Colosenses 3:3 - Quiché Bible

³ Ix cäminak chi c'ut, are' c'u ri i c'aslemal c'u'tal ruc' ri Crist pa ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

³ ri ix ix kaminaq chik, ri ikꞌaslemal ix awatal rukꞌ Cristo pa Dios.

K'iche'

³ Ri ix, ix cäminak junam ruc' ri Cristo. (Quel cubij wa' chi ri i c'aslemal cämic man junam tä ruc' ri ojer i c'aslemal.) Ri i c'aslemal cämic c'olotal ruc' ri Cristo pu k'ab ri Dios.

K'iche' (New Orthography)

³ Ri ix, ix käminaq junam ruk' ri Cristo. (Kel kub'ij wa' chi ri i k'aslemal kämik man junam tä ruk' ri ojer i k'aslemal.) Ri i k'aslemal kämik k'olotal ruk' ri Cristo pu q'ab' ri Dios.

Colosenses 3:3 ပူးပေါင်းရင်းမြစ်များ

Ri Matey 11:25

Pa ri k'ij ri' xch'aw ri Jesus, xubij: “Quink'ijilan che la, Tat, Rajaw caj ulew, chi xebec'u' la we jastak ri' chquiwäch ri c'o qui no'j xukuje' ri c'o qui ch'obobal, xebec'utinisaj c'u la chquiwäch ri ac'alab.

Ri Xuan 14:19

Xa jubik' chic, ri winak aj uwächulew man quinquil ta chic. Are c'u ri ix kas quiniwil wi. Rumal rech chi in c'aslic, ri ix xukuje' quixc'asi' na.

Ri Xuan 3:16

“Chi' cäkil wi chi ri Dios sibalaj quebulok'ok'ej ri winak cho ri uwächulew, xuya' c'ut ri u C'ojol, ri xa' jun c'olic, rech conojel ri quecojon che, man cäsach ta qui wäch, xane' cäc'oji' na junalic qui c'aslemal.

Ri Xuan 4:14

Apachin c'u ri cäruq'uiaj re ri joron ri quinya' che, mawi jumul chbe k'ij sak cächaki'j ta chi na u chi'. Xane' ri joron ri quinya' che, cux na jun u q'uiyibal ja' che, ri cäpixc'on che junalic c'aslemal.”

Ri Xuan 5:21

Jas ri Tataxel quebuc'astajisaj ri cäminakib, cuya' qui c'aslemal, jeri' xukuje' ri C'ojolaxel cuya' qui c'aslemal jachin tak ri cäraj.

Ri Xuan 5:24

Kastzij, kastzij quinbij chiwe: Apachin ri cutatabej ri nu tzij, ri cäcojon che ri xintakow ulok, c'o junalic u c'aslemal. Man cäc'äjisax ta u wäch, xane' xel pa cämical, xk'ax pa c'aslemal.

Ri Xuan 5:40

Man quiwaj ta c'ut quixpe wuc' in, rech cäc'oji' i c'aslemal.

Romanos 5:10

We c'u aretak c'ä ka c'ulel ulok ri Dios, xujrutzirisaj ruc' rumal ri u cämical ri u C'ojol, e ta c'u lo ri camic, ri uj utzirisam chic, cujcolotaj na rumal ri u c'aslemal.

Romanos 5:21

Rech jeri', jacha' chi ri mac xajawin che cämical, je c'u ri' xukuje' ri tok'ob chajawin che suq'uilal che junalic qui c'aslemal rumal ri Jesucrist, ri Kajaw.

Romanos 6:11

Jeri' xukuje' ri ix, chichomaj ba' chi kastzij ix cäminak chic chuwäch ri mac, ix c'asal chi c'ut che ri Dios pa Crist Jesus.

Romanos 6:2

¡Mawi jubik'! Uj cäminak chi c'u chuwäch ri macaj; ¿jas ta c'u cakabano cujcuinic cujc'asi' ta chupam ri macaj?

Romanos 8:2

Ri u pixab c'ut ri Uxlabaxel ri cuya' c'aslemal rumal ri Crist Jesus, are xinesan pa u k'ab ri pixab re mac xukuje' re cämical.

1 Corintios 15:45

Jewa' xukuje' tz'ibatalic: “Xban ri nabe achi, Adan, are jun winak ri xya' u c'aslemal.” Are c'u ri q'uisbal Adan, are jun uxlabal ri cuya' c'aslemal.

1 Corintios 2:14

Ri winak ri man c'o ta ri Uxlabaxel pa ri canima' man cäquic'am ta ri jastak ri rech ri Ruxlabal ri Dios, xa c'u conil chque ri e are'. Man quecuin ta che qui ch'obic, rumal rech chi aj Uxlabal qui ch'obic.

2 Corintios 5:14

Ri lok'ok'ebal u c'u'x ri Crist cucoj u chuk'ab chke. Rumal rech, keta'm chi ri Jun xcäm che qui q'uexwäch conojel, rumal c'u ri' conojel xecäm pa ri are'.

2 Corintios 5:7

Cujbinic rumal ri cojonic, man rumal ta ri cayenic.

Gálatas 2:20

Junam xinrip ruc' ri Crist cho ri ripibal. Man in ta chic in c'aslic, xane' are ri Crist c'asal pa ri wanima'. Ri nu c'aslemal pa ri nu cuerp camic, quinwoc'owisaj pa ri cojonic che ri u C'ojol ri Dios, ri xinulok'ok'ej xukuje' xuya' ri u c'aslemal rumal wech.

Efesios 3:9

Yo'm pa nu k'ab chi quink'alajisaj chquiwäch conojel, ri jastak re ri Dios ri e c'u'tal ulok kas aretak xtiquiritaj ri uwächulew. Je u chomanic ri Dios wa' ri xebanow conojel ri jastak.

Filipenses 4:7

Are c'u ri u jamaril ri Dios, ri nim na chuwäch ronojel no'j, cächajin na ri iwanima' xukuje' ri i ch'obobal pa ri Crist Jesus.

Colosenses 1:5

rumal rech ri eyebal c'uxaj chrij ri c'olom chiwe pa ri caj. I tom chi c'u wa' rumal ri tzij re kastzij, are wa' ri kastzij re colobal ib.

Colosenses 2:20

Ri ix ix cäminak chi junam ruc' ri Crist, rech man quebipatanij ta chic ri quebajawin puwi' ri uwächulew. ¿Jas c'u che quiya' iwib chuxe' ri qui takanic je ta ne ix c'asal na che u banic ri jastak aj uwächulew? Ri qui takanic e are wa':

Colosenses 2:3

ri e c'utal wi conojel ri k'inomal rech ri no'j xukuje' ri etamanic.

Colosenses 3:4

Ri Crist are' ri i c'aslemal. Aretak cäpetic, c'äte ri' ri ix xukuje' quixc'oji' na ruc' pa juluwem.

Hebreos 7:25

Jeri' cäcuin che qui colic chbe k'ij sak ri winak ri quekeb ruc' ri Dios rumal are', rumal rech chi c'asal amak'el rech cubochi'j ri Dios paquiwi'.

1 Pedro 3:4

Xane' chiwika' iwib pa ri iwanima'. Chicojo' wikbal ri man cäsach ta qui wäch, are wa' chi man quinimarisaj ta iwib pa iwanima' chi ix mach'al pa jamaril. Are wa' sibalaj nim u k'ij chuwäch ri Dios.

1 Pedro 4:2

Pa tak ri u k'ij ri c'o na cho ri uwächulew, man cuban ta chic ri itzel qui rayibal ri winak, xane' cuban na ri u rayibal ri Dios.

1 Juan 3:2

Lok'alaj tak wachalal, camic uj ralc'ual chic ri Dios. C'ä maja' c'u cäc'utunic jas ri cujux na. Keta'm c'ut chi aretak cäc'utun ri Jesucrist, cujux na junam ruc' ri are', rumal rech chi cäkil c'u na ri kas are'.

Apocalipsis 2:17

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, quinya' na re ri jaswa' pa tijic ri c'u'talic. Xukuje' quinya' na jun alaj sak abaj che, ri tz'ibatal wi jun c'ac' bi'aj ri man c'o ta jun etamaninak, xuwi ri cäc'amowic.’ ”