Elem 12:31 - Quiché Bible

³¹ Kas pa ri ak'ab ri' ri ajawinel xutak u siq'uixic ri Moises rachilam ri Aaron, xubij c'u chque: “Jix, chiya' can ri nu winak, ri ix xukuje' ri aj israelib. Jix che u k'ijilaxic ri Ajawaxel jacha' ri i bim.

Elem 12:31 ပူးပေါင်းရင်းမြစ်များ

Salmib 105:38

Ri aj ejiptib xequicotic aretak xquilo chi xebel ulok, sibalaj c'u qui xe'n quib.

Elem 10:29

Ri Moises xubij che ri ajawinel: “Utz ri bim la. Man quinpe ta chic che ch'abexic la.”

Elem 10:9

Ri Moises xubij che ri ajawinel: “Quebe na junam kuc' ri kalc'ual xukuje' ri e ka ri'jab, ri e ka c'ojol xukuje' tak ri e ka mia'l, quekac'am bic na ri ka chij, ri e ka wacax, jun nimalaj nimak'ij wa' chke chuwäch ri Ajawaxel.”

Elem 11:1

Ri Ajawaxel xubij che ri Moises: “Quinya' chi na jun c'äjisabal wächaj puwi' ri ajawinel ri paraon xukuje' paquiwi' ri aj ejiptib. Aretak chbantaj wa', ri ajawinel man xuwi ta cuya' be chiwe chi quixel bic, xane' kas are' quixesan na bic waral.

Elem 11:8

C'äte' c'u ri' quebe na ri e awach k'atal tak tzij che wilic, e xucuxuj caquibij na chwe: ‘Jix, at xukuje' conojel ri winak ri queteri bic chawij.’ C'ä mäjok c'u chban wa' man quinel ta na bic.” Sibalaj xoyowar ri Moises, xel bic chuwäch ri ajawinel.

Elem 12:39

Man xbantaj ta c'u u banic bic ri qui wa cumal, rumal rech chi ri aj ejiptib xequesaj ulok chupam ri culew, xequiban caxlanwa ri man e ch'amarisam taj ruc' ri k'or ri xquesaj ulok pa Ejipt, ri man ch'amarisam taj.

Elem 6:1

Xubij c'ut ri Ajawaxel che ri Moises: “Cawil c'u na ri quinban che ri ajawinel, xak xuwi c'ut rumal ri chuk'ab cuya' na chiwe chi quixel bic pa ri rulew; c'o chi c'u na jubik', kas are' cäbin na chiwe chi quixel bic.”

Elem 8:25

Ri ajawinel xutak u siq'uix ri Moises xukuje' ri Aaron xubij chque: “Jix ba', jiya' ri tabal tok'ob chuwäch ri i Dios, man quixel ta c'u bic pa we ulew ri'.”

Elem 8:8

Ri ajawinel xtakan che u siq'uixic ri Moises rachil ri Aaron, xubij c'u chque: “Chi tz'onoj tok'ob che ri Ajawaxel chi queresaj ri xtutz' chwij xukuje' chquij ri e nu winakil, quebentzokopij c'u bic ri awinakil rech quebe che u ya'ic tabal tok'ob chuwäch ri Ajawaxel.”

Nabe Samuel 6:6

¿Jasche i cowirisam ri iwanima' jas ri xquiban ri aj ejiptib xukuje' ri cajawinel, xak xuwi c'u aretak xuban c'ax ri Dios re Israel chque, xequitzokopij ulok ri aj israelib?