Chapletajic 50:23 - Quiché Bible

²³ xril c'u na qui wäch ri e xiquin e u mam ri Eprain. Xukuje' xril na qui c'amic jacha' e u tz'akatil ri achalaxic ri e ralc'ual ri Maquir ri ri' u mam u c'ojol c'ut ri Manases.

Chapletajic 50:23 ပူးပေါင်းရင်းမြစ်များ

Chapletajic 30:3

Are c'u ri are' xubij che: “Ampe', chac'ama' ri nu lok'om pataninel Bil chawuc'aj awib ruc'; aretak c'u chec'oji' ral, junam ri' ri kas in taj quec'oji' wal. Jeri' cuya' quec'oji' wal.”

Chapletajic 48:19

Ri u tat man xraj taj, xubij c'u che ri Jose: “¡Weta'm nu c'ojol, weta'm ri quinbano! Xukuje' ri are' cux na jun nim tinimit nim u k'ij. Are c'u ri Eprain ri u chak', are cänimar na u k'ij chuwäch. Ri e rija'lil cäquipok'osaj na nimak tak tinimit.”

Chapletajic 49:12

Ri e u bak'wäch e k'ek na chuwäch ri u wa'l uva, ri e u ware e sak na chuwäch ri leche.

Chapletajic 50:22

Ri Jose xukuje' ri e rachalaxic ri u tat, xquitakej jekelem pa Ejipt. Jun sient ruc' lajuj (110) junab xc'asi' ri Jose,

Nabe Tzijobelil 7:14

Ri e u c'ojol ri Manases ri xebalax ruc' ri u man kas ta rixokil aj siriy e are' wa' Asriel xukuje' ri Maquir, u tat ri Galaad.

Ri Job 42:16

Aretak c'ulmatajinak chi wa', ri Job xc'asi'c' chi na jun sient ruc' cawinak (140) junab, sibalaj c'u nim winak chic aretak xcämic, xeril na' ri e u c'ojol ri ri' tak u mam, ri e u xiquin tak u mam xukuje' ri calc'ual ri e xiquin tak u mam.

Salmib 128:6

¡Cawil na qui wäch ri e u wi' tak a mam! ¡Chc'ol jamaril pa Israel!

E C'ambal tak Tzij 17:6

Ri e qui corona ri nimak tak winak e are' ri e u wi' tak qui mam; ri cäquibanbej nimal ri alc'ualaxelab e are' ri qui tat qui nan.

Ajilanic 32:33

Jeri' chque ri amak' tak re Gad re Ruben, xukuje' ri pa niq'uiaj che ri ramak' ri Manases, ri Moises xebuya' chque ri ulew re Sehon, ajawinel aj amoreyib, xukuje' ri rech ri Og, ajawinel re Basan, xerachilaj ri tinimit tak ri e u tz'akatil xukuje' tak ri ulew ri e c'o chrij.

Ajilanic 32:39

Ri e rachalaxic ri Maquir (u c'ojol ri Manases) xquimajij ri ulew re Galaad xquiban c'u quech che, xequiq'uiak bic ri aj amoreyib ri e jekel chila'.

Ri Josue 17:1

Are' ulew wa' ri xutaklebej ri ramak' ri Manases, ri nabeal u c'ojol ri Jose. Che ri Maquir, achi ri ch'ojinel, are' wa' ri nabeal u c'ojol ri Manases u tat c'ut ri Galaad, xutaklebej ri ulew re Galaad xukuje' ri rech ri Basan pa ri elebal k'ij che ri Jordan.