Efesios 6:10 - Quiché Bible

¹⁰ Are c'u ri camic, wachalal tak, chicowirisaj iwib pa ri Ajawaxel Jesus, xukuje' pa ri u cuinem ri u chuk'ab.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Kꞌisbꞌal rech kinbꞌij chiꞌwe, chikꞌamawaꞌj ichuqꞌabꞌ pa ri ukwinem ri Ajawxel.

K'iche'

¹⁰ Cämic, kachalal, are chitzucuj ri i chuk'ab ruc' ri Kajaw Jesús rech c'o iwe ri nimalaj u chuk'ab ri Are'.

K'iche' (New Orthography)

¹⁰ Kämik, qachalal, are chitzukuj ri i chuq'ab' ruk' ri Qajaw Jesús rech k'o iwe ri nimalaj u chuq'ab' ri Are'.

Efesios 6:10 ပူးပေါင်းရင်းမြစ်များ

Nabe Tzijobelil 28:10

Mäsach c'u pa a jolom chi are' ri Ajawaxel at u cha'om rech cayac jun nim ja ri cak'ijilax wi na. ¡Rumal ri', chachajij anima' chamajij ba ri chac!”

Nabe Tzijobelil 28:20

Xubij c'ut ri David che ri Salomon: “¡Chc'ol a chuk'ab xukuje' co chattac'alok, chamajij ba' ri chac! ¡Maqueblaj a c'u'x mawi maxe'j awib, cac'oji' c'u na ri Ajawaxel ri nu Dios awuc'! Ri are' man catuya' ta canok mawi catuwonoba' ta canok c'ä cäq'uis na u banic ronojel ri chac che ri patanijic chupam ri rachoch Dios.

Ucab Tzijobelil 15:7

Are c'u ri ix chixux cowilaj tak achijab mixchucchubic, quirik c'u na tojbal quech ri chac ri quebibano.”

Salmib 138:3

Aretak xinsiq'uin che la xtzelej la ulok u wäch ri nu tzij, xukuje' xya' la u wi' ri nu chuk'ab.

Ri Isaiy 40:28

¿La xa pa u ma ta aweta'm? ¿La ma ta a tom? Ri Ajawaxel, ri junalic Dios, ri xbanow ronojel ri uwächulew, man cächukchub ta mawi cäcosic ri retamanic man c'o ta u q'uisic.

Ri Isaiy 40:31

are c'u ri cäquicu'ba' qui c'u'x chrij ri Ajawaxel cäc'aq'uir na ri qui chuk'ab amak'el, quecuinic querapapic jacha' ri cot quecuinic quexiq'uinic man quecos taj, quebinic man quetukar taj.

Ri Hajey 2:4

¡Chachajij anima', Zorobabel! ¡Chachajij anima', Jexu c'ämal qui be ri e cojol tabal tok'ob! Chichajij c'u anima' ix iwonojel, winak re ri ulew. Chixchacunok, in c'u c'o iwuc'. In, ri Ajawaxel, ri c'o ronojel u cuinem, quinjiquiba' u bixic.

Ri Zacariy 8:13

Je c'u ri' jacha' ri ix, ri ix aj judeyib xukuje' ri ix ri ix aj israelib, xixux can c'okobal chquixo'l ri niq'uiaj nimak tak tinimit chic, jeri' ri in camic quixinto'tajisaj na quinban c'u na chi quixux tewichibal. ¡Mixe'j iwib! ¡Chebicojo tak i chuk'ab!”

Ri Zacariy 8:9

Are wa' ri cubij ri Ajawaxel ri c'o ronojel u cuinem: “Chebicojo' tak i chuk'ab, ix ri e i tom tak ri tzij ri e qui bim tak ri e k'axal tak tzij, kas pa ri k'ij aretak xecoj tak ri tac'alibal che ri u tz'akatisaxic u yaquic ri rachoch ri Ajawaxel ri c'o ronojel u cuinem.

1 Corintios 16:13

Chixc'asc'atok. Co chixc'ol pa ri i cojonic. Chc'ol nimalaj i chuk'ab, xukuje' co chixc'olok.

2 Corintios 13:11

Chuq'uisbalil, wachalal: Chixquicotok. Chitz'akatisaj jas ri cäraj ri Dios pa ri i c'aslemal. Chicu'bisala' i c'u'x. Chux junam i chomanic. Chixjekel pa jamaril. Are c'u ri Dios ri re lok'ok'ebal c'uxaj, aj jamaril, cäc'oji' na iwuc'.

Efesios 1:19

chi sibalaj nim ri u cuinem chke ri uj cojonelab, jas ri nimalaj chuk'ab xukuje' cuinem ri xucoj ri Dios,

Efesios 3:16

Quinta' che ri Tataxel chi jas ri u k'inomal ri u juluwem, cuya' i chuk'ab xukuje' cuinem pa ri iwanima' rumal ri Ruxlabal ri Dios,

U Camulixic ri Pixab 31:23

Ri Ajawaxel xuya' we takanic ri' che ri Josue, (ri u tat ri Josue are' ri Nun): “Chc'ol a chuk'ab xukuje' muban quieb a c'u'x, at c'ut catbanow na chi queboc ri aj israelib pa ri ulew ri nu bim chi quinya' chque, are c'u ri in quinc'oji' na pa a xcut.”

Filipenses 3:1

Che ri u q'uisbalil c'ut, wachalal, chixquicot pa ri Ajawaxel. Chwe in man c'ax ta chwe ri e qui tz'ibaxic bic chiwe jumul chic ri e junam jastak, cajwataj c'u wa' chiwe che i jiquibaxic.

Filipenses 4:13

Ronojel quincuin chubanic are' c'u Crist ri cäyo'w nu chuk'ab.

Filipenses 4:8

Chuq'uisbalil, wachalalib, e joropa' jastak ri kas e je, e joropa' jastak ri ya'tal u ya'ic qui k'ij, e joropa' jastak ri e suc', e joropa' jastak ri e ch'ajch'oj, e joropa' jastak ri ya'tal qui lok'ok'exic, e joropa' jastak ri e utz qui tzijol, we c'o c'u apachique utzil, o apachique ak'anasibal k'ij, e are' wa' chebino'jij.

Colosenses 1:11

Cäkata' che ri Dios chi cuya' i chuk'ab ruc' ri nimalaj u cuinem ri u juluwem. Jeri' quixcuin che u ch'ijic ronojel c'ax, quicuy ronojel ri cäban chiwe.

2 Timoteo 2:1

Ri at, nu c'ojol, chatux co pa ri tok'ob ri c'o pa ri Crist Jesus.

2 Timoteo 4:17

Are c'u ri Ajawaxel xc'oji' wuc', xuya' nu chuk'ab, rech xincuin che u tzijoxic ri tzij re colobal ib, jeri' chi xquita' conojel ri winak. Xinesax c'u pa u chi' ri coj.

Ri Josue 1:9

In ri' ri catintako chi chachajij anima' xukuje' cochattac'alok. Maxe'j awib mawi maqueblaj a c'u'x rumal rech chi ri in, ri Awajawaxel xukuje' a Dios, quinc'oji' na awuc' apawije' ta ne ri catbe wi.”

1 Pedro 3:8

Chuq'uisbalil c'ut, chixux iwonojel xa' jun i chomanic, chel i c'u'x chbil iwib, chilok'ok'ela ri iwachalal. Rajawaxic utzalaj i c'u'x xukuje' mach'amoj.

1 Pedro 4:11

We c'o jun cätzijonic, je chtzijonok jas ri e u tzij ri Dios. We c'o jun cäpataninic, chpataninok je jas ruc' ri cuinem ri cuya' ri Dios. Jeri' pa ronojel cänimarisax u k'ij ri Dios rumal ri Jesucrist, ri nim u k'ij xukuje' ri c'o u cuinem amak'el chbe k'ij sak. Je chbanok.

1 Pedro 5:10

Are c'u ri Dios cuban na tz'akat chiwe, quixucowirisaj na, cuya' na i chuk'ab, xukuje' quixutac'aba' na. Are ri' ri Dios ri cäbanow ronojel u wäch tok'ob xukuje' ri xixsiq'uin che ri junalic u juluwem pa ri Crist.

1 Juan 2:14

In tz'ibaninak bic chiwe, lok'alaj tak walc'ual, rumal rech chi iwetamam c'ut u wäch ri Tataxel. In tz'ibaninak bic chiwe, tataxelab, iwetamam chi c'u u wäch ri c'o wi ulok kas pa ri tictajic. In tz'ibaninak bic chiwe xukuje' c'ojolab, rumal rech chi ix co, i c'amowam c'ut ri u Tzij ri Dios pa ri iwanima', i ch'äcom c'ut ri itzel.

Nabe Samuel 23:16

C'o jun k'ij aretak ri Jonatan (u c'ojol ri Saul), xbe che rilic ri David pa Hors, che u cu'bisaxic u c'u'x che, che u cowirisaxic ri u jiquibam c'uxaj chrij ri Dios.