Elem 10:23 - Quiché Bible

²³ ri mawi jun xcuin ta che u ca'yexic ri u c'ulja pa oxib k'ij, mawi xslab ta pa ri u c'olbal. Pa conojel c'u ne ri cachoch ri aj israelib c'o sakilal.

Elem 10:23 ပူးပေါင်းရင်းမြစ်များ

Elem 14:20

Xcanaj c'ut ri jutac'aj sutz' chquixo'l ri aj ejiptib cuc' ri aj israelib; xux c'u k'eku'm ri sutz' chque ri aj ejiptib, are c'u ri chque ri aj israelib are chäj ri cac'utuw ri qui be. Rumal ri' pa ronojel ri jun ak'ab ri' mawi jubik' xenakajin ri aj ejiptib chque ri aj israelib.

Elem 7:25

Wukub k'ij chic u puk'im ri Ajawaxel ri ja' re ri nima',

Elem 8:18

Ri ajk'ijab xukuje' xquitij qui k'ij che qui q'uiyisaxic alaj tak u's rumal ri qui nawinic che qui banic tak itzinic, man c'u xecuin taj. Ri alaj tak u's qui takem qui xet'ic tak ri winak xukuje' tak ri awaj.

Elem 8:19

Xquibij c'u ri ajk'ijab che ri ajawinel: We jasach ri' rumal ri Dios wa'. Are c'u ri ajawinel co xutacaba' rib, man xuya' ta c'u u xiquin chque, jacha' ri u bim ulok ri Ajawaxel.

Elem 8:22

Aretak c'u quepe ri amalo, man queboc ta pa ri ulew Gosen ri jekel wi ri nu tinimit. Mawi c'u jun amalo copan na chila'. Jeri' cawetamaj na chi in, ri Ajawaxel, in c'o chupam we ulew ri'.

Elem 9:26

Pa ronojel c'u ri ulew Gosen ri e c'o wi ri aj israelib, mawi jun sakbach xkajic.

Elem 9:4

Man junam ta c'ut cuban na ri Ajawaxel chque ri cawaj ri aj israelib cuc' ri cawaj ri aj ejiptib, rech man c'o ta jun cawaj ri aj israelib cäcämic.’ ”

Ri Isaiy 42:16

Quebenc'am na bic ri moyab pa tak be xukuje' pa alaj tak be ri man quetamam taj. Quinq'uex na ri k'eku'm pa sakil chquiwäch ri e are', ri ch'ucuch'ak tak juyub quinjalwächij na pa lianic tak ulew. We jastak ri' kas quebenban na.

Ri Amos 4:7

“Xukuje' xinbano chi man xpetaj ri i jäb oxib ic' majok chiyaca' ri qui wäch tak ri iwulew. Pa jun tinimit xinbano chi xjäbinic pa jun chi c'ut man xjäbintaj; pa jun tico'n xinbano chi xjäbinic pa jun chi c'ut xchaki'jaric rumal rech chi man c'o ta jäb;

Ri Malaquiy 3:18

C'äte c'u ri' ri ix quich'ob chi na jumul ri jalbem ib ri c'o chuxo'l ri utz xukuje' ri lawaloyil, chuxo'l ri cak'ijilan che ri Dios xukuje' ri man cak'ijilan ta che.”

Colosenses 1:13

Xujresaj pa ri u cuinem ri k'eku'm, xujuk'axej c'u pa ri rajawibal ri lok'alaj u C'ojol,

Ri Josue 24:7

Ri e are' xquitz'onoj tok'ob chwe, xincoj c'ut jun nimalaj k'ekumalil chquixo'l cuc' ri aj ejiptib, xinban c'ut chi xkaj ri plo paquiwi' ri aj ejiptib xebumuk c'ut. Ri ix ix k'alajisanelab che ri xinban pa Ejipt. Sibalaj c'u xixbeytaj na q'ui k'ijol pa ri chaki'j uwo sak,

1 Pedro 2:9

Ri ix c'ut ix winak ix cha'om, ix ajawinelab xukuje' ix cojol tabal tok'ob, ix winak tastalicalaj tinimit, ix rech ri Dios, rech quiya' u tzijoxic ronojel u wäch utzalaj tak jastak ri cuban ri Dios, ri xixusiq'uij ulok pa ri k'eku'm, xixuya' pa ri u sakil ri sibalaj mayibal.