Chapletajic 9:15 - Quiché Bible

¹⁵ Cänataj c'u ri c'ulwächinic ri nu banom iwuc' xukuje' cuc' conojel ri awaj, man cäpe ta chi c'u na jun k'ekal jäb che u sachic i wäch.

Chapletajic 9:15 ပူးပေါင်းရင်းမြစ်များ

Chapletajic 8:21

Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

Chapletajic 9:10

Xukuje' cuc' conojel ri awaj ri e c'o iwuc' ri xebel ulok pa ri jucub: ri chicop ri c'o qui xic', ri awaj ri e aj uwo ja, ri juyubal tak awaj, xukuje' cuc' conojel awaj re ri uwächulew.

Chapletajic 9:11

Ri nu c'ulwächinic iwuc' ix man cäq'uextaj ta na: man quinsach ta chquiwäch ri winak, xukuje' ri awaj ruc' jun k'ekal jäb. Mawi jumul cuban ta chic jun k'ekal jäb ri cusach ta chi u wäch ri uwächulew.

Chapletajic 9:14

Aretak quintak ulok sutz', puwi' ri ulew, cäc'utun ri nu räxquiak'ab pa ri sutz'.

Nabe Ajawinelab 8:23

je c'u xubij wa': “Ajawaxel, u Dios ri Israel: mawi pa ri caj mawi pa ri uwächulew c'o ta jun Dios jacha' ri lal, ri cätz'akatisaj la ri c'ulwächinic la, cac'ut c'u la ri utzil la chquiwäch ri ruc' ronojel canima' quepatanin che la.

Ri Nehemiy 9:32

Are c'u ri camic, ka Dios, nimalaj Dios, cuinel xukuje' xibibal, jekebam c'u la ri c'ulwächinic xukuje' ri nimalaj lok'ok'ebal c'uxaj la, xak ba maca'y la chque tak ri c'axc'olil ri e kajinak pakawi' paquiwi' tak ri kajawinelab, ri e c'amal tak ka be, ri e ka cojol tabal tok'ob xukuje' tak ri e k'axal tak tzij la, xukuje' ri e ka mam, xukuje' che ronojel ri tinimit, kas pa tak ri qui k'ijol tak ri ajawinelab re Asiriy c'ä pa ri k'ij camic.

Salmib 106:45

xnataj ri u c'ulwächinic cuc', xuq'uex c'ut ri u chomanic, rumal rech chi sibalaj nim ri lok'ok'ebal u c'u'x:

Elem 28:12

chebacojo' puwi' ri ximibal re ri atz'iak ri nim u k'ij ri cäbe puwi' ri u teleb, we quieb abaj ri' are quenatan ri aj israelib, ri Aaron cäruc'aj bic ri qui bi' che ri ximibal puwi' ri u teleb chuwäch ri Ajawaxel che qui nataxic.

Ri Jeremiy 14:21

¡Rumal ri bi' la chi nim u k'ij mujxutuj la, metzelaj la u wäch ri tinimit la ri c'o wi ri juluwemalaj tem re ajawibal la! ¡Chnataj ri c'ulwächinic la che la ri xban la kuc', ma ta c'u chatz'akatisaj la!

Ri Ezequiel 16:60

Are c'u ri in man cäsach ta pa nu jolom ri c'ulwächinic ri nu banom awuc' aretak c'ä at ac'al, quinban c'u na jun junalic c'ulwächinic awuc'.

Ri Lucax 1:72

Quel ta c'u na u c'u'x chque ri e ka mam, man casach ta c'u na pa u jolom ri tastalic u c'ulwächinic.

U Camulixic ri Pixab 7:9

Chiwetamaj ba', chi, ri Ajawaxel ri i Dios are' Dios ri jic, ri cutz'akatisaj ri u c'ulwächinic ija'lil chi ija'lil, chque ri quelok'ok'en che xukuje' quequitz'akatisaj ri e u takomal.