Chapletajic 5:29 - Quiché Bible

²⁹ ri xucoj Noe che u bi', xubij c'ut: “Ri Ajawaxel xuc'okoj ri ulew, sibalaj c'u c'ax cäkarik che u josk'ixic; cujuto' c'u na we ac'al ri' rech cujuxlanic.”

Chapletajic 5:29 ပူးပေါင်းရင်းမြစ်များ

Chapletajic 5:28

Jun sient jumuch' quieb (182) u junab ri Lamec aretak xalax jun u c'ojol,

Chapletajic 5:30

Chwi' ri ralc'ualaxic ri Noe, xc'asi' chi na job sient ruc' jumuch' olajuj (595) junab ri Lamec. Xebalax chi na niq'uiaj u c'ojol, xukuje' niq'uiaj u mia'l;

Chapletajic 7:23

Xuwi ri Noe xukuje' ri xeboc ruc' pa ri jucub, xec'asi' canok; ri niq'uiaj chic xsach qui wäch: ri winak, ri awaj ri e aj uwo ja, ri chicop ri c'o qui xic' xukuje' ri awaj ri cäquijururej quib puwi' ri ulew;

Chapletajic 9:24

Aretak xoc'ow ri u k'abaric, ri Noe xretamaj c'ut ri xban che rumal ri Cam ri ch'i'p u c'ojol,

Ri Isaiy 54:9

Je jacha' ri chi'nic ri kas cäban na ri xinbij che ri Noe, aretak xuban can ri k'ekal jäb, chi man quinnojisaj ta chi ri uwächulew ruc' ja', je c'u ri' quinban na ri chi'nic ri kas cäban na chawe, chi man cäpe ta chi na woyowal chawe mawi quincoj chic a xib.

Ri Ezequiel 14:14

We c'u jekel ri Noe, ri Danel xukuje' ri Job pa we ulew ri', xuwi ta ri e are' oxib queto'tajic rumal rech chi e suc'. In, ri Ajawaxel, quinjiquiba' u bixic.

Ri Ezequiel 14:20

we ta c'u jekel ri Noe chi', ri Danel xukuje' ri Job, man quecuin ta ri' che qui to'tajisaxic tak ri e qui c'ojol mawi tak ri e qui mia'l xuwi ta ri e are' ri' queto'tajic rumal rech chi e suc'. In, ri Ajawaxel quinban ri chi'nic ri kas cäban na rumal ri nu c'aslemal.

Ri Matey 24:37

Je jas pa tak ri u k'ijol ri Noe, jeri' ri u petic ri Rija'l winak.

Ri Lucax 3:36

ri u tat ri Sala are' ri Cainan, ri u tat ri Cainan are' ri Arpaxad, ri u tat ri Arpaxad are' ri Sem, ri u tat ri Sem are' ri Noe, ri u tat ri Noe are' ri Lamec,

Romanos 8:20

Conojel ri e banom rumal ri Dios xebux man c'o ta qui patan. Man xak ta c'u pa quech wi xquic'ulmaj wa', xane' je xraj ri Dios chque, rech cäqueyej jun k'ij

Hebreos 11:7

Rumal ri cojonic, ri Noe aretak ri Dios xubij apan jastak che ri c'ä majok quebilitajic, xniman che ri Dios, xuban c'u ri jucub che qui colic ri e aj uwo rachoch. Rumal ri cojonic, xuk'alajisaj chi c'o qui mac ri winak ri e c'o cho ri uwächulew, xrechbej c'u ri suq'uil ri cäpe rumal ri cojonic.

1 Pedro 3:20

E are wa' e uxinak man e nimanelab taj pa ri e ojer tak k'ijol, pa tak ri e u k'ij ri Noe, aretak ri Dios xeye'm ruc' coch'onic joropa' k'ij xbeytaj u banic ri jucub, ri Dios xebuto'tajisaj jujun winak puwi' ri ja' e wajxakib c'ut chi conojel.

2 Pedro 2:5

Xukuje' man xusach ta qui mac ri winak ri e c'o cho ri uwächulew ojer, xane' xuwi xucol ri Noe, tzijol re ri suq'uil, e rachil e wukub winak chic, aretak xutak ulok ri nimalaj k'ekal jäb paquiwi' ri winak re ri uwächulew ri man xquiya' ta u k'ij ri Dios.