Efesios 4:2 - Quiché Bible

² Chixux mach'alic xukuje' chi lok'ok'ela' iwib; chc'ol i coch'onic chicoch'ola' c'u tak iwib ruc' lok'ok'ebal c'uxaj,

RI KꞌAKꞌ TESTAMENTO PA TZIJOBꞌAL KꞌICHEꞌ

² Chimochꞌo iwibꞌ xuqujeꞌ utz chixnoꞌjinoq, man kayakataj ta iwoyawal aninaq, chiꞌkꞌamawaꞌj nikꞌaj winaq chik rukꞌ loqꞌanik.

K'iche'

² Minimarisaj iwib, xane quixch'awic, utz c'u iwanima' cuc' conojel. Chichajij paciencia, chisacha c'u i mac chbil tak iwib. Chic'utu' chi quiwaj iwib ruc' ru to'ic ri jun ruc' ri jun chic.

K'iche' (New Orthography)

² Minimarisaj iwib', xane kixch'awik, utz k'u iwanima' kuk' konojel. Chichajij paciencia, chisacha k'u i mak chb'il taq iwib'. Chik'utu' chi kiwaj iwib' ruk' ru to'ik ri jun ruk' ri jun chik.

Efesios 4:2 ပူးပေါင်းရင်းမြစ်များ

Salmib 138:6

Pune' chicaj c'o wi ri Ajawaxel, coc il che ri winak ri mach'alic, cuch'ob c'u u wäch ri banal nimal chinaj.

Salmib 45:4

Quiejeninak ruc' nimalil che ch'äcanem che u to'ic u wi' ri kastzij, ri mach'ibalil, ri colomal. ¡Ri iquiak'ab la cuban nimak tak mayibal!

E C'ambal tak Tzij 16:19

Are utz na u mach'irisaxic ib cuc' ri mebayib, che u banic ib k'inom cuc' ri e banal tak nimal.

E C'ambal tak Tzij 3:34

Ri Ajawaxel cutze'j qui wäch ri quetze'n wächaj cuban c'u utzil chque ri e mach'amoj.

Ri Tzijonel 7:8

Are utz na ri u q'uistajic u banic jun jasach chuwäch ri u chaplexic. Are utz na ri u cojic ri coch'onic che u q'uexwäch ri cucoj ri chuk'ab.

Ri Isaiy 57:15

Are' c'u ri Dios ri aj chicajil, ri cac'al chbe k'ij sak, ri tastalic u bi', je cubij wa': “Ri in in jekel pa jun c'olbal chicaj ri tastalic, xukuje' in c'o c'u ruc' ri meba' ri u rikom c'ax, quincu'bisaj c'u u c'u'x xukuje' quinya' u chuk'ab.

Ri Soponiy 2:3

Chitzucuj ri Ajawaxel iwonojel ix ri imach'om iwib ri ix aj we uwächulew ri', ri quebinimaj tak ri e u takomal. Chicolomaj iwib xukuje' chi mach'a' iwib we je qui ban wa' craj ne quirik to'bal iwib pa ri k'ij ri cäpe ri nimalaj royowal ri Ajawaxel.

Ri Zacariy 9:9

¡Sibalaj chatquicotok tinimit Sion! ¡Chatbixon rumal quicotemal, tinimit re Jerusalen! Ri awajawinel cäpe na awuc', suc' xukuje' ch'äcanel, mach'al c'ut, quiejeninak chrij jun bur, chrij jun alaj bur, ral jun ati't bur.

Ajilanic 12:3

Kas c'u ne kastzij, ri Moises are' ri achi ri sibalaj mach'al na cho ri uwächulew.

Ri Matey 11:29

Chic'amowaj ri weka'bal ri quinya' chiwij, chiwetamaj iwe wuc', chi in coch'onel xukuje' mach'al ri wanima'; quirik c'u na uxlanem che ri iwanima'.

Marcos 9:19

Ri Jesus xubij chque: “¡Ay, winak ri man quixcojon taj! ¿C'ä jampa' lo ri ma ta quinc'oji' chi iwuc'? ¿C'ä jampa' lo ri ma ta quixincuy chic? Chic'ama' ulok ri ala waral.”

Hechos 20:19

Man xinnimarisaj ta wib, nu patanim ri Ajawaxel ruc' ok'ej. Nu rikom c'ax rumal ri xquichomaj u banic ri aj judeyib chwe.

Romanos 15:1

Are c'u ri uj ri c'o ka chuk'ab chupam ri cojonic, chekacoch'o' ri qui tukaril ri man c'o ta qui chuk'ab, mäkaban c'u ri cäkaj chkawäch chbil kib.

1 Corintios 13:7

Ronojel cucoch'o, ronojel cucojo. Ronojel cucu'ba' wi u c'u'x, ronojel cuch'ijo.

Gálatas 6:2

Chito'la' iwib chuxe' tak ri e iweka'n, jeri' quibano jas ri cubij ri u pixab ri Crist.

Efesios 1:4

Ri Dios xujucha' pa ri Crist aretak c'ä majok cätiquitaj ulok ri uwächulew, rech cujux tastalic tak winak, cujc'oji' chuwäch ri are', man c'o ta ka mac.

Colosenses 1:11

Cäkata' che ri Dios chi cuya' i chuk'ab ruc' ri nimalaj u cuinem ri u juluwem. Jeri' quixcuin che u ch'ijic ronojel c'ax, quicuy ronojel ri cäban chiwe.

1 Timoteo 6:11

At c'ut, ri at winak re Dios, chatanimaj chquiwäch we jastak ri'. Chawila' awib rech caban ri suc', catniman che ri Dios xukuje' catcojon che, quebalok'ok'ej niq'uiaj chic, cach'ij ri c'ax, manimarisaj awib.

2 Timoteo 2:25

xukuje' ruc' manxoyil quebutijoj ri winak ri cäquic'ulelaj ri u tzij. We ne ri Dios cuya' na chque chi cäquiq'uex qui c'u'x rech cäquetamaj ri kastzij.

Santiago 1:21

Rumal rech wa' chiwesaj bic ronojel ri tz'ilol xukuje' ronojel ri sibalaj iwetzelal. Minimarisaj i k'ij, chic'ama' ri tzij ri ticom, ri cäcuin che u colic ri iwanima'.

1 Pedro 3:15

Are c'u chicojo' ri Crist che takanel xukuje' che Ajawaxel chupam ri iwanima'. Xak c'u chixc'ol che reyexic u tzelexic u bixic che ronojel winak ri cutz'onoj chiwe jas ri eyebal c'uxaj ri c'o iwuc'.

1 Pedro 3:8

Chuq'uisbalil c'ut, chixux iwonojel xa' jun i chomanic, chel i c'u'x chbil iwib, chilok'ok'ela ri iwachalal. Rajawaxic utzalaj i c'u'x xukuje' mach'amoj.