Efesios 6:21 - Quiché Bible

²¹ Ri Tiquico cubij na ronojel chiwe jas ri nu banom xukuje' jas ri cätajin quinbano rech quiwetamaj. Ri Tiquico are' lok'alaj kachalal xukuje' jicalaj pataninel pa ri u chac ri Ajawaxel.

RI KꞌAKꞌ TESTAMENTO PA TZIJOBꞌAL KꞌICHEꞌ

²¹ Ri loqꞌalaj qachachal Tíquico, sukꞌ ranimaꞌ patanil rech ri Ajawxel, kutzijoj waꞌ chiꞌwe ronojel ri tajin kakꞌulmataj wukꞌ, rech kiwetaꞌmaj, jas jeꞌ nubꞌanom.

K'iche'

²¹ Ronojel ri nu banom xukuje' ri tajin quinbano, are ri kachalal Tíquico cubij na wa' chiwe. Ri are', are jun lok'alaj kachalal, utz cuban chupatänixic ri Kajaw Jesús pa ru chac ri Are'.

K'iche' (New Orthography)

²¹ Ronojel ri nu b'anom xuquje' ri tajin kinb'ano, are ri qachalal Tíquico kub'ij na wa' chiwe. Ri are', are jun loq'alaj qachalal, utz kub'an chupatänixik ri Qajaw Jesús pa ru chak ri Are'.

Efesios 6:21 ပူးပေါင်းရင်းမြစ်များ

Hechos 20:4

Xachilax bic rumal ri Sopater u c'ojol ri Pir aj Berey, ri Aristarc xukuje' ri Segund, ri aj tesalonib, ri Gay aj Derb, ri Timotey, ri Tiquico xukuje' ri Tropim, ri e aj Asiy.

1 Corintios 4:17

Rumal wa' xintak bic ri Timotey iwuc', ri lok'alaj nu c'ojol, jic chrij ri Ajawaxel. Ri are' cunataj na chiwe jas ri nu banom pa ri nu c'aslemal pa ri cojonic che ri Crist Jesus, jas ri nu tijonic chquixo'l conojel ri comon cojonelab pa tak conojel c'olbal.

Filipenses 1:12

Wachalal, quinwaj quiwetamaj chi ri c'ax ri nu rikom, rumal wa' sibalaj xtzijox ri tzij re colobal ib.

Colosenses 1:7

Are wa' ri xitijoj wi iwib ruc' ri Epapras, ri lok'alaj kach ajchac. Are jun jicalaj pataninel re ri Crist c'o chixo'l.

1 Timoteo 4:6

We quebatijoj we jastak ri' chque tak ri kachalal queq'uiy c'ut cumal tak ri tzij re ri cojonic xukuje' cumal tak ri e utzalaj tak tijonic ri e a takem, at jun utzalaj pataninel rech ri' Jesucrist.

2 Timoteo 4:12

Xintak bic ri Tiquico pa Epes.

Ri Tit 3:12

Aretak quintak bic ri Artems awuc', o ri Tiquico, chanim chatpet wuc' pa Nicopolis. Quinchomaj chi quinwoc'owisaj ri ic' re tew chila'.

Filemón 1:16

cäc'oji' na awuc' man jacha' ta chic jun lok'om pataninel, xane' c'o na chuwäch jun lok'om pataninel, jun lok'alaj awachalal. Ri are' lok' chnuwäch in, sibalaj lok' c'u na chawäch at, man xuwi ta jas jun winak, xane' xukuje' jas jun awachalal pa ri Ajawaxel.

1 Pedro 5:12

Nu tz'ibam xa' jubik' chiwe rumal ri Silban, are jicalaj kachalal pa ri nu chomanic in. Nu tz'ibam chiwe che i pixbexic, che u k'alajisaxic chi are wa' ri kas u tok'ob ri Dios. Co chixtac'al pa ri u tok'ob.

2 Pedro 3:15

Chichomaj ba' chi colobal ri u coch'onic ri Kajaw; je jas xutz'ibaj ri lok'alaj kachalal Pawl chiwe, jas ri no'j ri yo'm che.