Chapletajic 47:9 - Quiché Bible

⁹ Ri Jacob xubij che ri ajawinel: “E c'o chi jun sient ruc' juwinak lajuj (130) junab ri xak xebenjalala' nu c'olbal. Man e q'ui ta wa', c'ax c'u nu rikom pa tak we junab ri', maja' c'u naj quinc'asi'c jacha' ri junab ri xec'asi' ri e nu mam.”

Chapletajic 47:9 ပူးပေါင်းရင်းမြစ်များ

Chapletajic 11:11

Xc'asi' chi na job sient (500) junab ri Sem. Xebalax chi na niq'uiaj u c'ojol, xukuje' niq'uiaj u mia'l.

Chapletajic 35:28

Jun sient ruc' jumuch' (180) u junab ri Isaac aretak xcämic.

Chapletajic 47:28

Ri Jacob xc'asi' chi na wuklajuj (17) junab pa Ejipt. Xtz'akat c'u na jun sient ruc' cawinak wukub (147) u junab.

Chapletajic 47:8

ri ajawinel xuc'ot u chi' ri Jacob, xubij che: “¿Joropa' chic ri a junab?”

Chapletajic 5:27

belejeb sient ruc' oxc'al belejeb (969) junab xc'asi' ri Matusalen. Je u junab wa' xcämic.

Chapletajic 50:26

Jun sient ruc' lajuj (110) u junab ri Jose aretak xcäm pa Ejipt; xcoj c'oc'alaj tak cunabal chrij, xya' c'u chupam jun caxa re cäminak.

Nabe Tzijobelil 29:15

Are c'u ri uj chwäch la xa' uj jacha' oc'owenelab ri xak quebe o c'owic jas ri xquiban ri e ka mam, xukuje' c'ut ri ka c'aslemal chuwäch ri uwächulew xak junam ruc' jun mumu'j, ri man c'o ta wi jun eyebal c'uxaj.

Ri Job 14:1

“Ri achi, ri alam rumal ixok, man naj ta cac'asi'c e nojinak c'u che ch'ujirisabal.

Salmib 119:19

Ri in man etamatal ta nu wäch cho ri uwächulew mec'u' ba' la ri e takomal la chnuwäch.

Salmib 119:54

Ri pixab la e are uxinak tak nu bix chupam we ulew ri' ri wokxanim wi wib.

Salmib 39:12

Ajawaxel, tatabej la ri nu ch'awem ri quiban chwäch la, ¡chetatabej la ri e nu juyuwem!, ¡xak mail la ri u wa'l nu wäch! Ri in in uxinak che la xa in oc'owel jun chicop ri c'o u xic', e jacha' ri e nu mam.

Salmib 39:13

Tanaba' la nu ca'yexic, ya' la jok'otaj chwe re uxlabic, c'ä majok chinbec quintanaba' c'u c'aslemal.”

Salmib 39:5

Yo'm la jun c'aslemal chwe ri xa re quieb oxib k'ij; man nim ta ri nu c'aslemal chwäch la. ¡Ronojel winak xa jun uxlabic cabeytajic!”

Elem 6:4

Xinban xukuje' jun c'ulwächinic cuc', xinya' c'u nu tzij chi quinya' ri ulew re Canaan chque, ri ulew ri xcokxanij wi na quib quieb oxib junab.

Elem 7:7

Ri Moises jumuch' (80) ri u junab, are c'u ri Aaron jumuch' ruc' oxib (83) ri u junab aretak xech'aw ruc' ri ajawinel.

2 Corintios 5:6

Je c'u ri' ka jiquibam ka c'u'x amak'el. Keta'm c'ut chi aretak c'ä uj c'o pa ri cuerp, man uj c'o taj ruc' ri Ajawaxel.

U Camulixic ri Pixab 34:7

Jun sient ruc' juwinak (120) u junab ri Moises aretak xcämic. Man xemoyir ta c'ut ri e u bak'wäch xukuje' man c'o ta yabil che aretak xcämic.

Hebreos 13:14

Man c'o ta c'u ka tinimit waral ri cojc'oji' ta wi na amak'el, xane' are sibalaj cäkatzucuj ri cäpe na.

Santiago 4:14

Man iweta'm ta c'u ri chwek, jas quel wi na ri i c'aslemal. Kastzij ri i c'aslemal je jas ri mayul, ri xa' jubik' cuc'ut rib, c'äte ri' man quilitaj ta chic.

Ri Josue 24:29

Man c'u chunaj ta chic xcäm ri Josue ri u c'ojol ri Nun, pataninel rech ri Ajawaxel, aretak c'o chic jun sient lajuj u junab.

1 Pedro 2:11

Lok'alaj tak wachalal, chixux je jas winak ri xak queboc'owic, ri e c'o pa jun tinimit man quech taj. Miban ri u rayibal ri i ti'jal, ri cäch'ojin chrij ri iwanima'.