Efesios 1:17 - Quiché Bible

¹⁷ Quintz'onoj che ri u Dios ri Kajaw Jesucrist, ri juluwemalaj Tataxel Dios, chi chuya' ri no'j aj uxlabal chiwe che u ch'obic ri cuc'utunisaj xukuje' che ri utzalaj retamaxic u wäch.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁷ kinta che ri Dios, Tataxel rech ri Ajawxel Jesucristo, Tataxel rech juluwem chuya iwetaꞌmabꞌal pa ri uxlabꞌixel xuqujeꞌ chuqꞌalajisaj chiꞌwach pa jun jeꞌlalaj etaꞌmanik.

K'iche'

¹⁷ Je ri' quinbano rech ru Dios ri Kajaw Jesucristo, ri ka Tat ri sibalaj nim u k'ij, cuban ta na chiwe chi ri Lok'alaj Espíritu cuya na ri i no'j, xukuje' cuk'alajisaj ri Dios chiwäch rech kas quiwetamaj na u wäch ri Are'.

K'iche' (New Orthography)

¹⁷ Je ri' kinb'ano rech ru Dios ri Qajaw Jesucristo, ri qa Tat ri sib'alaj nim u q'ij, kub'an ta na chiwe chi ri Loq'alaj Espíritu kuya na ri i no'j, xuquje' kuq'alajisaj ri Dios chiwäch rech qas kiwetamaj na u wäch ri Are'.

Efesios 1:17 ပူးပေါင်းရင်းမြစ်များ

Nabe Tzijobelil 29:11

¡E ech la, Ajawaxel, ri nimalil, ri cuinem, ri juluwem, ri ajawinic xukuje' ri nimalaj banic la! Rumal rech chi ronojel ri c'o pa ri caj xukuje' ri c'o pa ri uwächulew e ech la. Ech la xukuje' ri ajawinic, lal Ajawaxel nim na k'ij la chquiwäch conojel.

Ri Job 42:5

In wetamam wäch la xa' rumal ri u ta'ic tzijol la, are c'u ri camic quinwil la cuc' ri kas e nu bak'wäch.

Salmib 24:10

¿Jachin wa' we Ajawinel ri' aj juluwem? ¡Are' ri Ajawaxel ri Cajaw ri ajch'ojab! ¡Are' ri Ajawinel aj juluwem!

Salmib 24:7

¡Chixjaktajok, junalic tak oquibal! ¡Chejakjob can ri cacab tak i xak, coc c'u na ri ajawinel aj juluwem!

Salmib 29:3

Ri u ch'abal ri Ajawaxel cäxojlin puwi' ri plo; ri Dios ri nim u k'ij are cäbanow ri cakulja: ¡ri Ajawaxel c'o puwi' ri nimalaj plo!

Elem 28:3

Chebatzijobej ri c'o qui no'j, ri e nu nojisam che no'jinic, rech cäquiban ri ratz'iak ri Aaron, coc c'u che cojol tabal tok'ob chnuwäch.

E C'ambal tak Tzij 18:15

Ri ajno'jab xukuje' ri e c'oxomanelab cäquirik ri etamanic ri cäquitzucuj.

E C'ambal tak Tzij 2:5

C'äte ri' cawetamaj c'u na ri u ya'ic u k'ij ri Ajawaxel; ¡cach'ob na ri retamaxic u wäch ri Dios!

Ri Isaiy 11:2

Ri ruxlabal ri Ajawaxel cäjeki' na amak'el puwi', cuya' c'u na u no'j, c'oxomanic, utzalaj chomanic, chuk'ab, etamanic xukuje' u ya'ic u k'ij ri Ajawaxel.

Ri Jeremiy 2:11

chi jun nim tinimit ri e k'ijilal ta diosib, e u q'uexom ta ri e u diosib. ¡Xa' c'u ne e subunelab tak diosib wa'! Are' c'u ri nu tinimit in u tzakom canok in ri in u juluwem, che qui k'ijilaxic ri e diosib ri man c'o ta jubik' qui patan.

Ri Jeremiy 24:7

Quinya' quetamanic rech caquich'obo chi in ri' ri Ajawaxel, e are' c'ut ri nu tinimit in c'ut ri in qui Dios, rumal rech chi ruc' ronojel canima' quetzelej na wuc'.

Ri Jeremiy 31:34

Man rajawaxic ta chi c'ut chi jujun cuc' jule' tak chic, achilab xukuje' achalaxelab, caquitijola' ta chi na quib rech caquetamaj nu wäch rumal c'u rech chi conojel, cachaptaj bic kas ruc' ri sibalaj nim na queq'uis c'u na ruc' ri sibalaj ch'utin, caquetamaj na nu wäch. In quinsach na qui mac che ri etzelal ri qui banom man quenataj ta chi c'ut chwe ri qui mac ri qui banom. In, ri Ajawaxel Dios, quinjiquiba' u bixic.”

Ri Jeremiy 9:24

We c'o jun caraj cunimarisaj u k'ij, chunimarisaj u k'ij che retamaxic nu wäch, che retamaxic chi in ri' ri Ajawaxel, ri quinpatanin cho ri uwächulew ruc' lok'ok'ebal c'uxaj suq'uilal xukuje' colomal, are c'u wa' ri cäkaj chnuwäch in. In, ri Ajawaxel, quinjiquiba' u bixic.”

Ri Daniel 10:1

Pa ri urox junab re ri rajawinic ri Sir ri aj Pers, ri Daniel ri cäbix Beltsasar che, xril jun kas k'alajisanic ri sibalaj c'ax u ch'obic ri quel cubij. Are c'u ri Daniel xucoj ronojel ri u no'j che u ch'obic, xcuin c'u che u ch'obic ri quel cubij ri k'alajisanic ri xya' che.

Ri Daniel 5:11

chi pa ri ajawibal la c'o jun achi ri c'amom u be rumal ri ruxlabal ri tastalicalaj Dios. Aretak ri tat la, c'o che ajawinel, we achi ri' xuc'utu chi c'o jun sakalaj u chomabal, ri c'o retamanic xukuje' u no'j e jacha' tak ri diosib. Rumal ri' ri ajawinel Nabucodonosor ri tat la, xucoj we achi ri' che c'amal qui be conojel ri ajk'ijab, ri ch'obonelab, ri ajno'jab xukuje' ri ajch'imilab ri e c'o pa ri nim tinimit,

Ri Matey 11:25

Pa ri k'ij ri' xch'aw ri Jesus, xubij: “Quink'ijilan che la, Tat, Rajaw caj ulew, chi xebec'u' la we jastak ri' chquiwäch ri c'o qui no'j xukuje' ri c'o qui ch'obobal, xebec'utinisaj c'u la chquiwäch ri ac'alab.

Ri Matey 11:27

Conojel ri jastak xejachtaj chwe rumal ri nu Tat. Man c'o ta jun kas etamaninak u wäch ri C'ojolaxel, xane' xak xuwi ri Tataxel. Man c'o ta jun kas etamaninak u wäch ri Tataxel, xane' xak xuwi ri C'ojolaxel xukuje' jachin tak ri craj wi ri C'ojolaxel u ya'ic retamaxic chque.

Ri Matey 16:17

Ri Jesus xubij che: “Utz awe, Simon, u c'ojol ri Jonas. Man xc'ut ta wa' chawäch cumal ri winak, xane' xc'ut wa' chawäch rumal ri nu Tat ri c'o pa ri caj.

Ri Matey 20:33

Xquibij c'u che: “Kajaw, cäkaj chi chejaktaj ri ka bak'wäch.”

Ri Matey 6:13

Mujya' la chuwäch ri takchibal macaj, xane' chujto' la chujesaj la pa u k'ab ri banal etzelal.’

Ri Lucax 12:12

Are c'u ri Ruxlabal ri Dios pa ri jok'otaj ri' cuya' na pa i chi' jas ri rajawaxic quibij na.”

Ri Lucax 2:14

“¡Juluwem che ri Dios ri c'o sibalaj sibalaj chicaj! ¡Jamaril cho ri uwächulew chquixo'l ri winak ri e rech ri utzalaj u rayibal!”

Ri Lucax 21:15

In quinyo'w na i tzij, in quinyo'w i no'j. Jeri' chi ri e i c'ulel man cäquirik taj jas cäquibij chiwe, man quech'äcan taj.

Ri Xuan 14:17

Are wa' ri Uxlabaxel re ri kastzij. Ri e aj uwächulew man quecuintaj caquic'amowaj, rumal rech chi man cäquil taj mawi queta'm u wäch; are c'u ri ix iweta'm u wäch. Ri are' jekel c'u iwuc', cäc'oji' na pa iwanima'.

Ri Xuan 14:26

Ri cucu'bisaj c'uxaj, are' ri Ruxlabal ri Dios, ri cutak na ulok ri Tataxel pa ri nu bi', are ri' quixutijoj na chque conojel ri jastak, cunataj na chiwe ronojel ri nu bim chiwe.

Ri Xuan 16:3

We jastak ri' quequiban na, rumal rech chi man cäquich'ob ta u wäch ri Tataxel, mawi cäquich'ob nu wäch in.

Ri Xuan 17:3

Are c'u wa' ri junalic c'aslemal: Chi cäquich'ob wäch la, xuwi ri lal kas Dios, xukuje' cäquich'ob u wäch ri Jesucrist, ri takom la ulok.

Ri Xuan 20:17

Ri Jesus xubij che: “Minachapo, c'ä maja' c'u quinpaki' ruc' ri Tataxel. Jät cuc' ri wachalal, chabij chque: ‘Quinpaki' ruc' ri nu Tat, xukuje' i Tat, ruc' ri nu Dios, xukuje' i Dios.’ ”

Hechos 6:10

Man xecuin ta c'u ri winak che u to'ic quib chuwäch ri u tzij, rumal rech chi yo'm u no'j rumal ri Ruxlabal ri Dios.

Hechos 7:2

Ri Estebn xubij: “Wachalal tak xukuje' tatayib, tampe' alak ri nu tzij. Ri Dios ri sibalaj nim u k'ij xuc'ut rib chuwäch ri ka mam Abraham aretak c'ä c'o pa Mesopotam, c'ä majok chejekel pa Haran.

Romanos 1:28

Aretak man xcaj ta chic xechoman chrij ri Dios, ri Dios xebuya' canok rech cäc'oji' qui no'j ri man c'o ta u patan, rech cäquiban jastak ri man e utz taj.

Romanos 15:6

rech junam ri i ch'abal xukuje' junam quinimarisaj u k'ij ri Dios, ri u Tat ri Kajaw Jesucrist.

1 Corintios 12:8

Jun yo'm che, tzij re no'j rumal ri Uxlabaxel. Ri jun chic yo'm che, tzij re etamabal. Xa c'u jun ri Uxlabaxel ri cayowic.

1 Corintios 14:6

Rumal c'u ri', wachalal, we quinopan iwuc', quintzijon ta pa tak ch'abal, ¿jas ta lo quiwechbej ri' che, we man quink'alajisaj jun jasach chiwäch, o quinbij jun jasach chiwe re etamabal, o quink'axej ri u tzij ri Dios chiwe, o quixintijoj?

1 Corintios 2:10

Ri Dios xebuc'ut wa' chkawäch uj rumal ri Ruxlabal. Are c'u ri Uxlabaxel cunic'oj ronojel, xukuje' ne ri jastak re ri Dios ri man quech'obtaj taj.

1 Corintios 2:8

man c'o ta jun chque ri e qui nimal tak ri winak cho ri uwächulew ri xch'obow wa'. We ta xquich'obo, ma ta xquirip ri' ri Ajawaxel ri sibalaj nim u k'ij.

2 Corintios 12:1

Rajawaxic quinnimarisaj wib, pune' man c'o ta quechbex che. Quinchaplej c'u qui tzijoxic ri c'utwächinic xukuje' ri niq'uiaj jastak chic ri e c'utum chnuwäch rumal ri Ajawaxel.

Efesios 1:3

Ka k'ijilaj ri Dios ri u Tat ri Kajaw Jesucrist, chupam c'ut ri ka junaxic ruc' ri Crist uj u tewichi'm pa ri caj cuc' tak conojel qui wäch tak tewichibal e aj uxlabal.

Efesios 3:5

Nabe canok man yo'm ta retamaxic we jastak ri' chque ri winak. C'äte camic ri Dios u c'utum chquiwäch ri u tastalic takomxenlab xukuje' ri e k'axal tak re ri u tzij rumal ri Uxlabaxel,

Efesios 4:13

C'ä konojel cakarik na ri junamil pa ri cojonic xukuje' che ri u c'oxomaxic ri u C'ojol ri Dios cujopan c'ut pa ri tz'akatil cakarik c'ut ri tz'akatalaj etabalil re ri tz'akatil ri cakarik pa ri Crist Jesus.

Filipenses 3:15

Jewa' ri uj co chic pa ri ka cojonic che u ternexic ri Crist, je chujchomam wa', we jun chi c'u wi ri i chomanic, ri Dios cuc'utunisaj na wa' xukuje' chiwäch.

2 Timoteo 2:25

xukuje' ruc' manxoyil quebutijoj ri winak ri cäquic'ulelaj ri u tzij. We ne ri Dios cuya' na chque chi cäquiq'uex qui c'u'x rech cäquetamaj ri kastzij.

Ri Tit 1:1

Ri in Pawl, in rajchac ri Dios xukuje' takom re ri Jesucrist, rech quecojon na ri winak ri e cha'tal rumal ri Dios, rech cäquetamaj ri kas k'ijilanic che ri Dios,

Santiago 2:1

Wachalal, pa ri i cojonic che ri juluwemalaj Kajaw Jesucrist, jalan mebiwil wi tak ri winak, xane' junam chebiwila wi conojel.

2 Pedro 1:3

Ri Dios, rumal ri u cuinem, u sipam conojel ri rajawaxic che ri ka c'aslemal, rech cujniman che ri are', rumal rech chi keta'm u wäch ri jun ri xujusiq'uij rumal ri u juluwem xukuje' ri rutzil.

2 Pedro 3:18

Chixq'uiy ba' pa ri u tok'ob xukuje' pa ri retamaxic u wäch ri Kajaw xukuje' ka Colonel Jesucrist xukuje' c'ä pa tak ri k'ij junab chbe k'ij sak. Je chbanok.

Apocalipsis 7:12

je xquibij wa': “¡Je' chbanok! Ri tewichibal, xukuje' ri juluwem, xukuje' ri no'j, xukuje' ri maltioxinic, xukuje' ri nim ilic, xukuje' ri cuinem, xukuje' ri chuk'ab cheyok che ri ka Dios amak'el chbe k'ij sak. Je chbanok.”