Chapletajic 49:10 - Quiché Bible

¹⁰ Man c'o ta jun quesan ri cuinem pa u k'ab ri Juda mawi ri ch'ämiy ri c'o pa u k'ab c'ä cäpe na ri ajchak'e ri ch'ämiy, ri cänimax na cumal conojel tak ri tinimit.

Chapletajic 49:10 ပူးပေါင်းရင်းမြစ်များ

Ucab Samuel 7:13

Are' cäyacow na jun wachoch, quinjekeba' c'u na ri rajawinic chbe k'ij sak.

Ucab Samuel 7:16

Ri awija'lil xukuje' ri awajawinic quecanaj jic chuxe' ri nu to'banic, xukuje' ri a tem re ajawibal cäjekebax can chbe k'ij sak.’ ”

Nabe Tzijobelil 12:24

Che ri ramak' ri Juda, wakib mil wajxakib sient (6,800) achijab ri e cuc'am tak quetecak ch'ich' xukuje' tak tz'imaj ch'ich', e wiktal che u banic ch'o'j.

Nabe Tzijobelil 12:39

Oxib k'ij xec'oji' ruc' ri David, xewa'ic xebuq'uianic, rumal rech chi ri e qui winakil xequisuc'umaj tak ri wa ri catijic.

Salmib 108:8

Ri Galaad xukuje' ri Manases e wech; ri Eprain are to'bal nu jolom; ri Juda are nu ch'ämiy re takanic;

Salmib 60:7

Ri Galaad xukuje' ri Manases e wech; ri Eprain are to'bal nu jolom; ri Juda are nu ch'ämiy re takanic;

Salmib 60:9

Nu Dios, ¿Jachin ta quinc'amow bic pa ri tinimit ri c'o nimalaj tapia chrij? ¿Jachin ta quinc'amow bic c'ä pa Edom?

Salmib 78:68

are' c'u xucha' ri ramak' ri Juda xukuje' ri Sion ri u juyub ri lok' chuwäch.

Ri Isaiy 11:10

Pa ri k'ij ri' ri u tux we rab ri' ri are' ri Isayi, cäwalij na jacha' jun etal chque ri tinimit; ri nimak tak tinimit quepe na che u tzucuxic, ri c'olbal c'ut ri cac'oji' wi cux na juluwem.

Ri Isaiy 2:2

Pa ri q'uisbal tak k'ij junab, cäjiquibax na u bixic ri juyub ri cariktaj wi ri rachoch ri Ajawaxel. Are juyub wa' ri sibalaj naj quel na chicaj, ri sibalaj naj elinak chicaj chuwäch apachique jun juyub chic. Ronojel c'u qui wäch nimak tak tinimit quebopan na chila',

Ri Isaiy 33:22

Ri colob ri taninem quech ri che' ri c'o pa qui niq'uiajil ri jucub quet'okpinic, man culic' ta rib ri atz'iak ri cäc'amow qui be. Quekatokij na q'ui tak k'inomal chque ri c'ulel, xukuje' ne ri moy curik na re ri jastak, ri man tz'akat ta cakan qui k'ab cäquitokij na que. Are' c'ut ri Ajawaxel are ka k'atal tzij, are cujpixbenic, xukuje' are' kajawinel, are' cujcolow na.

Ri Isaiy 42:1

“Waral c'o wi ri nu pataninel, ri quinya' ri nu to'banic che ri nu cha'om, ri quinquicot ruc'. Nu yo'm ri wuxlabal pa ranima' rech cuc'am ulok ri suq'uil chque conojel ri nimak tak tinimit.

Ri Isaiy 55:3

Chixpet wuc', chitatabej ri quinbij, chitampe' ri quinbij, quixc'asi' c'u na. In quinban na iwuc' jun junalic c'ulwächinic, jewa' ri qui tz'akatisaxic tak ri chi'nic ri xinban rumal ri u lok'al ri David.

Ri Isaiy 60:1

Chatwalijok, Jerusalen, at pistal pa juluwem, opaninak c'u ri a chaj, ri u juluwem ri Ajawaxel cätunun pawi'.

Ri Isaiy 62:11

Ri Ajawaxel cuya' u bixic wa' c'ä chuq'uisbalil ri uwächulew: “Chibij che ri tinimit Sion chi ulinak ri u colonel. Ri Ajawaxel cuc'am ulok ri u tinimit aretak torotajinak chi rumal.”

Ri Isaiy 9:6

Rumal rech chi alam jun ac'al chke, ri Dios u yo'm jun c'ojolaxel chke, ri yo'm ronojel cuinem pa u k'ab che u k'atic tzij, are c'u tak u bi' wa' cäbix na: Mayibal pa tak ri cubano, Dios ri man ch'äcatajel taj, junalic tataxel, u c'ojol ajawinel ya'l jamaril.

Ri Jeremiy 30:21

Chquixo'l c'ut ri e are' quel wi na ri c'amal qui be: jun k'atal tzij quel na kas chquixo'l are'. Quinban na chi canakajin wuc', ¿jachin ta c'ut ri cuchajij ta anima' canakajin ta wuc'? Ri e are' quebux na nu tinimit are c'u ri in quinux na qui Dios. In, ri Ajawaxel, quinjiquiba' u bixic.”

Ri Jeremiy 33:26

mawi jubik' chinwetzelaj ta na qui wäch ri e rija'lil ri Jacob xukuje' ri e rech ri David ri pataninel wech, mawi quinya' ta c'olbal chi quebesax ta chquixo'l ri quetakan paquiwi' ri e rija'lil ri Abraham, ri Isaac xukuje' ri Jacob. Rumal rech chi ri in quel na nu c'u'x chque quinban c'u na chi caq'uextaj ri caquitaklebej.”

Ri Ezequiel 19:11

Ri e u k'ab sibalaj xecowiric xebux c'u qui ch'imiy tak ri ajawinelab, sibalaj c'u xq'uiyic xeburika' c'u ne na tak ri sutz'. Man c'o ta chi c'u jun ri sibalaj ta xya' ta na u k'ij rumal rech chi sibalaj nim xel chicaj xukuje' cumal ri jewejak tak u k'ab.

Ri Ezequiel 19:14

Chque tak ri u k'ab quel ulok jun k'ak' ri quebumatz'irisaj tak ri u tux xukuje' tak ri u wächinic. Man e c'o ta chi cowilaj tak u k'ab ri quebux ta qui ch'imiy tak ri ajawinelab.’ ” (Jun bix wa' re mukunajic, chcoj c'ut jacha' jun bix re mukunajic.)

Ri Ezequiel 21:27

Ronojel quinq'uex na pa etzeletajic, etzeletajic puwi' etzeletajic. C'ä chi' c'ut cac'ulmataj wa' aretak cäpe ri', ri cojom wumal, ri pa u k'ab c'o wi ri u banic suq'uilal.”

Ri Ezequiel 21:32

Catporox na, catyojix na; ri a quiq'uel cäbin na pa ronojel ri ulew man c'o ta chi c'u jun catnatanic. In, ri Ajawaxel, nu bim.”

Ri Daniel 9:25

Rajawaxic cawetamaj xukuje' cach'ob wa': Kas pa ri jok'otaj ri cäya' takanic che u banic xukuje' ri u yaquic chi jumul ri Jerusalen, c'ä pa ri ropanic ri Ajawinel ri u cha'om queboc'ow na wukub (7) wukutak k'ij e are c'u ri be xo'l tak ri ja pa ri tinimit xukuje' tak ri e u tapia ri e c'o chquij ri e yacom chi jumul pa Jerusalen quebeytaj na oxc'al quieb (62) wukutak k'ij, sibalaj c'u e re rikoj tak c'ax we k'ijol ri'.

Ri Osey 11:12

“Ri Eprain u sutim wij ruc' banoj tak tzij; u sutim wij ruc' tak subunic ri tinimit Israel. Ri Juda u tasom rib in u yo'm canok are c'u jic che qui ternexic ri diosib.”

Ri Miquey 5:1

“Are c'u ri camic, Jerusalen chasuc'umaj ri u to'ic awib, at c'u sutital chic c'axalaj u c'äjisaxic u wäch ri c'amal u be ri Israel quebanok.

Ri Hajey 2:7

Quenbana' na chi quebeyicop conojel ri nimak tak tinimit quequic'am c'u na ulok tak ri qui k'inomal, canoj c'u na ri wachoch che juluwem.” Ri Ajawaxel ri c'o ronojel u cuinem cäjiquiban u bixic:

Ri Zacariy 10:11

Quek'ax na pa ri plo ri c'o pa Ejipt, quebensoc na ri e u wäch ri ja. Quintzajisaj na ri Nil c'ä chuxe', quinsachisaj na u wäch ri nimal ri cac'amow ri Asir quinq'uis c'u na tzij puwi' ri u cuinem ri Ejipt.

Ri Zacariy 2:11

Aretak chec'ulmataj wa', e q'ui tak ri nimak tak tinimit ri caquijunaj na quib ruc' ri Ajawaxel. Ri are' cubij na: “Xukuje' we nimak tak tinimit ri' quebux na nu tinimit. Quinjeki' c'u na ri in chixo'l ix.” Je c'u ri' ri ix quich'ob na ix chi are' ri Ajawaxel ri c'o ronojel u cuinem are' in takowinak ulok.

Ajilanic 21:18

¡Ri e c'amal tak be xquicoj ri qui che' re takanic che u c'otic, ri nimak qui k'ij pa ri tinimit xquicoj ri qui ch'amiy che u c'otic!” Xebel bic chupam ri chaki'j uwo sak xetaken ri aj israelib c'ä pa Matana;

Ajilanic 24:17

Quinwil apan ri petinak, c'o ri quinwil apanok ri c'o chinaj: jun ch'imil ri quebel che ri Jacob, jun ajawinel ri cäwalij pa Israel. Cuxak'alej na ri u jolom ri Moab, quebuxak'alej na ri e rija'lil ri Set.

Ajilanic 24:19

Jun ch'äcanel quel na ulok che ri Jacob cusachisaj c'u na qui wäch ri quecanoj canok chupam ri tinimit.”

Ri Matey 1:21

Ri Mariy cäc'oji' na jun ral ala. Jesus ri u bi' cacoj na. Jewa' ri u bi' rumal rech chi are cacolow na ri u tinimit ri c'o chupam ri qui mac.”

Ri Matey 17:5

C'ä cätajin cätzijon ri Lu', xpe c'u jun sutz' ri cäjuluwic, xebuch'uku. Xtataj c'u jun ch'abal pa ri sutz' ri xubij: “Are lok'alaj nu C'ojol wa', ri cäkaj chnuwäch. Chitatabej ba ri u tzij.”

Ri Matey 21:9

Ri winak ri e benak chuwäch xukuje' ri e benak chrij xquirak qui chi', xquibij: “¡Nim u k'ij ri Rija'l ri David! ¡Tewichi'm ri petinak pa ri u bi' ri Ajawaxel! ¡Nim u k'ij chila' chicaj!”

Ri Matey 25:32

Quemulix c'u na conojel ri nimak tak tinimit chuwäch. Quebutas na ri niq'uiaj chquixo'l ri jule' chic, je jas ri ajyuk' quebutas ri chij chquixo'l ri q'uisic'.

Ri Xuan 12:32

In, aretak quinwalijisax bic cho ri uwächulew, conojel quebenjic' na ulok wuc'.”

Ri Xuan 18:31

Xubij c'u ri Pilat chque: “Chic'ama' bic ix, chik'ata' tzij puwi' jas ri cubij ri i pixab.” Are c'u ri aj judeyib xquibij che: “Awas chke uj we cäkacämisaj jachin jun.”

Ri Xuan 19:12

Kas chi' c'ut, ri Pilat cutzucuj u tzokopixic. Ri aj judeyib xquirak qui chi', xquibij: “We catzokopij la we achi ri', man junam ta wäch la ruc' ri ajawinel Sesar. ¡Conojel ri cäquiban quib chi e ajawinelab, e are ri' caquiban qui c'ulel che ri Sesar!”

Ri Xuan 19:15

Ri e are' xquirak qui chi': “¡Chc'ama' la bic! ¡Chc'ama' la bic! ¡Chripa' la cho jun ripibal!” Ri Pilat xubij chque: “¿La quinrip ta c'ut ri iwajawinel?” Ri e qui nimakil ri e cojol tabal tok'ob xquibij che: “Man c'o ta kajawinel, xuwi' ri Sesar.”

Ri Xuan 9:7

Xubij che: “Jät, chach'aja' awib pa ri atinibal Siloe” (ri quel cubij: “Takom”). Xel c'u bic, xuch'aja' rib. Xpetic, cäca'y chic.

Romanos 15:12

Xukuje' cubij ri Isaiy: “Cäq'uiy na jun u tux ri u xe'al ri Isayi. Cäwalij na che takanic paquiwi' ri nimak tak tinimit. Ri nimak tak tinimit cäcu'bi na qui c'u'x chrij.”

2 Corintios 5:10

Rajawaxic c'ut chi konojel cäkatac'aba' na kib chuwäch ri u k'atbal tzij ri Crist, rech chkajujunal cäkac'am na ri tojbal re ri ka banom aretak c'ä uj c'o pa ri ka cuerp, we utz, we man utz taj.

U Camulixic ri Pixab 28:57

rech man cuya' ta ch'akatak quech ri ral ri queralaj, xukuje' ri rawas ri ac'al ri ruc'am ulok; ronojel wa' xak chc'uyal cutijo man c'o ta chi jas quetijok joropa' k'ij quebeytaj ri e qui ch'äquic ri e a tinimit rumal ri u banom u c'ulel chawe.

Hebreos 7:14

K'alaj c'ut chi ri Kajaw, ri ramak' ojer are ri Juda. Man c'o ta c'u jas xubij ri Moises chque ri e ramak' ri Juda chi queboc che cojol tabal tok'ob.

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”