Chapletajic 6:9 - Quiché Bible

⁹ Are wa' ri u tzijobelil ri Noe. Ri Noe are' ri jun achi ri utz, ri amak'el nimaninak che ri Dios. Chquixo'l conojel ri winak pa tak ri k'ij ri' xuwi ri are' xniman che ri Dios.

Chapletajic 6:9 ပူးပေါင်းရင်းမြစ်များ

Chapletajic 10:1

E are wa' ri e qui ija'lil ri Sem, ri Cam, xukuje' ri Japet, ri e u c'ojol ri Noe, ri xebalaxic aretak oc'owinak chic ri k'ekal jäb.

Chapletajic 17:1

Aretak c'o chi jumuch' ruc' belejlajuj (99) u junab ri Abram, xuc'ut rib ri Ajawaxel chuwäch, xubij che: “In ri' ri Dios ri c'o ronojel u cuinem; chatbin pa jun suc'alaj c'aslemal chnuwäch.

Chapletajic 2:4

Are wa' ri u tzijobelil ri u banic ri caj xukuje' ri ulew. Aretak ri Ajawaxel Dios xuban ri caj ulew,

Chapletajic 48:15

Je c'u u tewichi'xic ri Jose wa' xubano: “Are' ri Dios ri xquinimaj ri Abraham, xukuje' ri Isaac ri e nu mam; ri Dios ri in chajininak ulok kas pa ri k'ij ri xinalaxic,

Chapletajic 5:1

E are wa' ri cajilabal ri e rija'lil ri Adan. Aretak ri Dios xebuban ri winak, xuwinakirisaj jas ri u ca'yebal ri Dios;

Chapletajic 5:22

Ri Enoc xniman che ri Dios pa ronojel ri u c'aslemal. Xc'asi' chi c'u na oxib sient (300) junab. Xebalax chi na niq'uiaj u c'ojol, xukuje' niq'uiaj u mia'l;

Chapletajic 5:24

Ri Enoc xak xsachic, xc'am bic rumal ri Dios rumal rech chi xniman che ri Dios pa ronojel ri u c'aslemal.

Chapletajic 6:10

Ri Noe xec'oji' oxib u c'ojol, e are wa': Sem, Cam, Japet.

Chapletajic 7:1

Chwi' chi c'ut ri Ajawaxel xubij che ri Noe: “Chquixo'l conojel ri winak re we k'ijol ri', xuwi ri at a banom ri nu rayibal. Rumal ri' chatoc chupam ri jucub quebawachilaj ri e awachalal.

Ucab Samuel 22:24

In bininak colom chuwäch; nu najtajisam wib che ri etzelal.

Nabe Ajawinelab 3:6

Ri Salomon xutzelej u bixic: “Ri lal xban la nimalaj utzil che ri nu tat ri David ri pataninel ech la, ri are' xbin chwäch la ruc' tz'akatil, ruc' suq'uilal xukuje' ruc' jun ch'ajch'ojalaj ranima' uc' la. Rumal ri' xban la nimalaj utzil che, xya' c'u la che chi jun u c'ojol cät'uyi puwi' ri u tem re ajawibal, jas ri c'ulmatajinak camic.

Ucab Tzijobelil 15:17

Pune' c'u man xebesax taj pa Israel ri k'ijilabal ri quek'ijilax wi ri diosib, ri As xcanaj jic amak'el,

Ucab Tzijobelil 25:2

Ri e u banoj tak ri Amasiy e suc' chuwäch ri Ajawaxel, man jic ta c'ut xbin amak'el.

Ri Job 1:1

Chupam ri rulewal ri Uz xc'oji' jun achi Job u bi', ri xruc'aj jun jicomalaj c'aslemal ri man c'o ta wi jubik' macaj, are c'u jun jicalaj pataninel rech ri Dios, sibalaj c'u cuchajij rib chi man c'o ta jun c'ax cuban ta che jun rajil u tz'akat.

Ri Job 1:8

Xubij c'ut ri Ajawaxel che: “¿La ma ta at oquinak il che ri Job ri pataninel wech? Man c'o ta jun chuwäch ri uwächulew jacha' ri are', ri sibalaj jic che nu patanixic, ri ruc'am jun c'aslemal ri sibalaj colom ri man c'o ta jubik' macaj pa ri u c'aslemal, sibalaj c'u cuchajij rib chi man c'o ta jun c'ax cuban ta che jachin jun.”

Ri Job 12:4

pune' c'u man c'o ta nu mac xukuje' man c'o ta jun c'okobal chwij, pa jun k'ijol c'ut canok ri Dios quebutatabej tak ri e nu bochi'nic, ri e wachil quetze'n chwe.

Salmib 37:37

Chaya' a wäch che ri winak ri tz'akatisanel pa ronojel. Ri man c'o ta macaj chrij: ri curik na we winak ri' are ri jamaril.

Salmib 37:39

Ri to'bal quib ri e utzalaj tak winak cäpe ruc' ri Ajawaxel, are c'u qui panibal pa ri c'axalaj tak k'ijol.

E C'ambal tak Tzij 4:18

Ri qui be ri suc'alaj tak winak junam ruc' ri u sakaribal jun c'ac' k'ij: ri cäbe u q'uiyic c'ä cäjuluw na pa ronojel ri u juluwem.

Ri Tzijonel 7:20

Man c'o ta c'u jun cho ri uwächulew ri sibalaj ta tz'akat ri cuban ta amak'el ri utz ri mawi ta jumul ma ta cämacunic.

Ri Ezequiel 14:14

We c'u jekel ri Noe, ri Danel xukuje' ri Job pa we ulew ri', xuwi ta ri e are' oxib queto'tajic rumal rech chi e suc'. In, ri Ajawaxel, quinjiquiba' u bixic.

Ri Ezequiel 14:20

we ta c'u jekel ri Noe chi', ri Danel xukuje' ri Job, man quecuin ta ri' che qui to'tajisaxic tak ri e qui c'ojol mawi tak ri e qui mia'l xuwi ta ri e are' ri' queto'tajic rumal rech chi e suc'. In, ri Ajawaxel quinban ri chi'nic ri kas cäban na rumal ri nu c'aslemal.

Ri Habacuc 2:4

Chatz'ibaj chi ri e banal tak etzelal e banal tak nimal, e are' c'u ri suc' quec'asi' na rumal ri qui cojonic.”

Ri Lucax 1:6

Ri Zacariy ruc' ri Elisabet e suc' chuwäch ri Dios. Cäquinimaj ronojel ri u takanic ri Ajawaxel. Cäquinimaj ronojel ri pixab. Man c'o ta etzelal xriktaj chquij.

Ri Lucax 2:25

C'o c'u jun achi pa Jerusalen, Simeon u bi'. We achi ri' suc', nimanel che ri Dios. Reyem c'ut ri u to'tajisaxic ri Israel. C'o c'ut ri Ruxlabal ri Dios ruc' ri Simeon.

Ri Lucax 23:50

C'o jun achi Jose u bi', aj Arimatey re Judey, are jun chque ri qui nimakil ri winak. Are utzalaj achi, suc'. Ri are' man utz taj xril wi ri qui chomanic xukuje' ri qui banom ri niq'uiaj winak che ri Jesus. Ri are' reyem ri rajawibal ri Dios.

Hechos 10:22

Ri e are' xquitzelej u bixic che: “Ri Cornel, are' ri qui nimal jun sient ajch'ojab. Are' suc'alaj achi ri cuna' rib chuwäch ri Dios, utz u tzijol cumal conojel ri aj judeyib. Are' xujtakow ulok. Xbix che rumal jun tako'n aj caj, chi catakan che siq'uixic la rech cabe la cho rachoch chutatabej c'ut ri cabij na la che.”

Romanos 1:17

Ri utzalaj tak tzij cuc'ut chkawäch chi ri Dios cuban suc' chke rumal ri cojonic, xak xuwi rumal ri cojonic. Jas ri cubij ri tz'ibatalic: “Ri suc'alaj winak cäc'asi na rumal ri cojonic.”

Gálatas 3:11

Quel c'u chi sak chi man c'o ta jun cäk'alajisaxic chi suc' chuwäch ri Dios rumal ri pixab. Tz'ibatal c'ut: “Ri suc'alaj winak cäc'asi' na rumal ri cojonic.”

U Camulixic ri Pixab 18:13

Ri ix rajawaxic suc' quixbin chuwäch ri Dios.

Hebreos 11:7

Rumal ri cojonic, ri Noe aretak ri Dios xubij apan jastak che ri c'ä majok quebilitajic, xniman che ri Dios, xuban c'u ri jucub che qui colic ri e aj uwo rachoch. Rumal ri cojonic, xuk'alajisaj chi c'o qui mac ri winak ri e c'o cho ri uwächulew, xrechbej c'u ri suq'uil ri cäpe rumal ri cojonic.

1 Pedro 2:5

Xukuje' ri ix, je ta ne ix c'aslic tak abaj. Ix yacom che jun ja aj uxlabal. Ix quixux tastalic tak cojol tabal tok'ob che qui ya'ic tabal tok'ob aj uxlabal cho ri Dios, ri quekaj chuwäch ri Dios rumal ri Jesucrist.

2 Pedro 2:5

Xukuje' man xusach ta qui mac ri winak ri e c'o cho ri uwächulew ojer, xane' xuwi xucol ri Noe, tzijol re ri suq'uil, e rachil e wukub winak chic, aretak xutak ulok ri nimalaj k'ekal jäb paquiwi' ri winak re ri uwächulew ri man xquiya' ta u k'ij ri Dios.