinak lajuj (430) junab, conojel ri e c'o chuxe' ri u takanic ri Ajawaxel xebel ulok pa ri rulew ri Ejipt.

Elem 12:41 ပူးပေါင်းရင်းမြစ်များ

Chapletajic 50:24

Xpe c'u jun k'ij aretak xubij ri Jose chque ri rachalal: “Xa quieb oxib k'ij chic in c'aslic, cäpe c'u na ri Dios che i to'ic, quixresaj c'u na bic chupam we ulew ri', che i c'amic bic chupam ri ulew ri xuchi'j chque ri Abraham, ri Isaac xukuje' ri Jacob.”

Nabe Ajawinelab 6:1

Ri Salomon xuchaplej u yaquic ri rachoch ri Ajawaxel pa ri ucaj junab re ri rajawinic pa Israel, pa ri ic' re Zib, are c'u ucab ic' wa' re ri junab, aretak tz'akatinak chic quiejeb sient (400) junab ruc' jumuch' e elinak ulok ri aj israelib pa Ejipt.

Ucab Tzijobelil 14:12

Xuya' c'ut ri Ajawaxel ri ch'äcanic che ri As xukuje' che ri Juda paquiwi' ri aj etiopib, rumal c'u ri' xebanimaj wa'.

Salmib 102:13

Walija la chel c'u'x la che ri Sion, xtz'akat ya' ri k'ijol; ¡xurik ri rajilabal u pam ri k'ij rech cacuy la ri u mac!

Salmib 114:1

Aretak ri Israel, ri rachoch ri Jacob, xel ulok pa Ejipt, chupam ri itzel tinimit.

Salmib 136:11

Che ri xebesan ulok ri aj israelib pa Ejipt, junalic c'ut ri u lok'ok'ebal c'u'x;

Elem 12:17

Ri nimak'ij que ri caxlanwa ri man cäya' ta ch'am cuc' are jun k'ij ri qui nimak'ijaj na rumal rech chi kas pa ri k'ij ri' xixinwesaj ulok pa Ejipt chnimalaj iwonojel. Quinimak'ijaj na jacha' jun pixab ri cäjeki' canok ri quecoc'owisaj ri e tat nan xukuje' ri alc'ualaxelab.

Elem 12:51

Kas pa ri k'ij ri' ri Ajawaxel xeresaj ulok pa Ejipt ri aj israelib pa tak amak'.

Elem 13:14

We c'u chwek cäbij cäc'ot na i chi' cumal ri e iwalc'ual: ‘¿Jas quel cubij wa'?’ Quibij na chque: ‘Ri Ajawaxel xujresaj ulok ruc' nimalaj cuinem pa Ejipt ri xujc'oji' wi na jacha' lok'om pataninelab.

Elem 13:16

Ruc' ri qui banic we jastak ri' je ta ne ri cäcanaj jun etal che ri i k'ab, o che ri i palaj, we nak'atisabal ri' cunataj chiwe chi ri Ajawaxel xujresaj ulok ruc' nimalaj cuinem pa Ejipt.’ ”

Elem 13:3

Ri Moises xubij chque ri aj israelib: “Mäsach we k'ij ri' pa i jolom, aretak ruc' nimalaj cuinem xixresaj ulok ri Ajawaxel pa Ejipt ri xixc'oji' wi na jacha' pataninelab lok'om. Mitij caxlanwa ri yo'm ch'am ruc'.

Elem 13:9

Je ta ne ri c'o ta jun iwetal che ri i k'ab, o che ri i palaj, rech amak'el cänataj ri u pixab ri Ajawaxel chiwe, are c'u xixesan ulok pa Ejipt ruc' ri nimalaj u cuinem.

Elem 3:10

Chatakej ba' ri a be, catintak na bic ruc' ri ajawinel che resaxic ulok ri nu tinimit Israel ri c'o pa Ejipt.”

Elem 3:8

Rumal ri' in kajinak ulok che quesaxic pa qui k'ab ri aj ejiptib; quebenwesaj ulok pa Ejipt quebenc'am bic pa jun nimalaj ulew ri utz, jawije' ri cabelel wi leche xukuje' u juyubal räx cab jacha' ri ja'. Are wa' ri ulew ri e c'o wi ri aj cananeyib, ri aj hititib, ri aj amoreyib, ri aj perezeyib, ri aj hebeyib, xukuje' ri aj jebuseyib.

Elem 6:26

Kas e are' wa' ri Aaron xukuje' ri Moises ri xubij wi ri Ajawaxel chi quequesaj bic pa Ejipt ri aj israelib, quicholajim quib e jacha' juk'at ajch'ojab.

Elem 6:6

Rumal ri' jät jabij chque ri aj israelib chi ri in, ri Ajawaxel, quebenwesaj na chuxe' ri u takanic ri ajawinel xukuje' pa ri c'axalaj tak chac ri e cojom che qui banic cumal ri aj ejiptib. Quinc'ut na ri nu cuinem, quebentor na bic cumal nimak tak banoj aj suq'uilal.

Elem 7:4

Ri ajawinel man cunimaj taj ri quibij na che c'ä quinban na c'ax che ri Ejipt, che resaxic bic ri nu tinimit Israel.

Ri Daniel 9:24

Oxc'al lajuj (70) wukutak k'ij queboc'ow na paquiwi' ri a winak xukuje' puwi' ri tastalicalaj a tinimit rech cäq'uis u tza'm ri c'ulelanic xukuje' ri macunic, rech cäriktaj ri sachbal mac che ri etzelal cäjekebax c'u ri suq'uilal chbe k'ij sak, rech cätz'akat ri cubij ri c'utwächinic xukuje' ri yo'm u bixic cutas c'u rib ri sibalaj aj Tastalic.

Aj Levitib 23:43

rech conojel ri e awija'lil caquetamaj chi, aretak ri in xebenwesaj ulok ri aj israelib pa Ejipt, xinban chque chi xejeki' pa tak cäbal. In ri' ri Ajawaxel ri qui Dios.

Ri Habacuc 2:3

C'ä maja' c'u ne copan ri k'ijol ri chetz'akat we c'utwächinic ri'; ma ta c'u ne ma ta chetz'akatok. At chateyenok, pune' cabeytajic, copan c'u na ri k'ijol ri rajawaxic.

Ajilanic 23:22

Ri Dios, ri xebesan ulok pa Ejipt, are c'o chque e are' ri cux che ri juyubal wacax ri e ruc'a'.

Ajilanic 33:1

E are tak c'olbal wa' ri xejeki' wi tak ri aj israelib aretak xebel ulok pa Ejipt ri qui cholajim wi quib e jacha' e banal tak ch'o'j, c'amom qui be rumal ri Moises xukuje' ri Aaron.

Ri Xuan 7:8

Jix ix pa ri nimak'ij; ri in man quinbe taj iwuc', c'ä maja' c'u cätz'akat ri nu k'ijol.”

Hechos 1:7

Ri Jesus xubij chque: “Man ya'tal ta chiwe ix quiwetamaj jampa' mawi jachique k'ij quebuban na ri Tataxel ri jastak, xuwi ri are' c'o u takanic che qui banic.

Hechos 7:36

Are Moises wa' ri xebesan ulok ri ka mam. Xebuban mayibal xukuje' etal pa ri ulew Ejipt. Je xuban pa ri Quiäk Plo. Cawinak junab je xuban pa tak ri chaki'j uwo sak.

U Camulixic ri Pixab 16:1

“Aretak curik ri ic' Abib, quinimak'ijaj ri Oc'owem che u ya'ic u k'ij ri Ajawaxel ri i Dios, pa jun chak'ab c'ut re we ic' ri', ri Ajawaxel ri i Dios xixresaj ulok pa Ejipt.

U Camulixic ri Pixab 4:37

Ri are' xebulok'ok'ej ri e i mam, xebucha' c'ut ri e quija'lil, xeresaj c'ut pa u k'ab ri Ejipt rumal ri nimalaj u cuinem.

Ri Josue 24:5

Xintak c'u bic ri Moises xukuje' ri Aaron, xinsoc c'ut ri Ejipt che cämical, c'ä xixinwesaj na ulok ix chila'.

Ri Josue 5:14

“Mawi ri jun mawi ri jun chic,” xcha' ri achi. “In petinak jacha' che c'amal qui be ri rajch'ojab ri Ajawaxel.” Xpe c'u ri Josue xumej rib c'ä xuya' na ri u palaj cho ri ulew, xuc'ot c'u u chi': “¿Jas ri takanic cuya' ri Wajaw che we pataninel ech la ri'?”