Efesios 6:17 - Quiché Bible

¹⁷ Chicojo' ri colobal iwib je jas jun ajch'o'j cucoj to'bal u jolom. Chic'ama' ri u ch'ich' re ch'o'j ri Uxlabaxel, are wa' ri u tzij ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁷ Chikojo ri tobꞌal ijolom rech ri kolotajem, xuqujeꞌ chiwukꞌaj ri sakꞌibꞌal rech ri Uxlabꞌixel, are ri utzij ri Dios.

K'iche'

¹⁷ Ru tobanic ri Dios are wa' chicojo che to'bal i jolom. Ru Lok' Pixab ri Dios are chicojo je' ta ne are jun espada (machete) ri cuya ri Lok'alaj Espíritu chiwe.

K'iche' (New Orthography)

¹⁷ Ru tob'anik ri Dios are wa' chikojo che to'b'al i jolom. Ru Loq' Pixab' ri Dios are chikojo je' ta ne are jun espada (machete) ri kuya ri Loq'alaj Espíritu chiwe.

Efesios 6:17 ပူးပေါင်းရင်းမြစ်များ

Ucab Samuel 22:36

Lal cäto'w la nu wi' xukuje' quito'tajisaj la; ri utzil la u banom chwe chi utz in elinak.

Ri Isaiy 49:2

Xubano chi ri wak' xux jun ch'ich' re ch'o'j ri sibalaj c'o u pu chi', xinuc'u' chuxe' ri u mu'jal ri u k'ab, xubano chi xinux jun t'ist'icalaj ch'ab, xinuc'ol chupam ri c'olbal ch'ab.

Ri Isaiy 59:17

Xuch'uk rib je ta ne xucoj ta jun to'bal uwo c'uxaj, xucoj ri colobal ib jacha' ta ne jun to'bal jolomaj, xratz'iakij ri tojow q'uexelal jacha' jun u pam atz'iak, xupis c'u rib chupam ri oyowal jacha' jun ch'ukubal.

Ri Osey 6:5

Rumal ri' e nu muchum cumal tak ri e k'axal nu tzij; cumal tak ri tzij ri e elinak ulok pa nu chi' e nu cämisam. Ri nu suq'uilal caq'uiy ulok jacha' ri sakilal.

Ri Zacariy 4:6

Ri are' xutakej u bixic: “Are wa' ri xuya' u bixic ri Ajawaxel che ri Zorobabel: ‘Man e are ta quek'ijim ri ajch'ojab mawi ri chuk'ab xane' are' ri Wuxlabal, cacha' ri Ajawaxel ri c'o ronojel u cuinem.

Ri Matey 4:4

Ri Jesus xubij che: “Tz'ibatalic: Man xuwi ta rumal ri wa cäc'asi ri winak, xane' rumal ronojel tzij ri quebel ulok chuchi' ri Dios.”

Ri Matey 4:7

Ri Jesus xubij che: “Xukuje' tz'ibatalic: ‘Mac'ambejej ri Ajawaxel a Dios.’ ”

Efesios 5:26

Jeri' xuban che rech cux jun tastalic comon cojonelab. Je ta ne xuch'aj ruc' ja' aretak xujosk'ij rumal ri tzij,

1 Tesalonicenses 5:8

Ri uj c'ut ri uj re ri sakil, chkachomaj jas cäkabano. Chkacojo' ri ka cojonic xukuje' ri lok'ok'ebal ka c'u'x jas ri ajch'o'j cucoj atz'iak re ch'ich' pa ri ch'o'j, che u to'ic ri uwo u c'u'x. Chkacu'bisaj ka c'u'x chi cujcolotaj na, chkacojo' ba' jas ri ajch'o'j cucoj to'bal u jolom.

Hebreos 4:12

Ri u tzij ri Dios c'aslic xukuje' c'o u cuinem. C'o na u ware chuwäch apachique ch'ich' ri quieb u pa u chi'. Cuban quieb chque ri anima' ruc' ri uxlabal, cuban quieb chque ri u wiki'b ri bak ruc' ri u pa bak. Reta'm ri u chomanic xukuje' ri u rayibal ri canima' ri winak, we utz o man utz taj.

Hebreos 6:5

xquina' c'ut ri u tijonic ri Dios xukuje' ri u cuinem ri k'ijol aretak cäpe ri rajawinic ri Dios,

Apocalipsis 1:16

E c'o wukub ch'imil pa ri riquiak'ab. Pa u chi' quel ulok jun t'ist'icalaj ch'ich' quieb upuchi'. Ri u palaj je jas ri k'ij aretak cäjuluw ruc' chuk'ab.

Apocalipsis 12:11

Ri e are' xech'äcan puwi' rumal ri u cuinem ri u quiq'uel ri Alaj Chij, xukuje' rumal ri tzij rech ri u k'alajisanic. Man nim ta xquil wi ri qui c'aslemal, xane' utz xquil wi quecämic rumal rech ri Crist.

Apocalipsis 19:15

Pa ri u chi' quel wi jun t'ist'icalaj ch'ich' re ch'o'j, che qui soquic ri nimak tak tinimit. Ri are' cätakan paquiwi' ruc' jun bara' re räx ch'ich'. Cutac'alej ri pitz'bal uva re ri u wa'l uva re ri royowal ri Dios aretak cuc'äjisaj qui wäch tak ri tinimit rumal ri Dios ri c'o ronojel cuinem ruc'.

Apocalipsis 2:16

Chaq'uexa' ba' ri a c'u'x. We c'u man caq'uex a c'u'x, chanim quinbe awuc', quinch'ojin na cuc' ruc' ri ch'ich' ri quel ulok pa nu chi'.

Nabe Samuel 17:5

U cojom jun to'bal jolomaj re k'an ch'ich' che ri u jolom, u cojom jun to'bal uwo c'uxaj, xukuje' re k'an ch'ich', ri cäpajan job arob.

Nabe Samuel 17:58

ri xc'ot u chi' rumal, xubij che: “Ala, chabij chwe, ¿Jachin ri a tat?” Ri David xutzelej u bixic che: “Are' nu tat ri Isayi, ri aj Belen, pataninel ech la.”