Efesios 3:5 - Quiché Bible

⁵ Nabe canok man yo'm ta retamaxic we jastak ri' chque ri winak. C'äte camic ri Dios u c'utum chquiwäch ri u tastalic takomxenlab xukuje' ri e k'axal tak re ri u tzij rumal ri Uxlabaxel,

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Are waꞌ, ri xawax loq chikiwach ri winaq ojer, kamik kꞌut tajin kakꞌut chikiwach ri e tyoxalaj taq taqoꞌn rech ri Dios. Xuqujeꞌ ri e qꞌalajisal taq utzij ri Dios rumal ri Uxlabꞌixel

K'iche'

⁵ Are c'u wa', ri man xyi' tä can retamaxic wa' chque ri winak ojer, cämic c'ut k'alajisam chic rumal ri Dios chquiwäch ri lok'alaj tak apóstoles, ri u tako'n ri Are', xukuje' chquiwäch ri lok'alaj tak k'alajisal tak re ru Lok' Pixab rumal ri Espíritu rech ri Dios.

K'iche' (New Orthography)

⁵ Are k'u wa', ri man xyi' tä kan retamaxik wa' chke ri winaq ojer, kämik k'ut q'alajisam chik rumal ri Dios chkiwäch ri loq'alaj taq apóstoles, ri u taqo'n ri Are', xuquje' chkiwäch ri loq'alaj taq q'alajisal taq re ru Loq' Pixab' rumal ri Espíritu rech ri Dios.

Efesios 3:5 ပူးပေါင်းရင်းမြစ်များ

Ri Isaiy 52:15

jeri' xukuje' sibalaj e q'ui nimak tak tinimit ri quecanaj na che mayinic; ri ajawinelab aretak caquilo man c'o ta tzij quecuin che u bixic, rumal rech chi cäquil na xukuje' cäquich'ob na jun jasach ri mawi jubik' qui tom.

Ri Matey 13:17

Kastzij quinbij chiwe, chi e q'ui k'axal tak tzij xukuje' e q'ui suc' tak winak sibalaj xquirayij quilic ri quiwil ix, man xquil ta c'ut. Xquirayij xquita' jas ri quita' ix, man xquita' ta c'ut.”

Ri Matey 20:7

Xquibij che: ‘Rumal rech chi man c'o ta jachin jun cäbin chac chke.’ Xubij chque: ‘Xukuje' ri ix, jix pa ri nu tico'n re uva.’

Ri Matey 23:34

Rumal ri', chiwilampe'. Quebentak bic k'axal tak tzij iwuc', quebentak bic winak c'o qui no'j xukuje' ajtijab. Jujun chque wa' quebicämisaj na, quebirip na. Jujun chic quebich'ay na pa tak ri ja ri quitijoj wi iwib che ri pixab, quebic'axc'obisaj na pa tak tinimit chi tinimit.

Ri Lucax 10:24

Quinbij chiwe chi q'ui k'axal tak tzij xukuje' q'ui ajawinelab xcaj xquilo jas ri quiwilo, man xquil ta c'ut. Xcaj xquito jas ri quito, man xquita' ta c'ut.”

Ri Lucax 11:49

Rumal ri', ri Dios pa ri u no'j, xubij: ‘Quebentak na bic k'axal tak tzij xukuje' e takom. Jujun chque quequicämisaj na, jujun quecokataj na.’

Ri Xuan 14:26

Ri cucu'bisaj c'uxaj, are' ri Ruxlabal ri Dios, ri cutak na ulok ri Tataxel pa ri nu bi', are ri' quixutijoj na chque conojel ri jastak, cunataj na chiwe ronojel ri nu bim chiwe.

Ri Xuan 16:13

Aretak c'ut cäpe ri Uxlabaxel ri kastzij, are quelc'amow na i be pa ronojel ri kastzij. Man queltzijon ta c'u na pa re wi, xane' culutzijoj na ri cutatabej, quebulutzijoj na chiwe ri jastak ri quepe na.

Hechos 10:28

Xubij chque: “Ri ix quich'obo chi man ya'tal ta che jun aj judey cärachilaj o coc pa rachoch jun ri man u winakil taj. Are c'u ri Dios u c'utum chnuwäch chi man cuya' taj quinbij chi man josok' taj jun winak, o tz'il.

Romanos 16:25

Chkanimarisaj ba' u k'ij ri Dios ri cäcuin che i tac'abaxic, jas ri cubij pa ri tzij re colobal ib ri quintzijoj, jas cubij ri tzij chrij ri Jesucrist, jas ri xketamaj aretak xec'ut chkawäch ri jastak ri man etamatal ta can nabe, ri man tzijom ta ulok kas aretak majok cätiquiritaj ri uwächulew.

1 Corintios 2:10

Ri Dios xebuc'ut wa' chkawäch uj rumal ri Ruxlabal. Are c'u ri Uxlabaxel cunic'oj ronojel, xukuje' ne ri jastak re ri Dios ri man quech'obtaj taj.

Efesios 2:20

Ix je ta ne jun ja, ri yacom puwi' ri tac'alibal ri e cojom wi ri takomxenlab xukuje' ri k'axal tak tzij. Ri Jesucrist are' ri nabe abaj re ri u ch'u'c ja.

Efesios 3:9

Yo'm pa nu k'ab chi quink'alajisaj chquiwäch conojel, ri jastak re ri Dios ri e c'u'tal ulok kas aretak xtiquiritaj ri uwächulew. Je u chomanic ri Dios wa' ri xebanow conojel ri jastak.

2 Pedro 3:2

Rech cänataj chiwe ri tzij ri bim can cumal ri tastalic k'axal tak tzij, xukuje' ri u takanic ri Ajawaxel, ri Colonel, ri xixtijox wi cumal ri e u takomxenlab.

Ri Juds 1:17

Ri ix c'ut, lok'alaj tak wachalal, chenataj ba' chiwe ri tzij ri e bim can rumal ri e takomxenlab re ri Kajaw Jesucrist,