Efesios 3:9 - Quiché Bible

⁹ Yo'm pa nu k'ab chi quink'alajisaj chquiwäch conojel, ri jastak re ri Dios ri e c'u'tal ulok kas aretak xtiquiritaj ri uwächulew. Je u chomanic ri Dios wa' ri xebanow conojel ri jastak.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Xuqujeꞌ kinya uchꞌobꞌik ri urayibꞌal ri Dios, ri awatal loq pa Dios ri tikol rech ronojel ri jastaq, najtir ojer.

K'iche'

⁹ Yo'm c'u chwe chi quink'alajisaj chquiwäch conojel ri winak ru chomam lok ri Dios ri banowinak conojel ri jastak. Man etamtal tä c'u wa' nabe pa ri ojer tak k'ij.

K'iche' (New Orthography)

⁹ Yo'm k'u chwe chi kinq'alajisaj chkiwäch konojel ri winaq ru chomam loq ri Dios ri b'anowinaq konojel ri jastaq. Man etamtal tä k'u wa' nab'e pa ri ojer taq q'ij.

Efesios 3:9 ပူးပေါင်းရင်းမြစ်များ

Salmib 33:6

Ri caj xukuje' ronojel ri c'o chuwäch are' ri Ajawaxel xbanowic ruc' ri u tzij xukuje' ruc' ri ruxlab ri xel pa u chi'.

Ri Isaiy 44:24

Are wa' cubij ri Ajawaxel ri torol awech, ri xatnuc'uwic c'ä majok chatalaxok: “In ri Ajawaxel, ri banowinak conojel ri jastak, in xinlic'ow ri caj xukuje' co xinjekeba' ri uwächulew man c'o ta c'u jachin jun xinto'wic.

Ri Matey 10:27

Ri quinbij in chiwe pa k'ekumal, chibij aretak canicow ri k'ij; ri quinbij chic'uyal, chiraka' i chi' che u bixic apanok paquiwi' tak ri ja.

Ri Matey 13:35

Je xbantajic jas ri u tzijom can ri k'axal tzij, ri xubij: “Quintzijon na cuc' c'ambal tak no'j. Quinbij na ri jastak ri man etamatal taj aretak ri Dios xuban ri uwächulew.”

Ri Matey 25:34

Cubij c'u na ri Ajawinel chque ri e c'o pa ri riquiak'ab: ‘Tisaj, ix tewichi'm rumal ri nu Tat. Chiwechbej ri ajawibal ri suc'umam chiwe kas pa ri u tiquiritajic ri uwächulew.

Ri Matey 28:19

Rumal c'u ri', jix, chibana' tijoxelab chque ri winak pa conojel ri tinimit cho ri uwächulew. Chibana' qui bautism pa ri u bi' ri Tataxel, pa ri u bi' ri C'ojolaxel xukuje' pa ri u bi' ri Ruxlabal ri Dios.

Ri Lucax 24:47

Xukuje' xtz'ibax canok chi cätzijox na chque conojel ri winak, pa conojel nimak tak tinimit chi cäquiq'uex qui c'u'x pa ri u bi' ri Crist rech cäsachtaj ri qui mac, chi cächapletaj bic u tzijoxic wa' pa Jerusalen.

Ri Xuan 10:30

Ri in ruc' ri Tataxel xa uj jun.”

Ri Xuan 5:17

Xch'aw ri Jesus, xubij chque: “Ri nu Tat c'ä cächacun camic, xukuje' c'u ri in quinchacunic.”

Ri Xuan 5:19

Ri Jesus xutzelej u bixic, xubij chque: “Kastzij, kastzij quinbij chiwe: Ri C'ojolaxel man c'o ta jas cäcuin che u banic pa re wi, xane' xuwi cubano jas ri cärilo chi cuban ri Tataxel. Ronojel ri cuban ri Tataxel, xukuje' cuban ri C'ojolaxel.

Hechos 15:18

Ri Ajawaxel, ri xebuya' ulok quetamaxic we jastak ri' kas xc'ori', u yo'm ulok ri u tzij.’

Romanos 11:25

Wachalal, quinwaj chi quich'ob we awatalic ri', rech man quichomaj taj chi ri ix nim na ri i no'j. Xcowirisax na apan jubik' ri canima' ri aj israelib, c'ä aretak queboc na conojel ri man aj israelib taj ri quecojon na.

1 Corintios 2:7

xane' cäkatzijoj ri u no'j ri Dios ri awatalic, ri c'utalic, ri c'utum ulok rumal ri Dios ojer, c'ä majok ri k'ij junab, che ka juluwem;

Efesios 1:4

Ri Dios xujucha' pa ri Crist aretak c'ä majok cätiquitaj ulok ri uwächulew, rech cujux tastalic tak winak, cujc'oji' chuwäch ri are', man c'o ta ka mac.

Efesios 3:2

Rajawaxic c'ut chi iweta'm chic chi ri Dios, chupam ri rutzil, in u takom che u banic we patanijic ri' chiwe che i to'ic.

Efesios 6:19

Xukuje' chibana' ch'awem panuwi' in, rech aretak quinch'awic, ri Dios cuya' ri tzij chwe, rech man quinxe'j ta wib aretak quintzijoj ri tzij re colobal ib ri man etamatal ta can nabe.

Colosenses 1:23

we kas co ix tac'al pa ri i cojonic, man quiya' ta canok, we kas cu'l i c'u'x chrij ri tzij re colobal ib ri i tom, man cuban ta quieb i c'u'x. Are utzalaj tak tzij wa' cätzijox pa tak ronojel c'olbal cho ri uwächulew. Ri in, in Pawl in cojom che patanijic.

Colosenses 1:26

Are jun jasach ri man etamatal ta can nabe, c'u'm ulok rumal ri Dios kas pa tak ri k'ij junab chquiwäch conojel ri winak ri e c'o cho ri uwächulew. Camic c'ut k'alajisam chi chquiwäch ri winak ri e tastalic.

Colosenses 3:3

Ix cäminak chi c'ut, are' c'u ri i c'aslemal c'u'tal ruc' ri Crist pa ri Dios.

Colosenses 4:3

Xukuje' chibana' ch'awem pakawi' uj, rech ri Dios cujak jun ka be che u tzijoxic ri tzij, rech cuya' cäkatzijoj ri Crist, ri man etamatal ta can nabe. Rumal c'u rech ri are' in c'o pa che'.

2 Tesalonicenses 2:13

Kachalal ix lok'ok'em rumal ri Ajawaxel, rajawaxic chi amak'el cujmaltioxin che ri Dios rumal iwech. Rumal rech chi pa ri u tiquiritajic, ri Dios xixucha' rech quixcolotajic rumal ri Uxlabaxel ri cuban tastalic tak winak chiwe, rumal ri i cojonic che ri kastzij.

1 Timoteo 3:16

K'alaj chquiwäch conojel chi nim qui banic ri jastak re ri ka k'ijilanic che ri Dios: Ri Dios xc'utun chupam jun cuerp aj winak, xk'alajisaxic chi suc' rumal ri Uxlabaxel, xilitaj cumal ri tako'n aj caj, xtzijox chque tak ri tinimit, xecojon ri winak che ri e c'o cho ri uwächulew, c'ulam pa ri juluwem.

2 Timoteo 1:9

ri xujucolo ri xujusiq'uij xukuje' xutas ri ka c'aslemal che ri are', man rumal ta c'u ri ka banom, xane' rumal ri u rayinic ri u tok'ob ri u yo'm chke pa Crist Jesus, c'ä majok tak ri e k'ij junab,

2 Timoteo 4:17

Are c'u ri Ajawaxel xc'oji' wuc', xuya' nu chuk'ab, rech xincuin che u tzijoxic ri tzij re colobal ib, jeri' chi xquita' conojel ri winak. Xinesax c'u pa u chi' ri coj.

Ri Tit 1:2

rech cu'l qui c'u'x chi c'o junalic qui c'aslemal, ri u bim ulok ri Dios chi cuya' na. Are ri Dios man banal ta tzij, u bim c'u ulok wa' c'ä majok cätiquitaj ulok ri uwächulew.

1 Pedro 1:20

Are etamatal chi ulok aretak c'ä majok cäban ri uwächulew, xk'alajisax c'ut pa ri q'uisbal tak k'ij rumal iwech.

Apocalipsis 13:8

Xquik'ijilaj ri xibibal awaj conojel ri e jekel cho ri uwächulew ri man e tz'ibam taj ri qui bi' pa ri wuj re c'aslemal rech ri Alaj Chij ri xcämisaxic kas pa ri u tiquiritajic ri uwächulew.

Apocalipsis 14:6

Xinwil chi jun tako'n aj caj ri cärapin pa u niq'uiajil ri caj. C'o ri junalic tzij re colobal ib ruc', che u tzijoxic chque ri e c'o cho ri uwächulew, chque conojel ri nimak tak tinimit, xukuje' conojel amak', conojel ch'abal, xukuje' conojel winak.

Apocalipsis 17:8

Ri itzel awaj ri awilom ri xc'oji' canok, man c'o ta chi c'ut. Chanim cuban pakalem ulok pa ri jul re ri k'ekumalaj c'olbal, cäsach c'u na u wäch. Ri e jekel cho ri uwächulew, ri man tz'ibatal ta ri qui bi' pa ri wuj re ri c'aslemal kas pa ri u tiquiritajic ri uwächulew, ri e are' quemayin na aretak cäquil ri itzel awaj, chi xc'oji' canok man c'o ta chi c'ut cäc'oji' chi c'u na.

Apocalipsis 4:11

“Kajaw xukuje' ka Dios, ya'tal che la ri u c'amic ri juluwem, ri nim ilic xukuje' ri cuinem. Lal xebanow la conojel ri jastak, rumal ri rayibal la e c'olic, xebantajic.”