Efesios 4:32 - Quiché Bible

³² Xane' chibana' utzil xukuje' chel i c'u'x chbil tak iwib. Chisachala' i mac, jacha' ri Dios xusach i mac rumal ri Crist.

RI KꞌAKꞌ TESTAMENTO PA TZIJOBꞌAL KꞌICHEꞌ

³² Xane utz chixnoꞌjinoq, cheꞌl ikꞌuꞌx chike ri winaq, chikuyu taq iwibꞌ jacha ri xubꞌan ri Dios xixukuy pa Cristo.

K'iche'

³² Xane chich'abej iwib ruc' utzil, chel i c'ux chbil tak iwib, chusachala rib i mac chbil tak iwib, jas ri Dios xusach i mac ix rumal ri Cristo.

K'iche' (New Orthography)

³² Xane chich'ab'ej iwib' ruk' utzil, chel i k'ux chb'il taq iwib', chusachala rib' i mak chb'il taq iwib', jas ri Dios xusach i mak ix rumal ri Cristo.

Efesios 4:32 ပူးပေါင်းရင်းမြစ်များ

Ucab Samuel 7:21

Conojel tak we mayibal ri' lal lal banowinak, jas ri xchi'j la xukuje' ri xaj la, rech quebenwetamaj,

Salmib 112:9

Cujach cochij chque ri mebayib, amak'el cayanic, cuwalijisaj ri u palaj ruc' nim ilic.

Salmib 145:9

Ri Ajawaxel utz cuc' conojel, ruc' c'u ch'uch'ujil quebuchajij ri e u chac.

E C'ambal tak Tzij 12:10

Ri suc' reta'm querilij ri rawaj, are c'u ri ranima' ri itzel winak man catok'basan ta wächaj.

E C'ambal tak Tzij 19:11

Ri utzalaj no'jinic are ri u k'ilic ri oyowal, are c'u ri u ya'ic k'ij, man c'o ta cubij u c'u'x che ri il patan.

E C'ambal tak Tzij 19:22

Ri sibalaj cucämisaj wi rib ri winak che u rayixic cux u quiäkasakil; are' utz na ri meba' chuwäch ri banal tzij.

Ri Isaiy 57:1

Ri winak ri e tz'akatisanelab pa ronojel, quecämic; man c'o ta c'u jun coc il ri e utzalaj tak winak cäsach qui wäch, man c'o ta c'u jun cäch'obowic chi aretak quecämic queto'tajic man c'o ta chi c'ax cäquiriko

Ri Jeremiy 38:12

xubij c'u che: “Chebacojo' tak we atz'iak ri' pa tak a toloc', rech man catquisoc taj ri colob.” Je c'u xuban ri Jeremiy.

Ri Matey 6:12

Checuyu' la ri e ketzelal jacha' xukuje' ri uj quekacuy ri etzelal ri e banom chke.

Marcos 11:25

Aretak ix c'o pa ch'awem ruc' Dios, we c'o jas quina' chrij jun winak chic, chi sacha' u mac, rech ri i Tat ri c'o chila' chicaj xukuje' cusach na ri i mac ix.”

Ri Lucax 1:78

Je cuban ri ka Dios rumal rech chi sibalaj quel u c'u'x chke, rumal wa' cäpe na Jun chicaj je jas ri k'ij ri quel ulok nim a k'ab.

Ri Lucax 11:4

Cuyu' la ri ka mac. Xukuje' c'u ri uj cakacuy ri qui mac ri qui banom c'ax chke. Mujya' la pa takchibal mac.’ ”

Ri Lucax 17:4

We wukmul c'ut pa jun k'ij cuban jun mac chawe, we wukmul pa jun k'ij cätzelej na awuc', cubij, xinq'uex nu c'u'x, chasacha' ba' u mac.”

Ri Lucax 6:35

Chebilok'ok'ej ba' ri cäquiban qui c'ulel chiwe. Chibana' utzil, chiya' jolomal, micu'ba' i c'u'x chrij chi cätzelex chi na. Nim c'u ri tojbal iwe, quixux na ralc'ual ri Dios aj chicajil, rumal rech chi ri are' ch'uch'uj chque ri man quemaltioxin taj xukuje' chque ri itzel tak winak.

Ri Lucax 6:37

“Mik'at tzij paquiwi' niq'uiaj chic, rech man cäk'at ta tzij piwi' ix. Mebic'okoj niq'uiaj chic, rech man quixc'okox ta na ix. Chisacha' qui mac niq'uiaj winak chic, cäsach c'u na i mac ix.

Hechos 28:2

Ri e aj chila' nimalaj tak utzil xquiban chke. Xquicuch jun k'ak', xujquic'ulaj konojel, rumal rech chi cätajin jäb xukuje' c'ax tew.

Romanos 12:10

Chilok'ok'ela iwib chi ix jacha' achalaxelab, chebiyala' tak i k'ij nim c'u chebiwila' wi tak iwib.

1 Corintios 13:4

Ri c'o lok'ok'ebal u c'u'x are ri' cuk'i' ri c'ax, ch'uch'uj, man cäpe ta royowal che jun chic we curik utzil, man cärak'anisaj ta u k'ij, man cunimarisaj ta rib,

2 Corintios 2:10

We ri ix quisach u mac jun, xukuje' ri in quinsach u mac. We c'o jun mac nu sachom, nu banom rumal iwech, chuwäch ri Crist.

2 Corintios 2:7

Miban chi c'u che camic. Xane' chisacha' u mac, chicu'bisaj u c'u'x, rech man cäc'axc'ob ta rumal ri nimalaj bis.

2 Corintios 6:6

Pa ronojel wa': ch'ajch'oj ri ka c'aslemal, keta'm ri kastzij c'o ka coch'onic, cäkaban tak tok'ob, c'o ri Ruxlabal ri Dios kuc', kastzij quekalok'ok'ej ri winak,

Efesios 5:1

Chibana' ba' iwe ri cuban ri Dios, jacha' chi ix alc'ualaxelab ri ix lok'ok'em;

Santiago 5:11

Ri uj c'ut cäkabij chi tewichital ri winak ri cäquich'ij ri c'ax. I tom ri u ch'ijonic ri Job, iwilom jas xuban ri Ajawaxel che aretak xoc'ow ri u c'axc'olil. Iwilom chi ri Ajawaxel cutok'obisaj qui wäch ri winak, quel u c'u'x chque.

2 Pedro 1:7

Ruc' c'ut ri nimanic che ri Dios rajawaxic chi quiwuc'aj iwib cuc' ri achalaxelab; ruc' c'ut ri ruc'axic iwib cuc' ri achalaxelab rajawaxic chi cac'oji' i lok'ok'ebal c'uxaj.

1 Juan 1:9

We c'u quekak'alajisaj ri e ka mac, cuya' cakacuba' ka c'u'x chi ri Dios cuban na jachique ri suq'uilal: quebucuy c'u na tak ri e ka mac, queresaj c'u na conojel ri ketzelal.

1 Juan 2:12

Quintz'ibam chiwe ix lok'alaj tak walc'ual, rumal rech chi e cuyum ri e i mac, rumal ri u ya'ic u k'ij ri u bi'.

Ri Rut 2:20

Ri Noemi xutzelej u bixic che: “¡Chtewichi'x ba' rumal ri Ajawaxel! Ri are' u banom utzil chke camic, jacha' xuban nabe chque ri cäminakib. We achi ri' c'o cux chke, rumal ri' are jun chque ri ya'tal ka to'ic rumal.”