Colosenses 1:4 - Quiché Bible

⁴ Ka tom i tzijol chi c'o i cojonic che ri Crist Jesus, chi quebilok'ok'ej conojel ri tastalic tak cojonelab,

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ rumal qatom ri ikojobꞌal pa Cristo Jesús, xuqujeꞌ ri iloqꞌanik chike ri kojonelabꞌ.

K'iche'

⁴ Je ri' cäka'no rumal chi ka tom u tzijol chi kas ix cojoninak che ri Cristo Jesús, xukuje' chi kas queiwaj conojel ri e rech ri Dios.

K'iche' (New Orthography)

⁴ Je ri' käqa'no rumal chi qa tom u tzijol chi qas ix kojoninaq che ri Cristo Jesús, xuquje' chi qas keiwaj konojel ri e rech ri Dios.

Colosenses 1:4 ပူးပေါင်းရင်းမြစ်များ

2 Corintios 7:7

Man xuwi ta rumal ri u petic xcu'bisax ka c'u'x, xane' xukuje' rumal rech chi ri are' xucu'bisaj u c'u'x chiwij. Xutzijoj c'u chke chi sibalaj quiwaj quiwil ka wäch, chi quixbison chke, chi quiwaj quiwetamaj we c'o c'ax nu rikom. Rumal ri' sibalaj xinquicotic.

Gálatas 3:26

Iwonojel c'ut ix ralc'ual ri Dios rumal ri cojonic che ri Crist Jesus.

Gálatas 3:28

Man c'o ta c'u aj judeyib, mawi man aj judeyib taj; man c'o ta lok'om pataninel, mawi tzokopitalic; mawi achi, mawi ixok; iwonojel xa' ix jun pa Crist Jesus.

Gálatas 5:6

We ix jun ruc' ri Crist, pune' cojom ri u kopixic ri u wi' ri u tz'umal ri ix achijab wi che iwetal, o man cojom taj, man are ta ri' ri c'o u banic, xane' are ri cojonic cächacun rumal ri lok'ok'ebal c'u'x.

Efesios 1:15

Rumal ri', aretak ri in xinta' u tzijol ri i cojonic che ri Ajawaxel Jesus xukuje' ri lok'ok'ebal i c'u'x chque conojel ri winak ri e rech ri Dios,

Efesios 6:18

Mitanaba' ri u banic ch'awem ruc' Dios: chixbochi'nok xukuje' chixtz'onom che ri Dios amak'el, pa ri Uxlabaxel. Chixc'asc'atok, mixtuktubic, chibana' c'u ch'awem puwi' ronojel ri u tinimit ri Dios.

Colosenses 1:9

Rumal wa' ri uj, kas pa ri k'ij ri xketamaj, man ka tanabam ta u banic ch'awem ruc' Dios piwi', xukuje' che u tz'onoxic che ri Dios chi chubana' chiwe chi ruc' tz'akatil quiwetamaj ri u rayibal chuya' c'u ronojel u wäch no'j chiwe xukuje' ch'obonic aj uxlabal.

1 Tesalonicenses 1:3

Chuwäch ri Dios ka Tat, cänataj chke chi ix chacuninak ruc' cojonic, i banom c'axalaj chac ruc' lok'ok'ebal c'u'x. Cänataj chke chi man quiya' ta can ri cu'lbal i c'u'x chrij ri Kajaw Jesucrist, pune' quirik c'ax.

1 Tesalonicenses 3:6

Camic c'ut ri Timotey tzelejinak chi ulok iwuc', ulinak kuc'. Xutzijoj ri i cojonic xukuje' ri lok'ok'ebal i c'u'x. Xubij chke chi ri uj cujnataj chiwe ruc' utzil, xukuje' chi sibalaj quiwaj quiwil ka wäch, jas ri uj xukuje' cäkaj cäkil i wäch.

2 Tesalonicenses 1:3

Kachalal, rajawaxic chi amak'el cujmaltioxin che ri Dios rumal iwech. Rumal rech chi cätajin cäq'uiy ri i cojonic xukuje' cätajin cänimar ri lok'ok'ebal i c'u'x chbil tak iwib.

Filemón 1:5

Nu tom a tzijol chi calok'ok'ej xukuje' c'o a cojonic che ri Ajaw Jesus. Xukuje' nu tom a tzijol chi quebalok'ok'ej conojel ri tastalic tak winak xukuje' cak'alajisaj ri a cojonic chque.

Hebreos 6:10

Suc' ri Dios, man cäsach ta pa u jolom ri chac ri i banom chi xilok'ok'ej ri u bi' aretak xebipatanij ri cojonelab, xukuje' ne c'ä camic.

1 Juan 3:14

Uj keta'm chi uj elinak chic pa ri cämical, uj c'o chic pa ri c'aslemal, ketamam c'ut rumal rech chi quekalok'ok'ej ri kachalal. Apachin c'u ri man culok'ok'ej ta ri rachalal, cäminak na ri'.

1 Juan 3:23

Ri u takomal, chi chujcojon che ri Jesucrist, ri u C'ojol, cäkalok'ok'ela' c'u kib, jacha' ri are' uj u lok'ok'em.

1 Juan 4:16

Xukuje' ri uj cäkach'ob u wäch ri u lok'ok'ebal c'u'x ri Dios chke, xukuje' uj cojoninak che. Ri Dios are lok'ok'ebal c'uxaj, apachin ri jekel pa ri lok'ok'ebal c'uxaj, jekel pa ri Dios, xukuje' ri Dios pa ri are'.