Chapletajic 47:19 - Quiché Bible

¹⁹ Chujlok'o' la ri uj xukuje' ri kulew, che u q'uexwäch trico. Cujoc c'u che u lok'om pataninel ri ajawinel quekachacuj ri kulew, cakapatanij ri ajawinel. Chya' la ija' che u tiquic u wäch ri ulew rech man cujcäm taj, metzeletaj ri ulew. ¿Jas ta c'u che xak cäca'y la chke cäsach ka wäch junam ruc' ri kulew?”

Chapletajic 47:19 ပူးပေါင်းရင်းမြစ်များ

Chapletajic 41:36

We trico ri' ri cäc'olic, cajwataj na che tzukbal que ri winak, rech man quecäm ta che wi'jal pa ri wukub junab q'uetetem ri cäpe na puwi' ri Ejipt.”

Chapletajic 47:15

Aretak xq'uis ronojel ri puak pa Ejipt xukuje' pa Canaan, conojel ri aj ejiptib xebopan ruc' ri Jose, xquibij che: “¡Ya' la ri cakatijo man suc' taj chi xak cäca'y la cujcäm che numic, xa rumal rech chi man c'o ta chic ka rajil!”

Chapletajic 47:18

Chucab c'u junab xebopan chi jumul ruc' ri Jose, xequibij che: “Tat, man cuya' taj cäkac'u' chwäch la, chi xq'uis ronojel ri ka rajil, conojel c'u ri kawaj e ech chi la. Man c'o ta chi jas cäkaya' che la, xuwi chic ri kulew xukuje' ri uj.

Chapletajic 47:20

Ri Jose xulok' ronojel ri ulew pa Ejipt. Conojel ri aj ejiptib xquic'ayij ri culew u mac rech ri nimalaj wi'jal. Xk'ax ri culew pa u k'ab ri ajawinel.

Ri Job 2:4

Ri tzujunel xutzelej u bixic che ri Ajawaxel Dios: “We man canak ta jubik' che ri kas u tz'umal, ronojel utz quelic. Ri achi cuya' u tzij chi casach u wäch ronojel rumal u to'tajisaxic ri u c'aslemal.

Juyuwem 1:11

Conojel tak ri e winak la quebok'ic, caquitzucuj tak qui wa cuq'uia'; xequiya' tak ri qui k'inomal che u q'uexwäch wa ja' rech cac'astaj qui wäch. ¡Ajawaxel, chila la, ri c'ax ri in c'o wi! ¡Choc la il che ri quiäkasakil ri nu rikom!

Juyuwem 5:6

Rech cätz'akat ri cäkatijo cäkalic ri ka k'ab chque ri aj ejiptib xukuje' chque ri aj siriyab.

Juyuwem 5:9

Che u rikic ri ka wa xak quieb tzij cubij pakawi' qui mac quech ri e banal tak ch'o'j ri e c'o chupam ri chaki'j uwo sak.

Ri Matey 16:26

¿Jas ta c'u lo cärechbej na jun winak, we cuch'äc ronojel ri uwächulew, cutzak c'u ri ranima'? ¿Jas ta lo cuya' na ri winak che u q'uexwäch ri ranima'?