Elem 12:32 - Quiché Bible

³² Chebic'ama' bic ri e i chij, ri e i wacax, jas ri xiwaj, jix c'ut. Chitz'onoj tok'ob che ri Ajawaxel panuwi'.”

Elem 12:32 ပူးပေါင်းရင်းမြစ်များ

Chapletajic 15:14

Quinc'äjisaj c'u na u wäch ri nim tinimit ri quecojow na che lok'om tak pataninelab, c'ä matam quebel na ulok ri e awija'lil, e nimak tak k'inomab chi c'ut aretak quebel ulok.

Chapletajic 27:34

Aretak xtataj rumal ri Esau ri xubij ri u tat, sibalaj xok'ic, xurak u chi', xubij: “¡Tat, chintewichi'j ba' la ri in xukuje'!”

Chapletajic 27:38

Ri Esau xucoj u chuk'ab che u bixic che ri u tat, xubij: “Tat, ¿la xa c'u jun tewichibal cäcuin la che u ya'ic? ¡Chintewichi'j ba' la in xukuje'!” Xok' chi jumul, ruc' rakojchi'aj.

Ri Esdras 6:10

rech caquichi'j che ri Dios aj caj tabal tak tok'ob ri quekaj chuwäch chebochi'n c'ut puwi' ri ajawinel xukuje' paquiwi' tak ri e u c'ojol.

Elem 10:26

Xukuje' ri kawaj quebe na kuc'. Mawi jun awaj cäcanaj canok, quekacha' c'u na jujun chquixo'l ri quekaya' che u ya'ic k'ijilanic che ri Ajawaxel. Cujopan c'u na chila' c'äte ri' caketamaj jachique ri quebajwataj chke che u ya'ic u k'ij ri Ajawaxel.”

Elem 10:9

Ri Moises xubij che ri ajawinel: “Quebe na junam kuc' ri kalc'ual xukuje' ri e ka ri'jab, ri e ka c'ojol xukuje' tak ri e ka mia'l, quekac'am bic na ri ka chij, ri e ka wacax, jun nimalaj nimak'ij wa' chke chuwäch ri Ajawaxel.”

Elem 8:28

Xubij c'u ri ajawinel: “Jix, cuya' quixbe che u ya'ic tabal tok'ob chuwäch ri Ajawaxel ri i Dios, mixbe c'u sibalaj naj. Xukuje' chi tz'onoj tok'ob che ri Dios panuwi'.”

Elem 9:28

Sibalaj cakulja xukuje' sakbach ka coch'om chic, rumal ri' man quintakej ta chic i k'ilic. Chitz'onoj ba' tok'ob che ri Ajawaxel pakawi', quixintzokopij c'u bic.”