Chapletajic 8:1 - Quiché Bible

¹ Xnataj ri Noe che ri Dios xukuje' xenataj conojel ri awaj che ri e c'o ruc' ri Noe pa ri jucub. Xutak ulok jun quiakik' puwi' ri uwächulew, nojim xbutzajic ri ja';

Chapletajic 8:1 ပူးပေါင်းရင်းမြစ်များ

Chapletajic 19:29

Jewa' xuban ri Dios che u sachic u wäch ri tinimit tak ri e c'o xo'l tak ri juyub, jawije' xc'oji' wi ri Lot, xnataj c'u ri Abraham che ri Dios. Rumal ri' xresaj ulok ri Lot pa ri c'olbal ri xsach u wäch.

Chapletajic 30:22

Xnataj c'u ri Raquel che ri Dios; xuta' ri u ch'awem xuban che chi quec'oji' ral.

Chapletajic 9:10

Xukuje' cuc' conojel ri awaj ri e c'o iwuc' ri xebel ulok pa ri jucub: ri chicop ri c'o qui xic', ri awaj ri e aj uwo ja, ri juyubal tak awaj, xukuje' cuc' conojel awaj re ri uwächulew.

Ri Nehemiy 13:14

¡Nu Dios: chnataj che la ri nu banom, masach c'u pa jolom la ronojel ri utz ri nu banom che ri achoch la, xukuje' che ri k'ijilaxic la!

Ri Nehemiy 13:22

Oc'owinak chi c'u wa' xinya' takanic chque ri aj levitib chi chquich'ajch'ojirisaj quib cheboj c'ut che qui yuxlexic tak ri oquibal, rech man cawasixtaj taj ri k'ij re uxlanem. ¡Nu Dios: chinnataj che la xukuje' rumal wa', tok'obisaj c'u la nu wäch jas ri u cholajil ri utzil la!

Ri Nehemiy 13:29

¡Nu Dios: chnataj che la ri qui xk'olim ri u cojic ri cojol ri tabal tok'ob xukuje' ri c'ulwächinic aj cojol tabal tok'ob xukuje' aj levi!

Ri Nehemiy 13:31

ri u jachic ri si' pa tak ri k'ij ri e c'utum xukuje' ri qui jachic ri nabe tak wächinic. ¡Nu Dios: chnataj che la ri u tok'obisaxic nu wäch!

Ri Job 12:15

We ri are' cuk'il ri jäb, ronojel cachaki'jaric; we cutzokopij cabik'taj ri ulew.

Ri Job 14:13

¡C'o ta banom wi quinc'u' ta wib chupam ri rajawibal ri cämical aretak coc'ow ri oyowal la, cäk'at c'u la jun k'ijol che nu nataxic umal la!

Salmib 105:42

Xnataj c'ut ri tastalicalaj chi'nic che ri u banom che ri Abraham ri pataninel rech.

Salmib 106:4

Chinnataj che la, Ajawaxel, aretak chäban la utzil che ri tinimit la; minsach pa jolom la aretak cäpe la che u colic,

Salmib 115:12

¡Ri Ajawaxel uj natal che cujutewichi'j c'u na! Quebutewichi'j na ri aj israelib, quebutewichi'j na ri e cojol tabal tok'ob.

Salmib 132:1

Ajawaxel, Ajawaxel, cuinel che ri Jacob, chnataj ri David che la xukuje' tak ri e u c'axc'ol; chnataj che la ri cowilaj chi'nic ri kas cäban na, ri xcha' che la:

Salmib 136:23

Che ri cujnataj che aretak uj tzakinak, junalic c'ut ri u lok'ok'ebal c'u'x.

Salmib 137:7

Ajawaxel, chenataj ri aj edomib che la, chi aretak xch'äctaj ri Jerusalen, xquibij: “¡Chiwulij, chiwulij, chebiwolkotij apan ri e u tac'alibal!”

Salmib 29:10

Ri Ajawaxel cätakan puwi' ri jäb; ¡ri Ajawaxel are' ajawinel ri c'o u takanic chbe k'ij sak!

Salmib 36:6

Ri suq'uil la cajunamataj cuc' ri nimak tak juyub, ri takanic la junam ruc' ri nimalaj plo ri naj u pam. Ajawaxel, quechajij la ri winak xukuje' ri awaj.

Elem 14:21

Ri Moises xuyuk ri u k'ab puwi' ri plo, xuban c'u ri Ajawaxel chi xupac rib ri plo rumal jun nimalaj quiakik' ri xpe pa elebal k'ij ronojel ri jun ak'ab ri'. Xuban c'u quieb che ri plo xux chaki'j ulew.

Elem 15:10

Xxut'uj c'u la ri plo, xebik'taj rumal; xekaj chuxe' ri u choil ri ja' jacha' räxmamaj ch'ich'.

Elem 2:24

Xoc c'u il che ri qui ch'ach'atem, xnataj ri c'ulwächinic ri u banom ruc' ri Abraham, ri Isaac, xukuje' ri Jacob.

E C'ambal tak Tzij 25:23

Rumal ri quiakik' aj riquiak'ab elebal k'ij cäpe ri jäb, cumal c'ut ri itzel tak ak'aj ri itzel tak palaj.

Ri Isaiy 44:27

In quincuinic quinya' takanic chi cätzaj ri nimalaj plo, xukuje' chi ri e nima' chi chebux chaki'j beya'.

Ri Jeremiy 50:38

¡Ch'o'j chque tak ri e qui nima': chi chetz'ajok! U mac rech chi ri Babilon are jun ulew ri e c'o wi xibal tak diosib, rumal c'u quech wa' xeconiric.

Ri Amos 8:7

Ri Ajawaxel xuban ri chi'nic ri kas cäban na rumal ri u juluwem ri Jacob: “Mawi c'u jubik' cäsach na pa nu jolom ri qui banom.”

Ri Jonas 4:11

Are c'u nim na u banic chi rajawaxic quel na nu c'u'x che, ri Ninibe, ri tinimit ri nim u k'ij ri e c'o wi jun sient juwinak mil (120,000) ac'alab ri man c'o ta qui mac, xukuje' jumulaj awaj.”

Ri Nahum 1:4

Cucoj u xib ri plo, cutzajisaj c'ut. Cubano chi quetzaj conojel ri nima'. Ri che' ri e c'o pa Basan xukuje' ri e c'o pa ri juyub Carmel quebach'uyaric. Quebach'uyir c'ut ri cotz'i'j ri c'o pa ri Libano.

Ri Habacuc 3:2

Ri tzijol la ri quinto, Ajawaxel, xukuje' ronojel ri banom la, qui nu nojisaj che u ya'ic nimalaj k'ij la. Chebana' ba' la camic, pa ri ka c'aslemal, ri e nimak tak banoj la ri xeban can la pa jujun tak k'ijol, rech xukuje' ri uj cheketamaj tak qui wäch. Je wa' chbana' la che u c'utic chkawäch ri u tok'obisaxic ka wäch umal la pune' ta ba' pa u niq'uiajil ri oyowal la.

Ri Zacariy 10:11

Quek'ax na pa ri plo ri c'o pa Ejipt, quebensoc na ri e u wäch ri ja. Quintzajisaj na ri Nil c'ä chuxe', quinsachisaj na u wäch ri nimal ri cac'amow ri Asir quinq'uis c'u na tzij puwi' ri u cuinem ri Ejipt.

Ajilanic 10:9

Aretak cawalij ulok jun c'ulel che u banic ch'o'j iwuc' chupam ri kas iwulew quixel c'u na bic che u banic ch'o'j, chebiwok'isaj ri trompet chebirakakej tak i chi'. Jeri' ri in ri Ajawaxel ri i Dios, quixnataj na chwe quixinto'tajisaj c'u na pa qui k'ab ri e i c'ulel.

Ajilanic 22:32

are c'u ri u tako'n ri Ajawaxel xubij che: “¿Jasche xach'ay oxmul ri ati't a bur? In ri in petinak che u tz'apixic ri be rumal rech chi ri a binem cuyac woyowal.

Apocalipsis 16:19

Xuban oxib ch'akatak ri nimalaj tinimit. Xetzak ri qui tinimit tak ri amak'. Ri nimalaj Babilon xnataj che ri Dios. Xuya' c'u re ri kumubal u wa'l uva, are ri c'äjisabal u wäch ri xtak ulok rumal ri Dios pa ri royowal.

Apocalipsis 18:5

Ri e u mac e opaninak c'ä cho ri caj. Ri retzelal xnataj che ri Dios.

Nabe Samuel 1:19

Chucab k'ij ak'ab xewalijic, aretak quik'ijilam chic ri Ajawaxel, xetzelej cho cachoch pa Rama. Xurik chi c'u rib ri Elcan ruc' ri Na' ri rixokil, ri Ajawaxel xnataj ri Na' che.