Colosenses 2:8 - Quiché Bible

⁸ Chiwila' iwib: miya' iwib chi quixc'am bic cumal ri cäcaj quixquisub cumal tak no'jinic xukuje' tak ch'äcabal ri xak e cawäch, we winak ri' man e tiquitoj taj pa ri Crist, xane' chquipam tak ri xak e qui no'jibal tak winak xukuje' chquipam ri cuinem ri quetakan puwi' we uwächulew ri'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Chichajij iwibꞌ rech maj jun kixmenkꞌetinik rukꞌ chomanik rech ri uwachulew, ri kutereneꞌj ri kinaqꞌatajibꞌal ri winaq ri kꞌamtal kibꞌe rumal ri itzel uxlabꞌal, junam rukꞌ ri kikojonik ri winaq rech we uwachulew riꞌ, man je ta kꞌu riꞌ karaj ri Cristo.

K'iche'

⁸ Chiwila iwib mixkaj pa qui k'ab ri winak ri cäcaj quixquisub ruc' ri je'lalaj tak qui tzij chquij ri qui nak'atisam wi quib ri e are', ruc' c'u ri qui chomanic ri man c'o tä u patän chrij ri cajulew. Man are tä ru tijonic ri Cristo, xane are ri qui tijonic winak, ri xak ajuwächulew wa'.

K'iche' (New Orthography)

⁸ Chiwila iwib' mixqaj pa ki q'ab' ri winaq ri käkaj kixkisub' ruk' ri je'lalaj taq ki tzij chkij ri ki naq'atisam wi kib' ri e are', ruk' k'u ri ki chomanik ri man k'o tä u patän chrij ri kajulew. Man are tä ru tijonik ri Cristo, xane are ri ki tijonik winaq, ri xaq ajuwächulew wa'.

Colosenses 2:8 ပူးပေါင်းရင်းမြစ်များ

Bixonic Tak 2:15

“Chebichapa' tak ri yac, ri alaj tak yac ri caquiban c'ax chque tak ri ka uva ri e ka ticom, ri e ka ticom tak uva ri e cotz'i'jinak.”

Ri Jeremiy 29:8

In, ri Ajawaxel ri c'o ronojel u cuinem, ri u Dios ri Israel, quinya' u bixic wa' chiwe: Miya' iwib chi quixquisub ri e k'axal tak tzij xukuje' ri ch'obanelab ri e jekel chixo'l ix; miya' i xiquin chque tak ri ichic' ri quequibanala'.

Ri Matey 10:17

Chichajij iwib chquiwäch ri winak; quixquijach c'u na pa qui k'ab ri k'atal tak tzij, quixquich'ay na pa tak ri ja ri cäquitijoj wi quib ri aj judeyib che ri pixab.

Ri Matey 16:6

Ri Jesus xubij chque: “Chiwila', chichajij iwib chuwäch ri qui ch'am ri pariseyib xukuje' ri saduseyib.”

Ri Matey 7:15

“Chichajij iwib chquiwäch ri winak ri cäquijaluj quib chi e k'axal tak tzij. Ri e are quebul iwuc', je ta ne e chij, are c'u ri chquipam e tokinelab tak utiw.

Hechos 17:18

E c'o c'u ne jujun ajchomanelab aj epicurib xukuje' aj estoiquib xquichaplej chomanic ruc'. Jujun c'ut caquibij: rech “¿Jas lo ri cäraj we rok'ok'enel ri?” Niq'uiaj chi c'ut caquibij: “Je' ta ne ri quebutzijoj jule' diosib chic.” Je xquibij rumal rech chi ri Pawl cutzijoj ri Jesus chque, cubij chi xc'astaj chquixo'l ri cäminakib.

Hechos 17:32

Aretak xquita' ri u tzij, chi c'o jun xc'astajisax chquixo'l ri cäminakib, jujun xquitze'j. Ri niq'uiaj chic xquibij: “Catkatatabej chi na jumul che wa'.”

Romanos 16:17

Quixinbochi'j, wachalal, chi chajij iwib chquiwäch ri winak ri quequitas jujun cojonelab chquij niq'uiaj chic, ri cäquiban chque chi cuban quieb canima' che ri tijonic ri xiwetamaj. Chitasa' iwib chquij wa'.

1 Corintios 10:12

Je c'u ri', apachin ri cuchomaj chi co tac'alic, chrila' rib rech mätzakic.

1 Corintios 8:9

Miya' c'u c'olbal chi rumal ri etamanic ri c'o iwuc' qui bano chi ri e tukar pa ri qui cojonic quekaj pa ri macunic.

2 Corintios 10:5

xukuje' ronojel banoj nimal ri cucoj u chuk'ab chi ma ta quetamax u wäch ri Dios. Ronojel chomanic aj winak cäkaya' xe' rakan u k'ab ri Crist, rech caniman che are'.

Gálatas 1:14

Pa ri qui cojonic ri aj judeyib, sibalaj utz na xinban in chquiwäch q'ui nu winakil ri xa' junam qui junab wuc'. Sibalaj xinoc na il chque ri qui nak'atisabal can ri e nu mam.

Gálatas 4:3

Jeri' xukuje' ri uj, aretak c'ä uj ch'utik, uj c'o pa qui k'ab ri nabe tak u tijobal ri uwächulew.

Gálatas 4:9

Camic c'ut, i ch'obom chi u wäch ri Dios, o ri kas suc' u bixic wa', chi ch'obom chi i wäch rumal ri Dios. ¿Jas c'u che quixtzelej chi jumul pa ri tijonic ri man c'o ta qui chuk'ab xukuje' ri man c'o ta quechbex che? ¿Jasche quiwaj quebipatanij chi jumul?

Gálatas 5:15

We quiti'la' iwib, we quitijila' iwib, chichajij ba iwib misach ne i wäch chbil tak iwib.

Efesios 2:2

Xiban ri mac jas ri u beya'l we uwächulew ri', xinimaj ri nim u banic ri c'o u takanic pa ri quiakik', ri uxlabal ri cätakan paquiwi' ri man queniman ta che ri Dios.

Efesios 4:20

Ri ix man je ta retamaxic u wäch wa' ri Crist xibano rech je i c'aslemal wa'

Efesios 5:6

C'o jun mixsubuw ruc' tak tzij ri man c'o ta qui patan. Cumal c'u we jastak ri' cäpe ri royowal ri Dios paquiwi' ri man queniman taj.

U Camulixic ri Pixab 6:12

Aretak cäc'ulmataj wa', chixoc il, mäsach ri Ajawaxel ri Dios pa i jolom ri xixelesan ulok pa Ejipt jawije' ri xixpatanin wi jacha' ri cäban chque ri lok'om tak pataninelab.

Filipenses 3:2

Chichajij iwib chquiwäch ri winak ri e je ta ne tz'i'. Chichajij iwib chquiwäch ri cäquiban itzel tak chac, xukuje' ri cäcaj cäquik'at ri i cuerp, che u cojic iwetal re ri kopinic.

Colosenses 2:18

Miya' c'olbal chi quixc'okox cumal ri caquiban quib chi sibalaj e mach'alic quequik'ijilaj c'ut ri e tako'nib aj caj, ri caquibij quib chi quequil tak c'utwächinic caquisipojisaj c'u quib rumal nimarisanib, rumal quech tak ri e qui chomanic aj winak.

Colosenses 2:20

Ri ix ix cäminak chi junam ruc' ri Crist, rech man quebipatanij ta chic ri quebajawin puwi' ri uwächulew. ¿Jas c'u che quiya' iwib chuxe' ri qui takanic je ta ne ix c'asal na che u banic ri jastak aj uwächulew? Ri qui takanic e are wa':

Colosenses 2:22

Ri takanic ri' xa' chquij jastak ri cäsach qui wäch aretak quecojic, e are xa' qui takanic xukuje' qui tijonic winak.

Colosenses 2:23

Kastzij we jastak ri' je ta ne ri queilic chi e rech no'jibal, quetakan c'u che cojonic xukuje' mach'ibalil xukuje' u c'axc'obisaxic ri cuerp; man c'o ta c'u cupatanij che qui k'atixic tak rayibal aj winak re mac.

1 Timoteo 6:20

Timotey, chachajij ri yo'm pa a k'ab. Maya' qui k'ij ri tz'ilalaj tak tzijonic ri man c'o ta qui patan. Maya' qui k'ij tak ri tijonic ri man je taj jas ri caya' at, ri xak cäbix che chi utzalaj no'j.

2 Timoteo 3:13

E are c'u ri e itzel tak winak, ri e subunelab, quenimataj na, cäquitakej na subunic, e subutajinak c'ut.

Hebreos 13:9

Mixc'amalax bic cumal jule' tak tijonic chic ri e jalan chi wi. Are c'u utz na chi co quitiquiba' ri iwanima' chrij ri u tok'ob ri Dios, man chrij ta ri wa ja'. Ri je qui banom wa' man c'o ta xquechbej.

Hebreos 3:12

Chiwila', wachalal, c'o jun chiwe mäc'oji' itzelalaj ranima' ri man cäcojon taj, ri cutas rib cuya' can ri Dios c'aslic.

1 Pedro 1:18

Iweta'm c'ut chi man e are ta ri jastak ri cäsach qui wäch, je jas ri sak puak o ri k'an puak, ri xixcolow chuwäch jun c'aslemal ri man c'o ta u patan, ri yo'm can chiwe cumal ri e i mam,

2 Pedro 3:17

Ri ix c'ut, lok'alaj tak wachalal, ri iweta'm chi ulok wa' ojer, chichajij ba' iwib, mixc'am bic cumal ri qui subunic ri banal tak etzelal, rech man quixtzak ta ne ri kas co ix c'o wi.

2 Juan 1:8

Chichajij ba' iwib, rech man cäsach ta u wäch ri i chac, rech quic'am ri tojbal iwech tz'akat.