Efesios 5:29 - Quiché Bible

²⁹ Man c'o ta jun cäretzelaj u wäch ri u cuerp chbil rib, xane' cutzuku, cuchajij. Je xukuje' cuban ri Crist che ri comon cojonelab.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁹ Rumal maj jun retzelam uwach ri utyoꞌjal, xane kutzuqu xuqujeꞌ kuchajij jeꞌ jas ri kubꞌan ri Cristo che ri komontyox.

K'iche'

²⁹ Man c'o tä c'u jun winak ri tzel cäril wi ru cuerpo, xane cutzuku, cärilij. Je c'u wa' cuban ri Cristo chque ri kachalal cojonelab.

K'iche' (New Orthography)

²⁹ Man k'o tä k'u jun winaq ri tzel käril wi ru cuerpo, xane kutzuqu, kärilij. Je k'u wa' kub'an ri Cristo chke ri qachalal kojonelab'.

Efesios 5:29 ပူးပေါင်းရင်းမြစ်များ

Chapletajic 2:23

Aretak ri Adan xril ri ixok, ruc' quicotemal xubij: “¡Are kas u tz'akatil ri nu ti'jal wa' xukuje' u tz'akatil ri nu bakil! ‘Ixok’ cuchi'x na, che c'u ri achi xresaj wi ri Dios.”

E C'ambal tak Tzij 11:17

Ri quel u c'u'x che jun chic cuban utzil chbil rib, are c'u ri man cätok'obisan ta wächaj cuc'am ulok etzelal puwi' chbil rib.

Ri Tzijonel 4:5

Ri winak cubij: “Ri man c'o ta u no'j quebuk'aluj ri quieb u k'ab cusachisaj c'u u wäch chbil rib.”

Ri Isaiy 40:11

Cäpetic jacha' jun ajyuk' ri quebuchajij ri u chij quebuyac ri alaj tak chij, quebuk'aluj, quebuc'am bic cho u c'u'x, sibalaj coc il che qui chajixic ri c'äte xebalaxic.

Ri Ezequiel 34:27

Ri wächinel tak che' ri e c'o pa ri juyub caquiya' na qui wäch, ri ulew cuya' na ri u wächinic, quejeki' c'u na pa utzil pa ri kas culew. Aretak chinwesaj ri nu tinimit pa qui k'ab ri e qui banom jacha' lok'om pataninelab chque, c'äte ri' caquich'ob na chi in ri' ri Ajawaxel.

Ri Matey 23:37

“¡Jerusalen, Jerusalen, ri quebacämisaj ri k'axal tak tzij, ri xebabuc' che abaj ri quetak ulok awuc'! ¡Q'ui mul xinwaj xebenmulij ri awal, je jas ri ec' quebumulij ri alaj tak ral chuxe' ri u xic', man xawaj ta c'ut!

Ri Matey 6:26

Chiwilampe' ri chicop aj uwo caj ri e c'o qui xic'. Ri e are' man queticonij taj, man quek'atow taj, man quemulin ta pa c'uja. Ri i Tat c'ut ri c'o chila' chicaj quetzukuwic. ¿La ma ta are nim na i k'ij ix chquiwäch ri e are'?

Romanos 1:31

Man cäcaj taj quech'obonic, man e jic ta pa ri qui tzij, man quelok'ok'en taj, man quecuyun taj, man quel ta qui c'u'x.

Efesios 5:28

Jeri' xukuje' ri achi rajawaxic culok'ok'ej ri rixokil, jas ri u lok'ok'exic ri u cuerp ri are' chbil rib. Apachin ri culok'ok'ej ri rixokil, culok'ok'ej rib ri'.

Efesios 5:30

Uj c'ut u tz'akatil ri u cuerp. Ri uj rech ri cuerp ri'.

Efesios 5:31

Rumal ri', ri achi quebuya' can ri u tat u nan, cätuni' na ruc' ri rixokil. Ri e quieb quebux na xa' jun.