Efesios 6:18 - Quiché Bible

¹⁸ Mitanaba' ri u banic ch'awem ruc' Dios: chixbochi'nok xukuje' chixtz'onom che ri Dios amak'el, pa ri Uxlabaxel. Chixc'asc'atok, mixtuktubic, chibana' c'u ch'awem puwi' ronojel ri u tinimit ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁸ Chibꞌana chꞌawem pa ri Uxlabꞌixel, chita che ri Dios ri kajawatajik xuqujeꞌ chichilibꞌej iwibꞌ che. Chixkꞌasloq xuqujeꞌ amaqꞌel chiwilij chꞌawem pa kiwiꞌ konojel ri Tyoxalaj taq winaq.

K'iche'

¹⁸ Chibana ronojel wa' ruc' oración. Chita' ru tobanic ri Dios, chibochi'j c'u ri Dios amak'el ronojel k'ij, junam jas ri u c'amic i be ri cuban ri Lok'alaj Espíritu. Rech quixcowin chubanic wa', chixc'asc'atok, mixej ba' iwib. Chitakej c'u u banic oración. Chibana orar pa qui wi' ri winak ri e rech ri Dios, ri cojonelab.

K'iche' (New Orthography)

¹⁸ Chib'ana ronojel wa' ruk' oración. Chita' ru tob'anik ri Dios, chib'ochi'j k'u ri Dios amaq'el ronojel q'ij, junam jas ri u k'amik i b'e ri kub'an ri Loq'alaj Espíritu. Rech kixkowin chub'anik wa', chixk'ask'atoq, mixej b'a' iwib'. Chitaqej k'u u b'anik oración. Chib'ana orar pa ki wi' ri winaq ri e rech ri Dios, ri kojonelab'.

Efesios 6:18 ပူးပေါင်းရင်းမြစ်များ

Nabe Ajawinelab 8:52

Choc ba' la il che, ri u ch'awem ri pataninel ech la ri cuban uc' la xukuje' ri u bochi'nic ri Israel ri tinimit la. ¡Chujtatabej la, ka Dios, aretak ruc' c'axc'ol cäkarak ka chi' che la!

Nabe Ajawinelab 8:54

Aretak ri Salomon xuq'uis u banic ri ch'awem xukuje' ri bochi'nic che ri Ajawaxel, ri xuculem ri xuban chuwäch ri porobal xebuwalijisaj c'ut ri u k'ab chicaj,

Nabe Ajawinelab 8:59

Chque we jastak ri' ri e nu tz'onon che ri Ajawaxel ri ka Dios, chec'ol chuwäch amak'el, chi pa k'ij chi chak'ab, rech cuban suq'uilal che ri pataninel rech xukuje' che ri Israel ri u tinimit jas kas ri rajawaxic.

Nabe Ajawinelab 9:3

xubij c'u che: “Nu c'amowam ri ch'awem ri a banom xukuje' ri bochi'nic ri a banom chwe nu tasom c'ut we ja ri' ri a yacom jacha' jun jekelibal che ri nu bi' amak'el. Amak'el c'ut quinchajij na man cäsach ta c'u pa nu jolom.

Ri Ester 4:8

Xukuje' xujach bic jun wuj che ri tz'ibatal wi ri takanic che u sachisaxic qui wäch ri aj judeyib, ri xya' u bixic chque conojel ri winak ri e c'o pa Sus, rech cäya' che ri Ester je c'u ri' cacuinic cäretamaj ronojel. Xukuje' xutak u bixic che ri Ester chi ch'aw ri are' chwinakil ruc' ri ajawinel chutz'onoj c'u tok'ob che chi chch'aw puwi ri u tinimit.

Ri Job 27:10

We winak ri' man curik ta ri u quicotemal ruc' ri c'o ronojel u cuinem, mawi c'o jok'otaj cak'ijilan ta che.

Salmib 4:1

Dios, to'l wech, ¡Chinch'abej la aretak quinsiq'uin che la! Ri lal chi chupam ri nu rikoj c'ax xinto' la. ¡Chtok'obisaj la nu wäch chtatabej la ri nu ch'awem!

Salmib 6:9

Ri Ajawaxel xebutatabej ri e nu bochi'nic, ¡are' ri Ajawaxel xec'amowan ri e nu ch'awem ruc'!

Ri Isaiy 26:16

Pa ri ka bis cujtzucun che la Ajawaxel, aretak cujpixbej la chinojimal.

Ri Daniel 6:10

Aretak c'ut xretamaj ri Daniel chi ri Dariy xuya' u tzij che u banic we takanic ri', xbe cho rachoch, xebujak ri e u wenta'n ri u warabal, ri benak u wäch pa Jerusalen, xxuqui che u banic ch'awem ruc' Dios, xk'ijilan c'u che ri Dios. Ox mul c'ut cuban wa' ronojel k'ij, jas ri u banom ulok amak'el.

Ri Daniel 9:20

“Ri in xintakej qui k'alajisaxic ri nu mac xukuje' ri quech ri nu tinimit Israel, xebenjach c'ut ri nu bochi'nic chuwäch ri Ajawaxel ri nu Dios puwi' ri tastalic u juyub ri Dios.

Ri Osey 12:4

Xutij u chuk'ab ruc' jun aj cajalaj u tako'n ri Dios, xcuin c'u che u ch'äquic, xok'ic xutz'onoj chi chel u c'u'x che. Xrik rumal ri Dios pa Betel xtzijon c'u ruc' chila'.

Ri Zacariy 12:10

Quebennojisaj na ri e rija'lil ri David che uxlabal re banoj tok'ob xukuje' che u banic ch'awem ruc' Dios xukuje' ri e aj Jerusalen. Caquil c'u na ri xquijulupij, caquibisoj c'u na cacok'ej c'u na u wäch jacha' ri rok'exic u wäch ri xa' jun chi c'ojolaxel aretak cacämic o ri nabeal c'ojolaxel.

Ri Matey 26:41

Chixc'asc'atok, chibana' ch'awem ruc' Dios, rech man quixtzak taj aretak quixtakchi'x che mac. Ri iwanima' cäraj, are c'u ri i cuerp man c'o ta u chuk'ab.”

Marcos 13:33

Chiwila', chixc'asc'atok; man iweta'm ta c'u ri k'ij.

Marcos 14:38

Chixc'asc'atok, chibana' ch'awem ruc' Dios, rech man quixtzak taj aretak quixtakchi'x che mac. Ri iwanima' cäraj, are c'u ri i cuerp man c'o ta u chuk'ab.”

Ri Lucax 21:36

Xakba' chixc'ol suc'umatalic, chibana' ch'awem ruc' Dios ronojel jok'otaj, rech quixcuinic quixto'tajic man quebikajbej ta c'ut we jastak ri' ri quec'ulmataj na quixcuin c'u ri' quitac'aba' iwib chuwäch ri Rija'l Winak.”

Ri Lucax 22:46

Xubij chque; “¿Jasche quixwaric? Chixwalijok, chibana' ch'awem ruc' Dios, rech man quixtzak taj aretak quixtakchi'x che mac.”

Ri Lucax 3:26

ri u tat ri Nagay are' ri Maat, ri u tat ri Maat are' ri Matatiy, ri u tat ri Matatiy are' ri Semey, ri u tat ri Semey are' ri Jose, ri u tat ri Jose are' ri Juda,

Ri Lucax 3:37

ri u tat ri Lamec are' ri Matusalen, ri u tat ri Matusalen are ri Enoc, ri u tat ri Enoc are' ri Jared, ri u tat ri Jared are' ri Mahalaleel, ri u tat ri Mahalaleel are' ri Cainan,

Hechos 1:14

Conojel c'u wa' xa' jun qui chomanic, amak'el cäquiban ch'awem ruc' Dios, cäquibochi'j. E cachil ri ixokib ruc' ri Mariy u nan ri Jesus xukuje' ri e rachalal.

Hechos 10:2

Are' jun achi nimanel che ri Dios ri junam cuc' conojel ri e rachalaxic quek'ijilan che ri Dios. Xukuje' nim ri puak ri cuya' che qui to'ic ri aj judeyib. Cuban ch'awem ruc' Dios amak'el.

Hechos 12:5

Chajin c'u ri Lu' pa che'. Are c'u ri e comon cojonelab man xquitanaba' ta ri u banic ch'awem ruc' Dios puwi' ri Lu' ruc' ronojel canima'.

Hechos 6:4

Are c'u ri uj cujc'oji' amak'el pa ri ch'awem ruc' Dios xukuje' pa ri u tzijoxic ri u tzij ri Dios.”

Romanos 12:12

Chixquicot pa ri cu'lbal i c'u'x. Chich'ija' ri c'axc'olil. Amak'el chibana' ch'awem.

Romanos 8:15

Man i c'amom ta jun uxlabal ri cuban lok'om pataninelab chiwe, ri cuban ta chiwe chi quixe'j iwib jas ri nabe canok. Xane' i c'amom ri Uxlabaxel ri xuban chiwe chi xixux ralc'ual ri Dios. Rumal c'u ri are' cäkabij ka Tat che ri Dios.

Gálatas 4:6

Rumal rech chi ix alc'ualaxelab, ri Dios xutak ulok ri Ruxlabal re ri u C'ojol pa ri iwanima'. Ri Ruxlabal curak u chi', cubij: “¡Nu Tat!”

Efesios 1:16

ronojel k'ij quinmaltioxin che ri Dios rumal iwech, amak'el quixnataj chwe aretak quinban ch'awem ruc' Dios.

Efesios 2:22

Jeri' xukuje' ri ix junam cuc' ri niq'uiaj chic, ix jun ruc' ri Crist rech iwonojel quixux xa' jun ja jawije' cäjeki' wi ri Dios pa ri Uxlabaxel.

Efesios 3:18

rech quixcuin che u ch'obic cuc' conojel ri cojonelab chi ri nimalaj u lok'ok'ebal u c'u'x ri Crist, ri sibalaj nim u wäch, nim u rabic, naj u kajbem xukuje' naj elinak chicaj.

Efesios 3:8

In ri man nim ta nu banic chuwäch ri man nim ta u banic chquixo'l ri e aj u tinimit ri Dios, are' c'ut ri are' yowinak we nimarisabal ib ri' chwe chi quinya' u tzijoxic chque ri man aj judeyib taj ri utzalaj tzijol che qui k'alajisaxic tak ri e u k'inomal ri Crist ri man e ch'obel taj.

Efesios 6:19

Xukuje' chibana' ch'awem panuwi' in, rech aretak quinch'awic, ri Dios cuya' ri tzij chwe, rech man quinxe'j ta wib aretak quintzijoj ri tzij re colobal ib ri man etamatal ta can nabe.

Filipenses 1:4

Amak'el aretak quinban ch'awem ruc' quicotemal quinbochi'j ri Dios piwi' iwonojel,

Filipenses 4:6

C'o jun jasach mixoc wi il, xane' chiya' ronojel chuwäch ri Dios pa ch'awem ruc' Dios; chixtz'onom che, chiya' c'u maltioxinic che xukuje'.

Colosenses 1:3

Amak'el cujmaltioxin che ri Dios ri u Tat ri Kajaw Jesucrist, aretak cäkaban ch'awem ruc' Dios piwi'.

Colosenses 1:4

Ka tom i tzijol chi c'o i cojonic che ri Crist Jesus, chi quebilok'ok'ej conojel ri tastalic tak cojonelab,

Colosenses 4:2

Amak'el chibana' ch'awem ruc' Dios. Chixc'asc'at che u banic, chixmaltioxin che ri Dios.

1 Tesalonicenses 5:17

Mitanaba' ri i ch'awem ruc' Dios.

1 Timoteo 2:1

Nabe, catinpixbej chi quiban ch'awem ruc' Dios. Quiban bochi'nic, tz'ononic xukuje' maltioxinic paquiwi' conojel ri winak.

2 Timoteo 1:3

Quinpatanij ri Dios, jas ri xinwetamaj ulok cuc' ri e nu mam, quinna' c'u pa ri wanima' chi man c'o ta etzelal nu banom che u patanixic. Quinmaltioxin che ri Dios rumal rech chi amak'el catnataj chwe aretak quinban ch'awem ruc' Dios chi pa k'ij chi chak'ab.

Filemón 1:5

Nu tom a tzijol chi calok'ok'ej xukuje' c'o a cojonic che ri Ajaw Jesus. Xukuje' nu tom a tzijol chi quebalok'ok'ej conojel ri tastalic tak winak xukuje' cak'alajisaj ri a cojonic chque.

Hebreos 5:7

Ri Crist, aretak xc'oji' waral cho ri uwächulew, xurak u chi', xok'ic aretak xuban ch'awem ruc' Dios. Xuban bochi'nic xukuje' tz'ononic che ri Dios, ri cäcuin che u to'ic chuwäch ri cämical. Xtataj c'ut rumal ri u nimanic.

1 Pedro 4:7

Cäpe c'u na ri k'ij aretak queq'uis conojel ri jastak. Utz ba' chixchomanok, chichomaj jas ri quibano, rech utz quiban che ri ch'awem ruc' Dios.

Ri Juds 1:20

Ri ix c'ut, lok'alaj tak wachalal, co chixtac'al pa ri tastalicalaj i cojonic. Chibana' ch'awem ruc' Dios rumal ri Ruxlabal ri Dios.

Nabe Samuel 1:12

Rumal c'u rech chi xbeytaj ri Na' che u banic ch'awem chuwäch ri Ajawaxel, ri Eli xca'y che ri u chi';