Elem 1:7 - Quiché Bible

⁷ are c'u ri aj israelib xepok'ic, sibalaj xeq'uiyiric xec'oji' q'ui calc'ual xc'oji' c'u sibalaj qui chuk'ab. Xnoj ri ulew cumal.

Elem 1:7 ပူးပေါင်းရင်းမြစ်များ

Chapletajic 1:20

Xubij chi ri Dios: “Chebupok'isaj ri ja' ronojel qui wäch awaj, xukuje' chec'ol chicop ri c'o qui xic' ri querapap chicaj puwi' ri ulew.” Je c'u xbantajic.

Chapletajic 1:28

xebutewichi'j: “Chec'ol q'ui iwalc'ual; chinojisaj ri uwächulew, chixtakan puwi'; xukuje' chixtakan paquiwi' ri cär, xukuje' paquiwi' ri chicop ri e c'o qui xic', xukuje' paquiwi' conojel ri awaj ri cäquijururej quib puwi' ri ulew.”

Chapletajic 12:2

Quinban na jun nim tinimit ri nim u k'ij chque ri e awija'lil; catintewichi'j na xukuje' quinnimarisaj na a k'ij, catux c'u na jun tewichibal chque niq'uiaj chic.

Chapletajic 13:16

In quinban na chi ri e are' quebux na e jacha' ri u puc'uq'uil ri ulew. Je c'u ri' jacha' chi man ya'tal taj quebajilax ri e u bak'wäch ri puc'uc', mawi xukuje' ya'talic chi quebajilax ri e u k'ab tak awachalaxic.

Chapletajic 15:5

Ri Ajawaxel xuc'am bic ri Abram cho ja, xubij che: “Chatca'y chicaj, chebawajilaj ri ch'imil we catcuinic. Jewa' ri qui q'uial ri e awija'lil.”

Chapletajic 17:16

Quintewichi'j na, quinya' na jun a c'ojol rumal are'. Kastzij, quintewichi'j na. Ri are' cux na qui nan e q'uia nimak tak tinimit, ri e rija'lil quebux na ajawinelab quech tak tinimit.”

Chapletajic 22:17

Quinbano chi sibalaj quepok' ri e awija'lil jacha' ri ch'imil cho ri caj, xukuje' e jacha' ri sanyeb ri c'o chuchi' ri plo. Amak'el c'ut quech'äcan na paquiwi' ri e qui c'ulel,

Chapletajic 26:22

Ri Isaac xbe naj che ri c'olbal ri', xuc'ot chi c'u jun c'ua'. Man xech'ojin ta chi c'u puwi', xucoj “Torotajic” che u bi', xubij: “Ri Ajawaxel u yo'm chke chi cuya' cujk'inomar waral.”

Chapletajic 26:4

Quinbana' na chi ri e awija'lil quebux na sibalaj e q'ui e jacha' ri ch'imil ri e c'o cho ri caj, quinya' c'u na ronojel we ulew ri' chque. Quebentewichi'j c'u na conojel ri nimak tak tinimit rech ri uwächulew cumal ri e awija'lil.

Chapletajic 28:14

Ri e are' quebux na jacha' ri u puc'uq'uil ri ulew, caquilic' na quib pa ri iquiak'ab xukuje' pa ri mox k'ab, pa ri elebal k'ij pa ri kajebal k'ij, conojel c'ut ri achalaxic re ri uwächulew quetewichitaj na rumal awech xukuje' cumal tak ri e awija'lil.

Chapletajic 35:11

ri Dios xubij che: “In ri' ri Dios ri c'o ronojel u cuinem; chec'ol q'ui awalc'ual xukuje' ri e awija'lil Chawe quel wi na jun nim tinimit xukuje' q'ui tak tinimit, quebel na ajawinel chquixo'l tak ri e awija'lil.

Chapletajic 46:3

Ri Dios xubij che ri Jacob: “In ri' ri Dios, ri u Dios ri a tat. Maxe'j awib che ri a benic pa Ejipt, quinban c'u na chi ri e awija'lil quebux na jun nim tinimit ri nim u k'ij.

Chapletajic 47:27

Ri aj israelib xecanaj pa Ejipt. Xquiban quech che ri ulew ri c'o pa Gosen, chila' c'u xeq'uiyir wi.

Chapletajic 48:16

ri tako'n aj caj ri quinuto'tajisaj chuwäch apachique c'ax, chtewichi'n we quieb alabom ri'. Xa ta rumal quech cänatax ri nu bi' xukuje' ri u bi' ri nu mam Abraham, ri nu tat Isaac. Chec'oji' ta q'ui calc'ual. Chebux ta tinimit winak cho ri uwächulew.”

Chapletajic 48:4

cuc' tak we tzij ri': ‘Chawilampe', quinbano chi sibalaj queq'uiyir ri e a c'ojol, ri e awija'l quequipok'isaj na nimak tak tinimit. Chque c'ut, ri e awija'lil quinya' wi na we ulew ri'. Cux c'u na quech chbe k'ij sak.’

Chapletajic 9:1

Ri Dios xutewichi'j ri Noe xukuje' ri e u c'ojol cuc' tak we tzij ri': “Chec'ol q'ui iwalc'ual, chinojisaj ri uwächulew.

Ri Nehemiy 9:23

Xban la chi sibalaj xepok' tak ri e qui c'ojol e jacha' ta ne ri ch'imil ri e c'o chicaj, xec'am c'u la bic che u banic quech che ri ulew, ri chi'm la chque ri e qui mam chi caquiban quech che.

Salmib 105:24

Ri Dios xubano chi xq'uiyir ri rajilabal ri u tinimit, c'o c'u na u chuk'ab chquiwäch ri aj ejiptib.

Salmib 107:38

Ri Ajawaxel quebutewichi'j, quebupok'isaj, xukuje' quebupok'isaj ri cawaj.

Elem 1:12

Pune' c'u sibalaj cäban c'ax chque ri aj israelib xa sibalaj quepok'ic, jeri' chi ri aj ejiptib sibalaj cäquixe'j quib chquiwäch ri aj israelib.

Elem 12:37

Ri aj israelib xebel bic pa Ramses xebopan pa Sucot, craj e c'o wakib sient mil (600,000) ri e achijab chic, man xebajilax taj ri ixokib xukuje' ri ac'alab.

Elem 5:5

Xubij c'u ri ajawinel che ri Moises xukuje' che ri Aaron: “Camic ri e q'uiyirinak chic ri aj israelib pa Ejipt, ¿la quebek'il ta c'u che u banic ri qui chac?”

Ri Ezequiel 16:7

Xatin q'uiyisaj jacha' ri u q'uiyisaxic jun tico'n cho ri uwächulew. Xatux jujilaj, xatsebesobic xatux ixok. Xecowir ri uwo a c'u'x, xq'uiy ri awismal. At ch'analic, man at ch'ukutal taj.

Hechos 13:17

Ri u Dios ri tinimit Israel, xebucha' ri ka mam, xuban jun nim tinimit chque, aretak c'ä e jekel pa Ejipt jacha' chi man aj ejiptib taj, xeresaj c'u na ulok ruc' ri nimalaj u cuinem chupam we ulew ri'.

U Camulixic ri Pixab 10:22

Aretak ri e i mam xebopan pa Ejipt, xa e oxc'al lajuj (70), are c'u ri camic, ri Ajawaxel ri i Dios e u pok'isam jacha' ri qui q'uial ri ch'imil ri e c'o cho ri caj.”

U Camulixic ri Pixab 26:5

Quebabij c'u na we tzij ri' chuwäch ri Ajawaxel ri a Dios: ‘Ri e nu mam xak e quieb oxib aj arameyib ri xak xebinic, xecokxanij quib pa Ejipt, xejeki' c'u can chila', xebux c'u jun nim tinimit ri xc'oji' qui chuk'ab xukuje' man quebajilataj taj.