Elem 11:4 - Quiché Bible

⁴ Ri Moises xubij che ri ajawinel: “Jewa' u bim ri Ajawaxel: ‘Pa niq'uiaj ak'ab quinoc'ow pa ronojel ri Ejipt.

Elem 11:4 ပူးပေါင်းရင်းမြစ်များ

Ucab Samuel 5:24

Aretak c'u quebata' u pa akanaj paquiwi' tak ri che', chachapa' ch'ojininic cuc', ri cubij wa' chi in benak chawäch che qui cämisaxic ri e aj pilisteyib.”

Ri Job 34:20

Ri winak xa pa jok'otaj quecämic, pa u niq'uiajil ri k'ekumalaj chak'ab; ri winak caquituquij quib man cak'alajin ta c'ut jawije' tak ri quebe wi; ri e c'o qui cuinem man cajwataj ta qui chuk'ab winak che u sachisaxic qui wäch.

Salmib 60:10

Are c'u ri lal, nu Dios, uj xutum la canok; ¡man cäbe ta chi la cuc' ri kajch'ojab!

Salmib 81:5

are takanic wa' yo'm che ri Jose aretak ri Dios xpe che u c'äjisaxic u wäch ri Ejipt. Xinta' jun ch'abal ri man weta'm ta jachin ajchak'e:

Elem 12:12

Pa ri ak'ab ri' quinoc'ow na pa ronojel ri Ejipt, quebencämisaj na ri qui nabeal ri aj ejiptib ri e c'o pa tak ri cachoch, xukuje' ri e qui nabeal ri awaj, quinban na ri takal u banic chque conojel ri diosib re Ejipt. In ri Ajawaxel, ri nu yo'm u bixic.

Elem 12:23

Aretak ri Ajawaxel coc'ow che qui cämisaxic ri aj ejiptib, cäril na ri quic' ri bilom chuchi' ri ja ri ix c'o wi, xak coc'ow bic chuwäch ri ja ri'. Jeri' ri Ajawaxel man cuya' ta be che ri cämisanel chi coc pa tak ri ja.

Elem 12:29

Niq'uiaj ak'ab ri Ajawaxel xebucämisaj ri e nabeal tak c'ojolaxelab ri e aj ejiptib, are jun ri u nabeal ri ajawinel ri cät'uyi puwi' ri tem re ajawibal xukuje' ri u nabeal ri c'o pa che', xukuje' ri e qui nabeal tak ri awaj.

Ri Isaiy 42:13

Ri Ajawaxel quel na ulok jacha' jun nim u banic cutij na u chuk'ab jacha' jun banal ch'o'j co cäch'awic, curak na u chi' che u chaplexic ri ch'o'j quebuch'äc c'u na ri e u c'ulel.

Ri Amos 4:10

“Xintak ulok jun banbal c'ax piwi' jacha' ri xintak ulok puwi' ri Ejipt; xinbano chi ri e i c'ojolab xecäm pa tak ri juyub ri xeban wi tak ri ch'o'j xinya' c'u c'olbal chi ri c'ulel xuban rech chque tak ri e i quiej; xinban chiwe chi xebisik tak ri qui chuwil tak ri cäminakib ri xecäm chupam ri ch'o'j ¡e are' tak c'ut ri ix man xixtzelej ta wuc'!” Ri Ajawaxel cujiquiba' u bixic.

Ri Amos 5:17

Pa conojel ri ticbal tak uva cäban wi na ok'ej aretak chinpe che u c'äjisaxic i wäch.” Cächa' ri Ajawaxel.

Ri Miquey 2:13

Ri Dios are' ri cajakow na ri qui be, queteri c'u na chrij quebel c'u na bic chuchi' ri oquibal chupam ri tinimit. Ri cajawinel, ri Ajawaxel, cänebej na chquiwäch conojel.

Ri Matey 25:6

Pa niq'uiaj ak'ab, c'o jun winak xurak u chi': ‘Chiwilampe', petinak ri jiaxel. Chixel ulok che u c'ulaxic.’