Efesios 5:2 - Quiché Bible

² chiwuc'aj ri c'aslemal aj lok'ok'ebal c'uxaj, jas ri Crist xujulok'ok'ej. Xuya' ri u c'aslemal rumal kech, jacha' sipanic, tabal tok'ob cho ri Dios, are jun c'oc'alaj uxlab ri cäkaj chuwäch.

RI KꞌAKꞌ TESTAMENTO PA TZIJOBꞌAL KꞌICHEꞌ

² Chikꞌaslebꞌej jun kꞌaslemal rech loqꞌanik, jetaq ri xubꞌan ri Cristo, xujuloqꞌaj xuqujeꞌ xujach ri ukꞌaslemal jeꞌ jas jun kꞌokꞌ laj sipanik cho ri Dios.

K'iche'

² Chiwaj ba' iwib jas ri Cristo cujraj uj, xujach c'u rib pa ri cämical che ka q'uexwäch, jas jun alaj chij ri cäcämisax cho ri Dios che sipanic, ri sibalaj je'l cuna' wi ri Are', jas ri ruxlab ri c'oc'alaj cunabal ri cäporox chuwäch.

K'iche' (New Orthography)

² Chiwaj b'a' iwib' jas ri Cristo kujraj uj, xujach k'u rib' pa ri kämikal che qa k'exwäch, jas jun alaj chij ri käkämisax cho ri Dios che sipanik, ri sib'alaj je'l kuna' wi ri Are', jas ri ruxlab' ri k'ok'alaj kunab'al ri käporox chuwäch.

Efesios 5:2 ပူးပေါင်းရင်းမြစ်များ

Chapletajic 8:21

Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

Elem 29:18

Chachi'j c'u ri ama' chij puwi' ri porobal, jacha' tabal tok'ob ri cächajirisaxic che u ya'ic u k'ij ri Ajawaxel, jacha' sipanic porom ri cäc'oc'atic.

Elem 29:25

Chebac'ama' c'ut pa qui k'ab, chaporoj puwi' ri porobal cärachilaj ri tabal tok'ob ri cächajirisaxic ri cäc'oc'at chuwäch ri Ajawaxel. Sipanic wa' ri porom che u ya'ic u k'ij ri Ajawaxel.

Aj Levitib 1:13

Are' c'ut ri cäjachow ri tabal tok'ob pa cachajirisaxic quebuch'aj ri ixco'l xukuje' ri e ra' ri awaj ruc' ja', ronojel c'ut cuchi'j ri cojol tabal tok'ob, cuporoj ronojel puwi' ri porobal; jacha' sipanic ri caporoxic ri cäc'oc'atic ri cäkaj chuwäch ri Ajawaxel.

Aj Levitib 1:17

Cujak'ij c'u na ri chicop ri e c'o u xic', quebuc'am c'u che ri quieb u xic', man cuban ta c'u quieb che chuq'uisbalil cuporoj na ri chicop ri e c'o u xic' puwi' ri si' ri c'o puwi' ri porobal jacha' tabal tok'ob ri cächajirisaxic, jacha' sipanic ri canicowisaxic ri cäc'oc'at che ri Ajawaxel.”

Aj Levitib 1:9

Ri cäjachow ri tabal tok'ob ri cächajirisaxic, rajawaxic quebuch'aj ri ixco'l, xukuje' ri e ra' ri awaj ruc' ja'; ronojel c'ut cuporoj ri cojol tabal tok'ob puwi' ri porobal jacha' sipanic ri caporoxic ri cäc'oc'atic, ri cäkaj chuwäch ri Ajawaxel.

Aj Levitib 3:16

Ri cojol tabal tok'ob cuporoj ronojel wa' puwi' ri porobal, jacha' sipanic re wa ja' canicowisaxic, ri cäc'oc'at ruxlab. Ronojel ri xepo cäya' che ri Ajawaxel.

Ri Amos 5:21

“Itzel quebenwilo xukuje' quinwetzelaj qui wäch tak ri nimak'ij quech tak k'ijilanic ri quebiwoc'owisaj tak; quequiyac woyowal ri e u mulixic tak iwib ri nimak tak qui k'ij ri quebibano.

Ri Matey 20:28

Je jas ri Rija'l winak man xpe taj rech cäpatanixic, xane' rech quebupatanij niq'uiaj chic. Xpetic rech cuya' ri u c'aslemal che qui toric q'uialaj winak.”

Ri Xuan 13:34

Jun c'ac' takomal quinya' chiwe: Chilok'ok'ela' iwib. Je jas ri in ix nu lok'ok'em, xukuje' ri ix chilok'ok'ela' iwib.

Ri Xuan 6:51

In ri' ri c'aslic wa ri kajinak ulok pa ri caj. We c'o jun cutij re we wa ri', cäc'asi na amak'el chbe k'ij sak. Ri wa ri quinya' na in, are' ri nu cuerp, ri quinya' na rumal rech ri qui c'aslemal ri winak cho ri uwächulew.”

Romanos 15:16

chi quinux pataninel re ri Jesucrist chquixo'l ri man aj judeyib taj. Quinpatanin che u tzijoxic ri utzalaj tak u tzij ri Dios, rech ri man aj judeyib taj cäquijach quib che ri Dios che jun sipanic ri cäkaj chuwäch ri Dios, ri cäc'am rumal, e tasom rumal ri Ruxlabal ri Dios.

Romanos 4:25

Are ri Jesus ri xjach pa ri cämical rumal rech ri ka mac, xc'astaj c'ut rumal rech ri ka k'alajisaxic chi uj suc' chic chuwäch ri Dios.

Romanos 8:3

U banom c'u ri Dios ri man xcuin ta ri u pixab ri Moises che u banic, man ticarel ta c'u che u banic u mac rech ri u tukaril ri aj macalaj winak: ri Dios xutak c'u ulok ri kas u C'ojol pa ri u junamil ri aj macalaj winak jacha' che tabal tok'ob rech cacuyutaj ri macaj, je c'u wa' ri u c'okotajic ri macaj chupam ri kas u tukaril ri winak.

Romanos 8:37

Pune' cäkarik conojel we jastak ri', cujch'äcan na puwi' ronojel, rumal ri jun ri xujulok'ok'ej.

1 Corintios 16:14

Ronojel ri jastak ri quibano, chibana' ruc' lok'ok'ebal i c'u'x.

1 Corintios 5:7

Chiwesaj ba' ri ojer ch'am, rech quixux c'ac' k'or, ri man c'o ta ch'am ruc', je jas ri i banic. Ri ka chij re ri oc'owem are ri Crist, ri xcäm che tabal tok'ob cho ri Dios rumal kech.

2 Corintios 2:14

Maltiox ba' che ri Dios, chi amak'el cujuc'am bic pa ri ch'äcanic pa ri Crist Jesus chi rumal c'u kech cuya' retamaxic ri u tijonic ri cäjabun, pa conojel c'olbal jacha' jun c'oc'alaj uxlab.

2 Corintios 2:15

Uj je ta ne ri c'oc'alaj ruxlab jun c'oc'al ri cuya' ri Crist chuwäch ri Dios; we uxlab ri' c'o chquixo'l ri winak ri quecolotajic xukuje' chquixo'l ri winak ri cäsach qui wäch.

2 Corintios 8:9

Iweta'm c'ut ri u tok'ob ri Kajaw Jesucrist. Ri are' k'inom, xux c'u meba' rumal iwech, rech quixux k'inom rumal ri u mebayil.

Gálatas 1:4

ri are' xuya' ri u c'aslemal rumal rech ri ka mac, che kesaxic pa ri etzelal re we uwächulew ri', jas ri u rayibal ri Dios ka Tat.

Gálatas 2:20

Junam xinrip ruc' ri Crist cho ri ripibal. Man in ta chic in c'aslic, xane' are ri Crist c'asal pa ri wanima'. Ri nu c'aslemal pa ri nu cuerp camic, quinwoc'owisaj pa ri cojonic che ri u C'ojol ri Dios, ri xinulok'ok'ej xukuje' xuya' ri u c'aslemal rumal wech.

Efesios 1:4

Ri Dios xujucha' pa ri Crist aretak c'ä majok cätiquitaj ulok ri uwächulew, rech cujux tastalic tak winak, cujc'oji' chuwäch ri are', man c'o ta ka mac.

Efesios 3:17

rech ri Crist cäjeki' pa ri iwanima' rumal ri cojonic. Jeri' co ix tiquil pa ri lok'ok'ebal c'u'x, je ta ne jun tico'n ri benak u c'amal pa ulew,

Efesios 3:19

Quintz'onoj che ri Dios chi quiwetamaj ri lok'ok'ebal u c'u'x ri Crist, ri coc'ow na chuwäch apachique etamabal, rech cänojisax ri iwanima' che ri Dios.

Efesios 4:15

Xane' chkabij ri kastzij ruc' lok'ok'ebal c'u'x, jeri' chujq'uiy ba pa ronojel, pa ri Crist, ri are' ri jolomaj.

Efesios 4:2

Chixux mach'alic xukuje' chi lok'ok'ela' iwib; chc'ol i coch'onic chicoch'ola' c'u tak iwib ruc' lok'ok'ebal c'uxaj,

Efesios 5:15

Kas chiwila' na jas ri quibano. Miban iwe jas ri man c'o ta qui no'j, xane' chibana' iwe jas ri c'o qui no'j.

Efesios 5:25

Achijab, chebilok'ok'ej ri e iwixokil, jas ri Crist xulok'ok'ej ri comon cojonelab. Xuya' c'u ri u c'aslemal rumal rech.

Filipenses 4:18

Ronojel c'o wuc', q'ui ri jastak we c'olic. Xinc'am ri xitak ulok rumal ri Epaprodit, c'o ronojel ri rajawaxic chwe ruc' u wi'. Ri xiya' chwe, are je ta ne jun c'oc'alaj c'oc'al sipam cho ri Dios, ri cäc'am rumal ri Dios ri cäkaj chuwäch.

Colosenses 3:14

Puwi' c'u ronojel wa', chc'ol lok'ok'ebal i c'u'x. Are c'u wa' quixuc'an pa jun tz'akatalaj chomanic.

1 Tesalonicenses 4:9

Man rajawaxic taj chi quintz'ibaj chiwe jas quiban ix kachalal che ri u lok'ok'exic iwib. Ix tijom c'u rumal ri Dios jas quibano quilok'ok'ela' iwib.

1 Timoteo 2:6

Rumal rech chi xujach rib ri Jesucrist pa u k'ab ri cämical che u tojic ri rajil ri colobal ib chque conojel, jas ri u cholajil ri k'alajisanic ri xya' pa ri kas u k'ijol.

1 Timoteo 4:12

Maya' chque ri winak chi cäquetzelaj a wäch xa' rumal rech chi at ac'al achi na. Xane' chatux jun c'utbal pa ronojel chquiwäch ri cojonelab, rech ri e are catquilo, cäquiban que jas ri caban at. Jeri' cäquita' ri utzalaj a tzij, cäquilo chi utz catbin pa ri a c'aslemal, chi quebalok'ok'ej niq'uiaj chic, chi c'o a cojonic, chi ch'ajch'oj ri a c'aslemal, cäquiban c'u que jas ri caban at.

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

Hebreos 8:3

Ronojel qui nimal ri e cojol tak tabal tok'ob cojom che qui ya'ic sipanic xukuje' tabal tak tok'ob. Je c'u ri' ri Jesucrist rajawaxic chi xukuje' ri are' c'o jas cuya'o.

Hebreos 9:14

¡e ta c'u lo ri u quiq'uel ri Crist, ri xuya' rib rumal ri junalic Uxlabaxel, man tz'ajtajinak taj chuwäch ri Dios, quebujosk'ij na ri retamabal ka c'u'x ruc' ri quesaxic ri cäminak tak chac, rech cäkak'ijilaj ri c'aslic Dios!

Hebreos 9:23

Rajawaxic c'ut chi ri qui wächbal ri jastak aj chicaj quejosk'ix rumal ri qui cämisaxic awaj che tabal tok'ob cho ri Dios. Are' c'u ri jastak aj chicaj quejosk'ix rumal jun tabal tok'ob ri utz na chuwäch ri qui cämisaxic tak awaj.

Hebreos 9:26

We ta jeri', ri Crist xajwataj ta ri' chi u rikom ta c'ax q'ui mul kas pa ri u tiquiritajic ri uwächulew. Man je ta c'ut, xane' camic xa' jumul xutac'aba' rib aretak cätajin cäq'uis ri k'ij junab, ri Crist xuya' ri u c'aslemal che tabal tok'ob che u sachic ri macaj.

1 Pedro 4:8

Puwi' ronojel, chicojo' i chuk'ab che u lok'ok'exic iwib, rumal rech chi ri lok'ok'ebal c'u'x cubano chi quesachtaj q'ui mac.

1 Juan 3:16

Chupam wa' cäkach'ob wi u wäch ri lok'ok'ebal c'uxaj, chi ri Crist xuya' ri u c'aslemal rumal kech' ri uj xukuje' chkaya' ta ba' ri ka c'aslemal rumal quech ri kachalal.

1 Juan 3:23

Ri u takomal, chi chujcojon che ri Jesucrist, ri u C'ojol, cäkalok'ok'ela' c'u kib, jacha' ri are' uj u lok'ok'em.

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,

Apocalipsis 5:9

Xquibixoj jun c'ac'alaj bix, xquibij: “Ya'tal che la chi cäc'am la ri wuj, chi quejak la ri e u t'ikbal, rumal rech chi xcämisax la, ruc' ri quiq'uel la xelok' la winak rech quebux rech ri Dios re conojel qui wäch winak, ch'abal, amak', nimak tak tinimit.