Elem 12:26 - Quiché Bible

²⁶ Aretak c'u cäc'ot i chi' cumal ri iwalc'ual: ‘¿Jas quel cubij wa' we nimak'ij ri'?,’

Elem 12:26 ပူးပေါင်းရင်းမြစ်များ

Salmib 145:4

Chi ija'lil chi ija'lil quequiya' na qui k'ij tak ri e banoj la, quequiya' c'u na qui tzijol ri cuinelalaj tak banoj la chquixo'l.

Salmib 44:1

Nu Dios, e ka tom cuc' tak ri ka xiquin, e quitzijom tak ri e ka mam chke ri xban la pa tak ri qui k'ijol, pa tak ri ojer tak k'ijol ri e oc'owinak:

Elem 10:2

rech xukuje' ri at catzijoj chque ri a c'ojol, ri e u wi' tak a mam ri xinban che retz'bexic qui wäch ri aj ejiptib, xukuje' ri nimak tak mayibal ri xinban chquixo'l. Jeri' quiwetamaj na chi in ri' ri Ajawaxel.”

Elem 12:25

Aretak ix oquinak chic pa ri ulew ri cuya' na ri Ajawaxel chiwe, jas ri bim, quitakej na roc'owisaxic we nimak'ij ri'.

Elem 13:22

Mawi jubik' xutas ta rib ri jutac'aj sutz' chquiwäch pa k'ij, xukuje' mawi jubik' xutas ta rib ri jutac'aj k'ak' chquiwäch chak'ab.

Ri Isaiy 38:19

Xuwi ri e c'asc'oj quecuinic quek'ijilan che la jacha' ri quinban in camic. Ri tataxelab cäquitzijoj na chque ri calc'ual ri jiquil la.

Efesios 6:4

Ri ix c'ut tataxelab, miyac coyowal ri e iwalc'ual, xane' chebiq'uiyisaj ruc' pixbenic, chebitijoj che ri u tzij ri Ajawaxel.

U Camulixic ri Pixab 11:19

Chebitijoj tak ri e iwalc'ual chebiya' we pixab ri' chque aretak ix c'o cho iwachoch, aretak ix c'o pa tak ri be, aretak quixk'oyic xukuje' aretak quixwalijic.

U Camulixic ri Pixab 32:7

Chatca'y jubik' chawij, chebachomaj tak ri junab ri e k'axenak; chatz'onoj che ri a tat chi chubij chawe xukuje' chque ri ri'jab tak tatayib chi chquitzijoj chawe:

U Camulixic ri Pixab 6:20

Aretak cäpe jun k'ij ri e iwalc'ual caquic'ot i chi': ‘¿Jas quel caquibij tak we takanic ri', ri pixab tak ri uj u takom ri Ajawaxel ri ka Dios che qui banic?’

U Camulixic ri Pixab 6:7

amak'el chac'utu' chquiwäch ri awalc'ual; aretak at c'o cho awachoch, aretak at c'o pa ri be, aretak catk'oyic xukuje' aretak catwalijic.