Chapletajic 46:4 - Quiché Bible

⁴ Ri in quinbe na awuc' pa Ejipt, kas c'u in quebenwesaj na ulok ri e awija'lil chila'. Aretak c'u catcämic cäc'oji' na ri Jose chaxcut.”

Chapletajic 46:4 ပူးပေါင်းရင်းမြစ်များ

Chapletajic 28:15

In c'o awuc'; catinchajij na apawije' ta ne ri catbe wi, kas c'u catintzelej na ulok pa we ulew ri'. Man catinwonoba' ta canok we ta ma ta quinban na awuc' jas ri nu bim chawe.”

Chapletajic 48:21

Xubij c'u che ri Jose: “Chawilampe', ri in xa pa quieb oxib k'ij quincämic, are' c'u ri Dios c'o iwuc' amak'el, cuban c'u na chiwe chi quixutzelej na pa ri culew ri e i mam.

Chapletajic 50:1

Are c'u ri Jose xulak'apuj ri u cuerp ri u tat, xutz'umaj, xukuje' xrok'ej u wäch.

Chapletajic 50:13

xquic'am bic pa Canaan, xquimuk pa ri mukubal ri c'o pa ri ulew re Macpel ri u lok'om can ri Abraham che ri Epron ri aj hitit che qui mukubal ri rachalaxic. We ulew ri' xukuje' ri mukubal, c'o chunakaj ri Mamre.

Chapletajic 50:5

chi aretak cämic cuban ri nu tat, xubij chwe chi quinban ri chi'nic ri kas cäban na chuwäch, chi quinmuk na chupam ri u mukubal ri u suc'umam canok c'o c'u pa ri ulew Canaan. Je c'u ri' quintz'onoj jun tok'ob che, chi cuya' quieb oxib k'ij chwe che u mukic ri nu tat, xuwi c'u cämuktaj canok, quintzelej ulok.”

Elem 3:17

Xukuje' xubij chwe chi quixresaj bic pa ri rikoj tak c'ax ri ix c'o wi pa Ejipt, quixuc'am bic pa ri culew ri aj cananeyib, ri aj hititib, ri aj amoreyib ri aj perezeyib, ri aj hebeyib, ri aj jebuseyib, ulew wa' ri cabelel wi leche xukuje' ri juyubal räx cab jacha' ri ja'.’

Elem 3:8

Rumal ri' in kajinak ulok che quesaxic pa qui k'ab ri aj ejiptib; quebenwesaj ulok pa Ejipt quebenc'am bic pa jun nimalaj ulew ri utz, jawije' ri cabelel wi leche xukuje' u juyubal räx cab jacha' ri ja'. Are wa' ri ulew ri e c'o wi ri aj cananeyib, ri aj hititib, ri aj amoreyib, ri aj perezeyib, ri aj hebeyib, xukuje' ri aj jebuseyib.