Efesios 4:14 - Quiché Bible

¹⁴ Rech man uj ac'alab ta chic. Man cujc'am ta chi bic apawije' rumal ronojel tijonic ri je cäpe quiakik'. Man cujkaj ta chic pa ri qui subunic ri winak ri quena'w che u bixic je'lalaj tak tzij, ri cäcaj cujquic'am bic pa jun be jalan chi wi.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Rech man je ta kujuxik jas ri akꞌalabꞌ ri man xaq ta jun kekꞌojiꞌ wi, kebꞌe jewaꞌ jeriꞌ, rumal ri kꞌutuꞌn ri kaya chike kumal ri e qꞌolonelabꞌ xuqujeꞌ ri winaq ri xaq kesubꞌunik.

K'iche'

¹⁴ Man uj je' tä chic jas ri ac'alab ri man xak tä jun quec'oji wi, quebe' je wa' je ri'. Man cäkaj tä ri' chi xak cujc'am bi jawije' chi' cumal niq'uiaj winak ri quec'utuw jule' tak tijonic chic ri xak quech achijab. We winak ri' xak cäca'n subunic, c'o ri itzel tak qui no'j, cäquitzucuj jas cäca'no chi ri winak cäquicoj ri qui tijonic ri man kas tzij taj.

K'iche' (New Orthography)

¹⁴ Man uj je' tä chik jas ri ak'alab' ri man xaq tä jun kek'oji wi, keb'e' je wa' je ri'. Man käqaj tä ri' chi xaq kujk'am b'i jawije' chi' kumal nik'iaj winaq ri kek'utuw jule' taq tijonik chik ri xaq kech achijab'. We winaq ri' xaq käka'n sub'unik, k'o ri itzel taq ki no'j, käkitzukuj jas käka'no chi ri winaq käkikoj ri ki tijonik ri man qas tzij taj.

Efesios 4:14 ပူးပေါင်းရင်းမြစ်များ

Salmib 10:9

Je ta ne jas jun coj pa ri u pec, chupam ri c'ubal rib caralwächij ulok ri meba', xak reyem jampa' cäkaj pa u k'ab, aretak cäkaj pa u k'ab cujuruj pa ri u putzcuyibal.

Salmib 59:3

E c'o c'u cowilaj tak achijab ri queyem ri jok'otaj che nu cämisaxic.

Ri Isaiy 28:9

In quinquibij, cäquibij c'ut: “¡Cape ta c'u che u ya'ic tijonic chke uj, che u cutic chkawäch ri u k'alajisam ri Dios! ¡Jacha' ta ne ri c'ä uj ch'utikab tak ac'alab

Ri Miquey 7:2

Man e c'o ta chic pa ri uwächulew winak ri e suc' mawi ri e jic ta che ri Dios; conojel xak queyem ri jok'otaj che u banic tokinic; quequicoj c'amibal chquibil tak quib.

Ri Matey 11:7

Aretak e benak chic ri u tijoxelab ri Xuan, ri Jesus xutzijoj ri Xuan chque ri winak: “¿Jas ri xixel bic che rilic pa ri chaki'j uwo sak? ¿La xiwila' jun aj ri cäslabisax rumal ri quiakik'?

Ri Matey 24:11

Quewalij na q'ui ri cäquijaluj na quib chi e k'axal tak tzij. E q'ui ri winak ri quequisub na.

Ri Matey 24:24

Quepe c'u na winak ri cäquijaluj quib chi e Crist. Quepe na ri cäquijaluj quib chi e k'axal tak tzij. Quequiban na nimak tak etal xukuje' mayibal che qui subic we ta cäbantajic xukuje' ne ri e cha'om kas rumal ri Dios.

Hechos 23:21

Macoj c'u la jas ri cäquibij, rumal rech chi e c'o na chquiwäch cawinak (40) cachijab queyem quic'u'm quib, qui banom ri chi'nic ri kas cäban na chuxe' c'okonic chi man quewa' ta na mawi quebuq'uian na, we man nabe cäquicämisaj na ri Pawl. Camic c'ut e c'o chic, cäqueyej chi caya' la tzij la che wa'.”

1 Corintios 12:2

Iweta'm chi aretak c'ä majok chixcojonok i sachom i be, xixc'am bic chquij ri memalaj tak diosib.

1 Corintios 14:20

Wachalal je mixchomanic jacha' ac'alab. Chixux ac'alab che ri etzelal; chixux c'u ri'jab aretak quixchomanic.

1 Corintios 3:19

Ri qui no'j c'ut ri winak cho ri uwächulew xa' conil chuwäch ri Dios. Tz'ibatal c'ut: “Ri winak ri sibalaj quena'w che ri qui chomanic, ri Dios cuban chque chi quetzak rumal ri qui no'j.”

2 Corintios 2:17

Uj man uj ta junam cuc' e q'ui ri cäquesaj qui ch'äcoj che ri tijonic ri cuya' ri Dios, xane' ruc' ronojel kanima', uj takom rumal ri Dios, xukuje' chuwäch ri Dios cujtzijon pa ri Crist.

2 Corintios 4:2

Man cäkaban ta q'uixbalalaj tak jastak chi c'uyal; man quixkasub taj, mawi cäkayujaj niq'uiaj jastak chic ruc' ri u tzij ri Dios. Xane' rumal ri u c'utic ri kastzij, cäkak'alajisaj kib chuwäch ri retamabal u c'u'x ronojel winak chi uj utz, chuwäch ri Dios.

Gálatas 3:1

¡Ay, ri ix aj Galas, xa' man quiwaj taj quixch'obonic! ¿Jachin xixsubuwic, rech man quixniman ta che ri kastzij? Xkatzijoj chiwe, xkac'ut chiwäch chi ri Jesucrist xrip cho ri ripibal.

Efesios 6:11

Chito' iwib ruc' conojel ri ch'ojibal ri cuya' ri Dios chiwe. Jeri' quixcuinic co quixtaq'ui' chuwäch ri itzel, ri cäraj quixusubu ruc' ri itzel tak u no'j.

1 Timoteo 3:6

Rajawaxic chi man c'ac' cojonel taj, rech munimarisaj rib, makaj ne ri c'okonic puwi' jas ri xkaj puwi' ri itzel.

2 Timoteo 1:15

Aweta'm ba' chi conojel ri e c'o pa Asiy xinquiya' can nu tuquiel. Jujun c'ut chque are' ri Pijel xukuje' ri Hermojenes.

2 Timoteo 3:13

E are c'u ri e itzel tak winak, ri e subunelab, quenimataj na, cäquitakej na subunic, e subutajinak c'ut.

2 Timoteo 4:3

Cäpe c'u na k'ij aretak ri winak man cäquich'ij ta na ri suc'alaj tijonic. Xane' quequitzucuj na q'ui cajtij ri cäquic'ut chquiwäch jas ri cäcaj cäquito, jas ri u beya'l ri xa' qui rayibal.

Hebreos 13:9

Mixc'amalax bic cumal jule' tak tijonic chic ri e jalan chi wi. Are c'u utz na chi co quitiquiba' ri iwanima' chrij ri u tok'ob ri Dios, man chrij ta ri wa ja'. Ri je qui banom wa' man c'o ta xquechbej.

Santiago 1:6

Chuta' ba' ruc' cojonic, c'o jas muban wi quieb u c'u'x che. Apachin c'u ri cuban quieb u c'u'x, xa' junam ruc' ri u k'et ri plo, ri cäslabesax rumal ri quiakik', cäq'uiak jeri', cäq'uiak jela'.

Santiago 3:4

Chebiwila tak ri jucub xukuje': pune' sibalaj e nimak, xukuje' quec'am bic cumal nimalaj tak quiakik', cäc'am qui be wa' rumal jun ch'utin c'ambal be xa' apawije' ta ne ri cäraj cuc'am wi bic ri cäc'amow u be.

2 Pedro 2:18

Cäquibij nimak tak tzij ri man c'o ta qui patan. Ruc' ri etzelal ri curayij ri qui ti'jal, cäquicoj qui c'u'x ri winak ri c'ämaja' naj quiyo'm can ri sachinakil.

1 Juan 2:19

Kuc' xebel wi bic, man c'u e jun taj kuc'. We ta e jun kuc', xec'oji' ta ri' kuc'. Xebel c'u bic, jeri' k'alaj chi man conojel taj e jun kuc'.

1 Juan 2:26

Nu tz'ibam wa' chiwe chquij ri winak ri quixquisubu.

1 Juan 4:1

Lok'alaj tak wachalal, micojo ix chi ronojel ri cabixic uxlabisam rumal ri Dios, xane' chebitijtobej quij, quiwil c'ut we ri uxlabal ri c'o pa ri canima' rech ri Dios o man rech taj. Nojisam c'ut ri uwächulew cumal ri e banal tak tzij ri caquibij chi are' ri Dios bininak chque.

Ri Juds 1:12

E xok'olil c'u wa' pa tak ri i wa'im re lok'ok'ebal c'uxaj, quebulan c'u iwuc' pa ri i wa'im ri quibano, man ruc' ta xe'n ib cäquitzuk quib; e chaki'j tak sutz', ri quec'am bic cumal ri quiakik'; e che' ri e pulpubinak man c'o ta qui wächinic, camul e cäminak, e bokom apanok;

Apocalipsis 19:20

Xchap c'u ri awaj, xukuje' xchap ri jun ri u jalum rib chi k'axal tzij, ri e u banom mayibal chuwäch ri itzel awaj, ri xukuje' rumal ri mayibal e u subum ri xec'amow ri retal ri itzel awaj xukuje' ri xek'ijilan ri u wächbal. We quieb ri' e c'asc'oj xeq'uiak bic pa ri cho re k'ak' ri cänicow ruc' asubre.