Chapletajic 7:7 - Quiché Bible

⁷ Ri Noe rachil ri rixokil, ri e u c'ojol xukuje' ri quixokil, xeboc pa ri jucub chuto'ic quib chuwäch ri k'ekal jäb.

Chapletajic 7:7 ပူးပေါင်းရင်းမြစ်များ

Chapletajic 6:18

Awuc' c'u at quinjekeba' wi ri nu c'ulwächinic, queboc na ri e a c'ojol pa ri jucub, ri awixokil, ri e awalib xukuje' ri at.

Chapletajic 7:1

Chwi' chi c'ut ri Ajawaxel xubij che ri Noe: “Chquixo'l conojel ri winak re we k'ijol ri', xuwi ri at a banom ri nu rayibal. Rumal ri' chatoc chupam ri jucub quebawachilaj ri e awachalal.

E C'ambal tak Tzij 22:3

Ri utz cachomanic cäril ri sayowem quel c'u chuwäch; ri man utz ta cächomanic catakenic cucoch' c'u ri c'ax.

Ri Matey 24:38

Je jas pa tak ri k'ij ri', c'ä majok ri nimalaj k'ekal jäb, ri winak cätajin quewa'ic, cätajin quebuq'uianic, cätajin quec'uli'c, cätajin quequic'ulba' ri calc'ual, c'ä pa ri k'ij aretak ri Noe xoc pa ri nim jucub.

Ri Lucax 17:27

Ri winak quewa'ic, quebuq'uianic, quec'uli'c, quequiya' ri calc'ual che c'ulanem, c'ä pa ri k'ij aretak xoc ri Noe pa ri jucub. Xpe c'u ri nimalaj k'ekal jäb, xusach qui wäch conojel.

Hebreos 11:7

Rumal ri cojonic, ri Noe aretak ri Dios xubij apan jastak che ri c'ä majok quebilitajic, xniman che ri Dios, xuban c'u ri jucub che qui colic ri e aj uwo rachoch. Rumal ri cojonic, xuk'alajisaj chi c'o qui mac ri winak ri e c'o cho ri uwächulew, xrechbej c'u ri suq'uil ri cäpe rumal ri cojonic.

Hebreos 6:18

Ri Dios xuya' ri u tzij xukuje' ri jicalaj tzij ri man e q'uexel taj, ri Dios man cäcuin taj cuban tzij, rumal ri' sibalaj co cucu'bisaj ka c'u'x ri uj ri cäkatzucuj ri to'bal kib xukuje' ka chapom ri eyebal ka c'u'x ri yo'm chke.

1 Pedro 3:20

E are wa' e uxinak man e nimanelab taj pa ri e ojer tak k'ijol, pa tak ri e u k'ij ri Noe, aretak ri Dios xeye'm ruc' coch'onic joropa' k'ij xbeytaj u banic ri jucub, ri Dios xebuto'tajisaj jujun winak puwi' ri ja' e wajxakib c'ut chi conojel.

2 Pedro 2:5

Xukuje' man xusach ta qui mac ri winak ri e c'o cho ri uwächulew ojer, xane' xuwi xucol ri Noe, tzijol re ri suq'uil, e rachil e wukub winak chic, aretak xutak ulok ri nimalaj k'ekal jäb paquiwi' ri winak re ri uwächulew ri man xquiya' ta u k'ij ri Dios.