Efesios 4:24 - Quiché Bible

²⁴ Are' chiwatz'iakij ri c'ac' c'aslemal, jas ri cakaj chuwäch ri Dios, kas pa suq'uilal xukuje' kas pa ri ch'ajch'ojil, ri catakan wi ri u kastzij.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁴ Xuqujeꞌ chikojo ri kꞌakꞌ taq atzꞌyaq rech ri kꞌakꞌ taq noꞌjibꞌal rech ri kꞌakꞌ kꞌaslemal, ri bꞌantal jetaq ri ukaꞌyibꞌal ri Dios, pa ri qas tzij, ri sukꞌal xuqujeꞌ ri tyoxalaj kꞌaslemal.

K'iche'

²⁴ Chiq'uexa ri i c'aslemal je' ta ne ri quicoj jun c'ac' atz'iak. Are wa' ri c'ac' i c'aslemal ri yo'm chiwe rumal ri Dios rumal chi are u rayibal ri Are'. Jun c'aslemal wa' ri kas jicom, xukuje' ch'ajch'oj.

K'iche' (New Orthography)

²⁴ Chik'exa ri i k'aslemal je' ta ne ri kikoj jun k'ak' atz'iaq. Are wa' ri k'ak' i k'aslemal ri yo'm chiwe rumal ri Dios rumal chi are u rayib'al ri Are'. Jun k'aslemal wa' ri qas jikom, xuquje' ch'ajch'oj.

Efesios 4:24 ပူးပေါင်းရင်းမြစ်များ

Chapletajic 5:1

E are wa' ri cajilabal ri e rija'lil ri Adan. Aretak ri Dios xebuban ri winak, xuwinakirisaj jas ri u ca'yebal ri Dios;

Ri Job 29:14

Ri suq'uilal xukuje' ri tz'akatil pa ronojel e nu tz'akatil wa': e are' watz'iak ronojel k'ij.

Ri Isaiy 52:1

Chatc'astajok, Sion, chatc'astajok, chacojo' a chuk'ab Jerusalen, tastalicalaj tinimit, chacojo' ri awatz'iak ri sibalaj e je'l na, rumal rech chi ri e k'ijilal tak diosib, ri e tz'il tak winak, man queboc ta chi na awuc'.

Ri Isaiy 59:17

Xuch'uk rib je ta ne xucoj ta jun to'bal uwo c'uxaj, xucoj ri colobal ib jacha' ta ne jun to'bal jolomaj, xratz'iakij ri tojow q'uexelal jacha' jun u pam atz'iak, xupis c'u rib chupam ri oyowal jacha' jun ch'ukubal.

Ri Lucax 1:75

cujc'oji' c'u chuwäch pa suq'uilal pa tastaliquil, conojel ri e u k'ij ri ka c'aslemal.

Ri Xuan 17:17

Chetasa' che la rumal ri kastzij. Ri tzij la are ri kastzij.

Romanos 12:2

Mitakej c'aslemal jas ri u cholajil tak ri e u chomanic tak ri k'ij junab ri uj c'olic; xane', chiq'uexa' ri chomanic ri i nak'atisam wi iwib rech jeri' quiq'uex ri ruc'axic ri i c'aslemal ri iwuc'am quixcuin c'u che retamaxic u wäch ri u rayibal ri Dios, ri u bixic, ri utz na, ri cakaj chuwäch, ri tz'akat.

Romanos 13:12

Oc'owem cuban ri ak'ab, cäketet chi ulok ri k'ij; mäkaban chi ri chac re ri k'eku'm. Chkabana' ba ri chac re ri sakil. Chkacojo' ri chacubal re ch'o'j.

Romanos 13:14

Xane' chicojo' ri Ajawaxel Jesucrist, je ta ne quicoj jun atz'iak ri chacubal re ch'o'j. Michomaj u banic ri itzel rayibal aj winak.

Romanos 6:4

Ri ka bautism are' jun c'utbal chi uj mukutajinac ruc' ri Crist pa ri u cämical, rech xukuje' ri uj cujbin na pa ri c'ac' c'aslemal, jacha' ri u walijisaxic ri Crist chquixo'l ri cäminakib rumal ri u juluwem ri Tataxel.

Romanos 7:6

Camic c'ut man uj c'o ta chic chuxe' ri pixab. Xane' uj cäminak chi chuwäch ri u takanic. Jeri' ri Uxlabaxel cuya' jun c'ac' ka c'aslemal che u patanixic ri Dios. Man cäkapatanij ta chi ruc' ri u takanic ri ojer pixab ri tz'ibatalic.

Romanos 8:29

E are c'ut ri xetamax ulok qui wäch rumal ri Dios, xebucha' ulok ojer rech quebux na junam ruc' ri u C'ojol, rech are' cux nabeal ri u C'ojol chquixo'l q'ui achalaxelab.

1 Corintios 15:53

We ka banic ri' ri cäk'ayic, rajawaxic cätz'iakix c'u na ruc' ri man cäk'ay taj. Xukuje' we cuerp ri' ri cäcämic, rajawaxic cätz'iakix na ruc' ri man cäcäm taj.

2 Corintios 3:18

Ri uj c'ut konojel man ch'ukutal ta chic ri ka palaj. Cäkak'alajisaj ri u juluwem ri Ajawaxel jas jun ilbal ib. Je c'u ri' cujq'uextajic, ronojel k'ij nim na ri u juluwem c'o kuc', rech cujux na jacha' ri Crist. Are ri Uxlabaxel re ri Ajawaxel cäbanow wa'.

2 Corintios 4:16

Rumal wa' man cäq'uistaj ta c'u ka c'u'x. Pune' ta ne cätajin cuban k'e'l ri ka cuerp, are c'u ri kanima' cäc'ac'arisaxic k'ij chi k'ij.

2 Corintios 5:17

Je c'u ri', we c'o jun c'o pa Crist, c'ac' winakirisam chic: ri ojer tak jastak xeboc'owic; chiwilampe', e c'ac' conojel ri e c'o chic.

Gálatas 3:27

Iwonojel c'ut ix junatajinak pa ri Crist, i cojom c'ut ri Crist che iwatz'iak.

Gálatas 6:15

Ri winak ri e jun ruc' ri Crist Jesus, man c'o ta u banic we kopim ri u wi' ri u tz'umal ri e achijab wi che quetal, o man kopim taj. Ri c'o u banic are ri c'ac' winakirisam.

Efesios 2:10

Ri Dios are' xujbanowic, xuban c'ac' tak winak chke rumal ri Crist Jesus, rech cäkaban utzalaj tak chac, ri xebusuc'umaj ulok ri Dios ojer, rech je cäkabano.

Efesios 2:15

Pa ri u cuerp xusach u wäch ri pixab xukuje' tak ri e u takomal xukuje' tak ri e colomibal. Ri u chomanic are ri qui winakirisaxic kas pa ri are' chque ri quieb jun c'ac' winak, je c'u wa' ri u banic ri jamaril rumal.

Efesios 6:11

Chito' iwib ruc' conojel ri ch'ojibal ri cuya' ri Dios chiwe. Jeri' quixcuinic co quixtaq'ui' chuwäch ri itzel, ri cäraj quixusubu ruc' ri itzel tak u no'j.

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

Hebreos 1:8

Che c'u ri C'ojolaxel cubij wi: “Ri a tem re ajawibal, oh Dios, amak'el chbe k'ij sak man q'uisel taj. Bara' re suq'uil ri u bara' ri awajawinic.

Hebreos 12:14

Chicojo' ri chuk'ab che ri c'olem pa jamaril cuc' conojel xukuje' ri ruc'axic jun tastalic c'aslemal; we c'u man jewa', man c'o ta jun cäcuinic querila' u wäch ri Ajawaxel.

1 Pedro 2:2

Jas jun alaj ne' sibalaj cäraj u tu', je xukuje' ri ix sibalaj chitzucuj ri utz che ri iwanima', je ta ne leche ri man c'o ta jas yujam ruc'. Chibana' wa' rech quixq'uiy pa ri i colotajic,

2 Pedro 1:4

Rumal ri u juluwem xukuje' ri rutzil ri e u sipam chke ri e nimak tak e u chi'nic ri sibalaj e pakal cajil, rech ri ix quixcuinic quebic'am iwech ri u binibal ri Dios rech ri ix quixcuinic man quixkaj ta pa u k'ab ri etzelal ri c'o cho ri uwächulew ri cäpe cumal ri e itzel tak rayibal.