Efesios 3:20 - Quiché Bible

²⁰ Are c'u ri camic chkanimarisaj ba' u k'ij ri Dios, ri sibalaj nim na ri cäcuin che u banic chuwäch ri cäkata' che, nim na chuwäch ri cäkachomaj chi cubano. Je cubano rumal ri cuinem ri cächacun pa kanima'.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁰ Areꞌ kakwinik kubꞌan sibꞌalaj nimaq taq jastaq qukꞌ uj, rumal ri uchuqꞌabꞌ ri kꞌo pa qanimaꞌ ri man kujkwin taj kaqachꞌobꞌ rij,

K'iche'

²⁰ Chnimarisax ta ba' u k'ij ri Dios ri c'o nimalaj u chuk'ab chubanic ronojel ri cäkata' che. Man xuwi tä c'u wa' ri cäkata' che cäcowin ri Are' chubanic, xane xukuje' cäcowin ri Are' chubanic más na chuwäch ri cujcowin uj cäkachomaj. Rumal ri nimalaj u chuk'ab ri Lok'alaj Espíritu ri c'o pa ri kanima' cuban na ronojel wa'.

K'iche' (New Orthography)

²⁰ Chnimarisax ta b'a' u q'ij ri Dios ri k'o nimalaj u chuq'ab' chub'anik ronojel ri käqata' che. Man xuwi tä k'u wa' ri käqata' che käkowin ri Are' chub'anik, xane xuquje' käkowin ri Are' chub'anik más na chuwäch ri kujkowin uj käqachomaj. Rumal ri nimalaj u chuq'ab' ri Loq'alaj Espíritu ri k'o pa ri qanima' kub'an na ronojel wa'.

Efesios 3:20 ပူးပေါင်းရင်းမြစ်များ

Chapletajic 17:1

Aretak c'o chi jumuch' ruc' belejlajuj (99) u junab ri Abram, xuc'ut rib ri Ajawaxel chuwäch, xubij che: “In ri' ri Dios ri c'o ronojel u cuinem; chatbin pa jun suc'alaj c'aslemal chnuwäch.

Chapletajic 18:4

We utz che la quintz'onoj jubik' ja' rech quech'aj ri akan alak, chuxlan na alak jubik' chuxe' ri u mu'jal ri che'.

Ucab Samuel 7:19

¡Man nim ta c'u wa' chwäch la, Ajawaxel, c'a yo'm c'u ne la u bixic ri cäpe na puwi' ri rija'lil ri pataninel ech la! ¡Man c'o ta jun achi je cubano jas ri cäban la Ajawaxel!

Nabe Ajawinelab 3:13

Quinya' c'u na tak k'inomal chawe xukuje' u nimarisaxic a k'ij, jastak ri man xebatz'onoj ta chwe, jeri' chi pa ronojel ri a c'aslemal man c'o ta chic jun ajawinel jacha' ri at.

Ucab Tzijobelil 25:9

Ri Amasiy xuc'ot u chi' ri achi ri xtak ulok rumal Dios: Xubij, “¿jas c'u lo ri cac'ulmataj na ruc' ri oxc'al oxlajuj (73) quintal sak puak ri xinya' chque ri ajch'ojab aj Israel?” Ri achi ri xtak ulok rumal ri Dios xutzelej u bixic che: “Ri Ajawaxel c'o q'ui ruc' rech c'o na ri cuya' chawe.”

Ucab Tzijobelil 9:12

Pa re c'u wi ri ajawinel Salomon xuya' che ri ajawinel ixok re Saba ronojel ri xraj ri xutz'onoj che, c'o c'u wi ri' ri ya'tajinak chi che, che u q'uexwäch ri xuc'am ulok. Xtzelej c'ut ri ajawinel ixok pa ri rulew achilatal cumal ri winak ri e pataninel tak rech.

Elem 34:6

Xoc'ow chuwäch ri Moises, je xubij wa' co u bixic ri kas u bi' xubij: “¡Ri Ajawaxel! ¡Ri Ajawaxel! ¡Dios junalic, xukuje' tok'obisal wächaj, coch'onel xukuje' nim pa lok'ok'ebal c'uxaj xukuje' kastzij!

Bixonic Tak 5:1

“In oquinak chic chupam ri nu ticbal cotz'i'j alaj wana'b, at ri catec'ulan wuc'. Nu majim chic ri nu mir xukuje' tak ri c'oc'al ri e ya'tal chwe, nu naom chic ri juyubal räx cab re ri wakaj, uq'uiatajinak chic ri u wa'l nu uva xukuje' ri nu leche.” “Lok'alaj tak wachil, chixwok xukuje' chixuq'uianok, ¡Chiwuq'uiaj ronojel ri qui waj!”

Ri Isaiy 35:2

chebuq'uiyisaj cotz'i'j jacha' ri xuxa'n chnoj che quicotemal xukuje' jajatem. Je'lic cuban na ri Dios che jacha' ri Libano, sibalaj cäwächin na jacha' ri Carmel xukuje' ri beya' aj Saron. Conojel cäquil na ri u juluwem ri Ajawaxel xukuje' ri u je'lical xukuje' ri nimalaj u nimalil ri ka Dios.

Ri Isaiy 55:7

Ri banal etzelal chuya' can ri itzel u be, ri itzel winak chebuya' can ri itzel tak u chomanic chixtzelej ruc' ri Ajawaxel, quel c'u na u c'u'x chiwe chixtzelej ruc' ri ka Dios, xak c'u ix reyem che u sachic ri i mac.

Ri Jeremiy 32:17

‘Lal, Ajawaxel, ruc' nimalaj u liq'uic ri cuinem la xban la ri caj xukuje' ri ulew. Man c'o ta jun jasach ri ma ta cacuin la chubanic.

Ri Jeremiy 32:27

“In ri' ri Ajawaxel, ri u Dios ronojel c'aslic. Man c'o ta jun jasach ri ma ta quincuin chubanic.

Ri Daniel 3:17

“Ri ka Dios, ri cäkak'ijilaj, cäcuinic cujuto'tajisaj na man c'o ta cuban na ri rak' ri k'ak' ri c'o chupam ri jorno xukuje' chuwäch ronojel ri c'ax ri caj la cäban la chke, cujuto'tajisaj c'u na.

Ri Daniel 6:20

Aretak nakaj chi c'o wi ri ajawinel, ruc' bis xusiq'uij ri Daniel, je xubij wa: “Daniel, pataninel rech ri c'aslic Dios, ¿la xcuin ri a Dios che a to'ic pa qui chi' ri coj?”

Ri Matey 3:9

Michomaj u bixic pa iwanima': ‘Ri Abraham are' ri ka mam.’ Quinbij c'u chiwe, chi ri Dios cäcuinic cuban rija'l ri Abraham chque tak we abaj ri'.

Ri Xuan 10:10

Ri eläk'om xuwi cäpetic che eläk'anic, che cämisanic, xukuje' che sachan wächaj. Ri in in petinak rech cäc'oji' qui c'aslemal, c'aslemal ri sibalaj q'ui.

Romanos 16:25

Chkanimarisaj ba' u k'ij ri Dios ri cäcuin che i tac'abaxic, jas ri cubij pa ri tzij re colobal ib ri quintzijoj, jas cubij ri tzij chrij ri Jesucrist, jas ri xketamaj aretak xec'ut chkawäch ri jastak ri man etamatal ta can nabe, ri man tzijom ta ulok kas aretak majok cätiquiritaj ri uwächulew.

Romanos 4:21

Kas reta'm chi ri Dios c'o u cuinem che u banic ronojel jas ri xubij ulok chi cuya' na che.

1 Corintios 2:9

Xane' jas ri tz'ibatalic: “Jastak ri man quilom ta ri winak ruc' ri qui bak'wäch, mawi qui tom ruc' ri qui xiquin, mawi qui chomam pa ri canima', e are wa' ri e u suc'umam ri Dios chque ri winak ri quelok'ok'en ri are'.”

2 Corintios 9:8

Ri Dios cäcuinic cäyan chiwe ix ruc' telechinic ronojel qui wäch tak tewichibal, rech cac'oji' iwuc' ronojel ri cajwataj chiwe c'o c'u chto'taj iwuc' che to'banic pa conojel qui wäch utzalaj tak chac.

Efesios 1:19

chi sibalaj nim ri u cuinem chke ri uj cojonelab, jas ri nimalaj chuk'ab xukuje' cuinem ri xucoj ri Dios,

Efesios 3:7

Ri Dios xuya' ri u tok'ob ri man takal ta wa' chwe, xinucoj che pataninel rech ri u tzij re colobal ib. Je xuban wa' chwe rumal ri u cuinem.

Colosenses 1:29

Rumal ri' sibalaj quinchacunic, quintij nu chuk'ab. Ri cuinem ri cuya' ri Crist chwe, are cächacun pa ri wanima' ruc' chuk'ab.

1 Timoteo 1:14

Sibalaj xtz'ebex c'ut ri u tok'ob ri Kajaw, xukuje' ri cojonic xukuje' ri lok'ok'ebal c'uxaj ri e c'o pa Crist Jesus.

Hebreos 11:19

Ri Abraham reta'm chi ri Dios c'o u cuinem che qui c'astajisaxic ri cäminakib; rumal ri' ri Abraham xuc'am chi jumul ri u c'ojol jacha' pa ri cämical, je xux jun c'ambal no'j.

Hebreos 7:25

Jeri' cäcuin che qui colic chbe k'ij sak ri winak ri quekeb ruc' ri Dios rumal are', rumal rech chi c'asal amak'el rech cubochi'j ri Dios paquiwi'.

Santiago 4:12

Xa' jun ri cäyo'w ri pixab, xa' jun ri cäcuin che qui colic o che u sachic qui wäch ri winak. ¿At jachinok chi cak'at tzij puwi' jun chic?

2 Pedro 1:11

Jeri' cäya' na nimalaj oquibal chiwe pa ri junalic rajawibal ri Kajaw, ka Colonel Jesucrist.

Ri Juds 1:24

Ri Dios ri c'o ronojel u cuinem che i chajixic rech man quixtzak taj, jeri' man ix tz'ajtajinak taj aretak quixutac'aba' chuwäch ri u juluwem ruc' nimalaj quicotemal.