Chapletajic 47:23 - Quiché Bible

²³ Ri Jose xubij chque conojel ri winak: “Ri ix xixlok'otaj wumal xukuje' ri iwulew, ix rech chic ri ajawinel. Chic'ama' bic ri ija', chitica' u wäch ri ulew,

Chapletajic 47:23 ပူးပေါင်းရင်းမြစ်များ

Chapletajic 41:27

Ri wukub c'alc'a'x ati'tab tak wacax ri c'ax quepetic ri xebel ulok chquij ri niq'uiaj, xukuje' e wukub junab, junam xukuje' ri e wukub u jolom trico ri e matz' ri e c'atinak rumal ri quiakik' re ri elebal k'ij. Wa' e wukub junab wi'jal.

Chapletajic 45:6

Quieb junab chic u banom wi'jal pa ri ulew. C'ä c'o c'u na job junab ri man c'o ta wächinic cuya' ri ulew pune' cäban ticonijic.

Chapletajic 47:22

Xuwi c'u ri culew ri e cojol tabal tak tok'ob, man xebulok' taj ri Jose, xya' qui trico rumal ri ajawinel; rumal ri' man xquic'ayij taj ri culew, are xquitzukbej quib ri cuya' ri ajawinel chque.

Chapletajic 47:24

che ri jo' tak arob trico ri quiyaco rajawaxic quiya' jun arob che ri ajawinel; are c'u ri quiejeb arob chic quicoj che ija' xukuje' che tzukbal iwib, xukuje' che tzukbal que ri iwalc'ual pa tak ri iwachoch,” xcha' ri Jose chque ri winak.

Salmib 112:5

ri winak ri utz c'olic man cuban ta quieb u c'u'x cuya' kajomal, suc'um ri u takanic paquiwi' ri jastak rech.

Salmib 41:1

Utz rech ri cächoman chrij ri tukar xukuje' ri meba'; cäto' c'u na rumal ri Ajawaxel pa tak u k'ijol ri c'ax.

E C'ambal tak Tzij 11:26

Ri cuc'ol ri trico cäc'okox cumal ri winak; ri cuya' pa c'ayixic, cätewichi'x cumal.

E C'ambal tak Tzij 12:11

Ri cuchacuj ri rulew tz'ebem ri cutijo; ri con quebuban jastak ri man c'o ta quechbex chque.

E C'ambal tak Tzij 13:23

Pa ri rulew ri meba' tz'ebem ri cätijic, sibalaj c'u q'ui ri cäsach u wäch jawije' ri man c'o ta wi suq'uilal.

Ri Tzijonel 11:6

Chajopij ri awija' ak'abil, xukuje' chajopij benak k'ij, mawi c'u jubik' etamatalic jas ri utz quel na, we are ri nabe o are' ri ucab.

Ri Isaiy 55:10

Jacha' ri jäb xukuje' ri sak tew cäkaj ulok chicaj, man quetzelej ta chi c'u jumul chicaj xane' cäquich'akba' ri ulew, cäquibano chi cäwächinic, cuq'uiyisaj c'u ri ija' rech cätiquic, xukuje' ri wa ri cätijic,

Ri Matey 24:45

“¿Jachin c'u ri jicalaj pataninel, utz u chomanic, ri xcoj rumal ri rajaw paquiwi' ri aj uwo rachoch che u ya'ic ri tzukbal quech pa ri qui k'ijol?

2 Corintios 9:10

Ri Dios, ri cuya' ri ija' ri cätiquic xukuje' ri tzukbal ib, cuya' na chiwe ronojel ri cajwatajic che ri i tico'n, cuban c'u na chi caq'uiy ri i tico'n, cuban c'u na chi rumal ri man i q'ueq'uetem taj sibalaj cuya' jun nim wächinic.