Chapletajic 9:2 - Quiché Bible

² Conojel ri awaj re ri uwächulew quebirbob na che xe'n ib chiwäch. Conojel awaj ri e c'o pa ri quiakik', pa ri plo, e c'o chuxe' ri i takanic.

Chapletajic 9:2 ပူးပေါင်းရင်းမြစ်များ

Chapletajic 1:21

Ri Dios xebuban nimak jilijak tak awaj pa ri plo, ronojel qui wäch awaj xepok' pa ri ja' rech quec'oji' chupam, xukuje' xebuban ronojel qui wäch chicop ri c'o qui xic'. Aretak xril ri Dios chi utz,

Chapletajic 1:26

Xubij c'u ri Dios: “Kabana' ri winak jacha' ri uj, cäc'oji' c'u na u takanic paquiwi' ri cär, ri chicop ri e c'o qui xic', ri awaj aj uwo ja, xukuje' paquiwi' ri caquijurula' tak quib cho ri ulew.”

Chapletajic 1:28

xebutewichi'j: “Chec'ol q'ui iwalc'ual; chinojisaj ri uwächulew, chixtakan puwi'; xukuje' chixtakan paquiwi' ri cär, xukuje' paquiwi' ri chicop ri e c'o qui xic', xukuje' paquiwi' conojel ri awaj ri cäquijururej quib puwi' ri ulew.”

Chapletajic 2:19

Are c'u ri Ajawaxel Dios ulew xucoj che qui banic conojel ri awaj xukuje' conojel tak ri chicop ri c'o qui xic', xebuc'am c'u ulok chuwäch ri achi rech quebucoj qui bi'. Ri achi xucoj qui bi' conojel ri awaj aj uwo ja, conojel ri chicop ri c'o qui xic' xukuje' conojel ri juyubal tak awaj, are c'u bi'aj wa' xcanaj chque. Man c'o ta c'u ne jun chque ri utz ta xel che to'l rech ri xtaki' ta che.

Chapletajic 35:5

Aretak xebel bic chila', ri Dios xubano chi sibalaj xquixe'j quib tak ri tinimit ri e c'o apan chquinakaj, rumal ri' man c'o ta jun c'ax xquiban chque ri e ralc'ual ri Jacob.

Chapletajic 9:1

Ri Dios xutewichi'j ri Noe xukuje' ri e u c'ojol cuc' tak we tzij ri': “Chec'ol q'ui iwalc'ual, chinojisaj ri uwächulew.

Chapletajic 9:3

Cuya' quitij iwe apachique awaj, xukuje' apachique ichaj ri quiwaj, quinjach c'u pa i k'ab.

Ri Job 39:11

¿La catcuin ta lo cacu'bisaj a c'u'x chrij rumal rech chi sibalaj c'o u chuk'ab, caya' ta c'u can u tuquiel chi quebuban tak ri a chac?

Ri Ezequiel 34:25

Quenbana' jun c'ulwächinic cuc', quinjiquiba' ri roc'owisaxic jun c'aslemal cumal pa utzil. Quinban na chi casach qui wäch ri juyubal tak awaj pa ri ulew rech quejeki' ri nu chij pa utzil pa apachique juyub xukuje' quewar pa tak ri c'ache'laj.

Ri Osey 2:18

Pa ri k'ij ri' quinban na che u tok'obisaxic u wäch ri Israel jun c'ulwächinic cuc' tak ri juyubal tak awaj, cuc' tak ri chicop ri e c'o qui xic' xukuje' cuc' tak ri cumätz; quinc'äjij na xukuje' quinwesaj na che we ulew ri' ri q'uiakbal ch'ab, ri ch'ich' re ch'o'j xukuje' ri ch'o'j, rech cuxlan ri nu tinimit pa jamaril.

Aj Levitib 26:22

Xukuje' quebentak na ulok juyubal tak awaj chiwij ri quequic'am na bic ri iwalc'ual, xukuje' cäquiq'uis tzij paquiwi' ri e iwawaj, quinchaplej c'u u sachic i wäch, ri e i be xak quetz'inow chi canok.

Aj Levitib 26:6

Quinya' na utzil cho ri uwächulew, quixwar c'u na pa utzil, man c'o ta jas quixxibin na, xukuje' quebenwesaj na ri itzel tak awaj pa tak ri iwulew, man c'o ta c'u ch'o'j cäpe na puwi' ri i tinimit.

Santiago 3:7

Ronojel u wäch awaj, chicop aj uwo caj, cumätz, o awaj re ri plo, are' ri winak quetakan paquiwi' xukuje' qui banom ulok takanic paquiwi'.