Efesios 5:14 - Quiché Bible

¹⁴ Ri sakil cuk'alajisaj ronojel. Rumal ri' cäbixic: “Chatc'astajok, at ri catwaric, chatwalij chquixo'l ri cäminakib. Ri Crist catuya' na pa sak.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Rumal are ri tunal kakꞌutuw ronojel ri jastaq, rumal riꞌ kubꞌij ri tzꞌibꞌatalik: Chatwaꞌjiloq at ri katwar chikixoꞌl ri kaminaqibꞌ, katutunaj ri Cristo.

K'iche'

¹⁴ Rumal ri' cäbixic: At ri' ri je' ta ne catwaric, chatc'astajok, chatwalij chquixol ri winak ri je' ta ne e cäminakib rumal ri qui mac, ri Cristo c'ut cuya na sakil chawe, —cächa'.

K'iche' (New Orthography)

¹⁴ Rumal ri' käb'ixik: At ri' ri je' ta ne katwarik, chatk'astajoq, chatwalij chkixol ri winaq ri je' ta ne e käminaqib' rumal ri ki mak, ri Cristo k'ut kuya na saqil chawe, —kächa'.

Efesios 5:14 ပူးပေါင်းရင်းမြစ်များ

Ri Isaiy 26:19

E are c'u ri cäminak la quec'asi' chi na, ri e qui bakil quec'astaj na. Ri quewar chupam ri ulew quec'asutaj na cäquirak na qui chi' ruc' quicotemal. Cätak c'u la ulok ri sakil la jacha' ri räx k'ab e are' tak c'ut ri cäminakib queq'uiy chi na chupam ri ulew.

Ri Isaiy 51:17

Chatc'astajok, chatc'astajok Jerusalen, chatwalijok. Ri at xach'ij ri royowal ri Ajawaxel jacha' ri winak ri cukumuj ri c'o pa jun kumubal, cukumuj c'u ronojel ri c'o chupam, c'ä cäk'abar na.

Ri Isaiy 52:1

Chatc'astajok, Sion, chatc'astajok, chacojo' a chuk'ab Jerusalen, tastalicalaj tinimit, chacojo' ri awatz'iak ri sibalaj e je'l na, rumal rech chi ri e k'ijilal tak diosib, ri e tz'il tak winak, man queboc ta chi na awuc'.

Ri Isaiy 60:1

Chatwalijok, Jerusalen, at pistal pa juluwem, opaninak c'u ri a chaj, ri u juluwem ri Ajawaxel cätunun pawi'.

Ri Lucax 1:78

Je cuban ri ka Dios rumal rech chi sibalaj quel u c'u'x chke, rumal wa' cäpe na Jun chicaj je jas ri k'ij ri quel ulok nim a k'ab.

Ri Lucax 15:24

Rumal rech chi we nu c'ojol ri' cäminak chic, xc'astaj c'u ulok, xsach na, xriktaj c'ut.’ Xquichaplej c'u nimak'ij.

Ri Xuan 8:12

Ri Jesus xebutzijobej chi jumul ri winak, xubij: “In ri' ri u chäj ri uwächulew. Apachin ri quinuterenej, man cäbin ta pa k'eku'm, xane' cäc'oji' na ri chäj re c'aslemal ruc'.”

Ri Xuan 9:5

Aretak c'ä in c'o cho ri uwächulew, in chäj chque ri winak cho ri uwächulew.”

Hechos 13:47

Are c'u wa' ri uj u takom wi ri Ajawaxel, xubij: At nu cojom che chäj chque ri nimak tak tinimit, rech catzijoj chque conojel ri winak cho ri uwächulew, pune' e c'o sibalaj naj, chi cuya' quecolotajic.”

Romanos 6:13

mijach ba ri i cuerp che ri mac che u banic ri etzelal. Xane' chijacha' iwib pa u k'ab ri Dios je ta ne ix c'astajinak chic chquixo'l ri cäminakib. Chijacha' ri i cuerp pa u k'ab ri Dios rech quiban ri utz.

1 Corintios 15:34

Kas chichomaj na jas ri quibano, chibana' ri suq'uil, mixmacunic. E c'o jujun chiwe ri c'ämaja' caquetamaj u wäch ri Dios. Quinbij wa' chiwe rech quixq'uixic.

2 Corintios 4:6

Ri Dios, ri xubij: “Chtunun ri sakil pa ri k'eku'm”, are ri' ri xtunun pa ri kanima', rech cäketamaj ri u juluwem ri Dios ri cäjuluw che ri u palaj ri Jesucrist.

Efesios 2:1

Ri ix nabe ix cäminak pa tak ri iwetzelal xukuje' pa tak ri i mac.

Efesios 2:5

Jeri' chi, aretak uj cäminak can cumal ri ka mac nabe, xuya' ka c'aslemal ruc' ri Crist. Rumal c'u ri u tok'ob ri Dios ix colotajinak chic.

Colosenses 3:1

We ix c'astajinak chi ruc' ri Crist, chebitzucuj ba' ri jastak aj chicaj, jawije' ri t'uyul wi ri Crist pa ri u wiquiak'ab ri Dios.

1 Tesalonicenses 5:6

Mujwar ba' jas ri e jule' chic, xane' chujc'asc'atok, chkachomaj jas cäkabano.

2 Timoteo 1:10

camic c'ut xk'alajisax ri u tok'ob chke rumal ri u petbal ri ka Colonel ri Crist Jesus. Ri are' xusach u wäch ri cämical, xuc'am ulok ri c'aslemal chi sak ri man cäq'uis ta u wäch rumal ri tzij re colobal ib.

2 Timoteo 2:26

Rech quetzelej chupam ri utzalaj qui chomanic, quebel c'u chupam ri u cämibal ri itzel, e chaptajinak c'u rumal rech cäquiban ri u rayinic.