Efesios 2:15 - Quiché Bible

¹⁵ Pa ri u cuerp xusach u wäch ri pixab xukuje' tak ri e u takomal xukuje' tak ri e colomibal. Ri u chomanic are ri qui winakirisaxic kas pa ri are' chque ri quieb jun c'ac' winak, je c'u wa' ri u banic ri jamaril rumal.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁵ Xuchup ri qꞌatoj tzij ri kubꞌan ri taqanik xubꞌan jaꞌmaril chikixoꞌl ri kebꞌ tinimit, rumal xraj xubꞌan xa jun kꞌakꞌ tinimit chike, rech jeriꞌ xujeqebꞌa ri jaꞌmaril.

K'iche'

¹⁵ Aretak xuya rib pa cämical cho ri cruz are chi' xusach u wäch ri cujc'ulelanic. Ri cujc'ulelanic are ri qui Pixab ri winak aj Israel ri cujutak chubanic q'uia jastak. Ri Are' c'ut xuya utzil chquixol ri quieb tinimit. Xuban xa jun tinimit chque, jun c'ac' tinimit ri xa jun ruc' ri Cristo Jesús.

K'iche' (New Orthography)

¹⁵ Aretaq xuya rib' pa kämikal cho ri cruz are chi' xusach u wäch ri kujk'ulelanik. Ri kujk'ulelanik are ri ki Pixab' ri winaq aj Israel ri kujutaq chub'anik k'ia jastaq. Ri Are' k'ut xuya utzil chkixol ri kieb' tinimit. Xub'an xa jun tinimit chke, jun k'ak' tinimit ri xa jun ruk' ri Cristo Jesús.

Efesios 2:15 ပူးပေါင်းရင်းမြစ်များ

Ri Isaiy 9:6

Rumal rech chi alam jun ac'al chke, ri Dios u yo'm jun c'ojolaxel chke, ri yo'm ronojel cuinem pa u k'ab che u k'atic tzij, are c'u tak u bi' wa' cäbix na: Mayibal pa tak ri cubano, Dios ri man ch'äcatajel taj, junalic tataxel, u c'ojol ajawinel ya'l jamaril.

2 Corintios 5:17

Je c'u ri', we c'o jun c'o pa Crist, c'ac' winakirisam chic: ri ojer tak jastak xeboc'owic; chiwilampe', e c'ac' conojel ri e c'o chic.

Gálatas 3:10

Conojel ri qui jiquibam qui c'u'x chrij ri pixab, e c'o chuxe' c'okonic. Tz'ibatal c'ut: “C'okotajinak ronojel jachin ri man cäjeki' ta pa conojel ri jastak ri e tz'ibatal pa ri wuj re ri pixab, che qui banic.”

Gálatas 3:28

Man c'o ta c'u aj judeyib, mawi man aj judeyib taj; man c'o ta lok'om pataninel, mawi tzokopitalic; mawi achi, mawi ixok; iwonojel xa' ix jun pa Crist Jesus.

Gálatas 6:15

Ri winak ri e jun ruc' ri Crist Jesus, man c'o ta u banic we kopim ri u wi' ri u tz'umal ri e achijab wi che quetal, o man kopim taj. Ri c'o u banic are ri c'ac' winakirisam.

Efesios 2:10

Ri Dios are' xujbanowic, xuban c'ac' tak winak chke rumal ri Crist Jesus, rech cäkaban utzalaj tak chac, ri xebusuc'umaj ulok ri Dios ojer, rech je cäkabano.

Efesios 2:14

Ri Crist are ka jamaril. Ri quieb tinimit xuban jun chque, xuwulij ri tapia ri c'o chquixo'l, ri e tasowinak.

Efesios 2:16

Jeri' ri Crist xutanaba' ri ch'o'j ri c'o chquixo'l ri quieb tinimit rumal ri u cämical cho ri ripibal, xuya' jamaril chquixo'l ruc' ri Dios. Xuban chque ri quieb chi xa' e jun cuerp chic.

Efesios 4:16

Rumal c'ut ri Crist, ronojel ri cuerp, nuc'utalic xukuje' conojel ri e u tz'akatil xak jun c'o wi junam; aretak c'u ri jujun u tz'akatil utz que chacunic, ronojel cätajin caq'uiyic cätajin catz'akat pa lok'ok'ebal c'uxaj.

Colosenses 2:14

Xusach u wäch ri tz'ibatal wi ri takanic re ri pixab, ri cujuc'ulelaj. Xresaj chkaxo'l, xubajij cho ri ripibal.

Colosenses 2:20

Ri ix ix cäminak chi junam ruc' ri Crist, rech man quebipatanij ta chic ri quebajawin puwi' ri uwächulew. ¿Jas c'u che quiya' iwib chuxe' ri qui takanic je ta ne ix c'asal na che u banic ri jastak aj uwächulew? Ri qui takanic e are wa':

Colosenses 3:10

Iwatz'iakim chi iwib ruc' ri c'ac' i c'aslemal. Cätajin c'u cuq'uex rib rech cajunamataj ruc' ri u wächbal ri Dios ri xixwinakirisanic, rech kas quiwetamaj u wäch.

Colosenses 3:11

Man c'o ta chi cubij we aj judey o we man aj judey taj, we kopim ri u wi' ri u tz'umal ri ix achijab wi o man kopim taj, we naj cäpe wi, we man c'o ta retamanic, we lok'om pataninel o tzokopitalic; ri c'o cubij chi ri Crist are' ronojel pa conojel.

Colosenses 3:15

Chiya' ba' che ri u jamaril ri Crist chajawin pa tak ri iwanima', xukuje' xixusiq'uij c'ut rech quiban xa' jun cuerp; xukuje' chiya' ta c'u xmaltioxinic.

Hebreos 7:16

ri man cojom ta rumal ri pixab ri cubij jachique ija'lil rajawaxic cäpe wi, xane' rumal ri u cuinem ri c'aslemal ri man q'uisel taj.

Hebreos 8:13

Aretak ri Dios cubij chi c'o jun c'ac' c'ulwächinic, cuban k'e'l che ri nabe. Are c'u ri cabixic chi k'e'l chic, cutakej c'u k'elobic, chanim cäsach na u wäch.

Hebreos 9:23

Rajawaxic c'ut chi ri qui wächbal ri jastak aj chicaj quejosk'ix rumal ri qui cämisaxic awaj che tabal tok'ob cho ri Dios. Are' c'u ri jastak aj chicaj quejosk'ix rumal jun tabal tok'ob ri utz na chuwäch ri qui cämisaxic tak awaj.