Chapletajic 46:3 - Quiché Bible

³ Ri Dios xubij che ri Jacob: “In ri' ri Dios, ri u Dios ri a tat. Maxe'j awib che ri a benic pa Ejipt, quinban c'u na chi ri e awija'lil quebux na jun nim tinimit ri nim u k'ij.

Chapletajic 46:3 ပူးပေါင်းရင်းမြစ်များ

Chapletajic 12:2

Quinban na jun nim tinimit ri nim u k'ij chque ri e awija'lil; catintewichi'j na xukuje' quinnimarisaj na a k'ij, catux c'u na jun tewichibal chque niq'uiaj chic.

Chapletajic 15:1

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

Chapletajic 15:13

Xubij c'u ri Ajawaxel che: “Rajawaxic cawetamaj chi ri e awija'lil quequirika' na c'ax pa jun ulew chic, queboc na che lok'om tak pataninelab, quiejeb sient (400) junab cäban na c'ax chque.

Chapletajic 17:1

Aretak c'o chi jumuch' ruc' belejlajuj (99) u junab ri Abram, xuc'ut rib ri Ajawaxel chuwäch, xubij che: “In ri' ri Dios ri c'o ronojel u cuinem; chatbin pa jun suc'alaj c'aslemal chnuwäch.

Chapletajic 18:18

cux c'u na qui tat jun cowilaj nim tinimit ri nim u k'ij. Nu bim c'u che chi rumal are' quebentewichi'j na conojel tak ri nimak tinimit ri e c'o cho ri uwächulew.

Chapletajic 22:17

Quinbano chi sibalaj quepok' ri e awija'lil jacha' ri ch'imil cho ri caj, xukuje' e jacha' ri sanyeb ri c'o chuchi' ri plo. Amak'el c'ut quech'äcan na paquiwi' ri e qui c'ulel,

Chapletajic 35:11

ri Dios xubij che: “In ri' ri Dios ri c'o ronojel u cuinem; chec'ol q'ui awalc'ual xukuje' ri e awija'lil Chawe quel wi na jun nim tinimit xukuje' q'ui tak tinimit, quebel na ajawinel chquixo'l tak ri e awija'lil.

Chapletajic 47:27

Ri aj israelib xecanaj pa Ejipt. Xquiban quech che ri ulew ri c'o pa Gosen, chila' c'u xeq'uiyir wi.

Chapletajic 48:16

ri tako'n aj caj ri quinuto'tajisaj chuwäch apachique c'ax, chtewichi'n we quieb alabom ri'. Xa ta rumal quech cänatax ri nu bi' xukuje' ri u bi' ri nu mam Abraham, ri nu tat Isaac. Chec'oji' ta q'ui calc'ual. Chebux ta tinimit winak cho ri uwächulew.”

Chapletajic 48:19

Ri u tat man xraj taj, xubij c'u che ri Jose: “¡Weta'm nu c'ojol, weta'm ri quinbano! Xukuje' ri are' cux na jun nim tinimit nim u k'ij. Are c'u ri Eprain ri u chak', are cänimar na u k'ij chuwäch. Ri e rija'lil cäquipok'osaj na nimak tak tinimit.”

Elem 1:12

Pune' c'u sibalaj cäban c'ax chque ri aj israelib xa sibalaj quepok'ic, jeri' chi ri aj ejiptib sibalaj cäquixe'j quib chquiwäch ri aj israelib.

Elem 14:13

Ri Moises xubij chque: “Mixe'j iwib. Muban quieb i c'u'x, chiwila' na jas ri cuban ri Ajawaxel camic che i to'ic, mawi c'u jumul quiwil chic qui wäch ri aj ejiptib ri quebiwil camic.

Ri Isaiy 41:10

Man caxe'j ta awib, in c'o c'u ne awuc' maxibij awib, in c'ut in a Dios. In quinyo'w a chuk'ab, in catinto', catintok'ej ruc' ri colomalaj nu k'ab.

Ri Jeremiy 40:9

Ri Jedaliy xujiquiba' u bixic chque ri chi'nic ri kas cäban na chque: “Mixe'j iwib che u cojic iwib chuxe' ri qui takanic ri aj caldeyib. Chixcanaj c'u can che jekelem chupam ri ulew, chi cojo iwib chuxe' ri u takanic ri ajawinel re Babilon, utz c'u quixel na.

Hechos 27:24

Xubij c'u chwe: ‘Maxe'j awib, Pawl. Rajawaxic chi cattac'abax na chuwäch ri Sesar. Chatampe', rumal awech, ri Dios quebuto' na conojel ri e c'o awuc' pa ri nim jucub chuwäch ri cämical.’

Hechos 7:17

“Nakaj chic ri k'ij aretak cuban na ri Dios jas ri u chi'm ulok che ri Abraham, xq'uiy ri tinimit Israel, xeq'uiyir ri aj israelib pa Ejipt.

U Camulixic ri Pixab 1:10

Sibalaj e q'ui chi c'ut ri e iwalc'ual ri e u yo'm ri Ajawaxel chiwe, camic ix, ix jun nimalaj tinimit chic jacha' ri ch'imil ri e c'o chicaj.

U Camulixic ri Pixab 10:22

Aretak ri e i mam xebopan pa Ejipt, xa e oxc'al lajuj (70), are c'u ri camic, ri Ajawaxel ri i Dios e u pok'isam jacha' ri qui q'uial ri ch'imil ri e c'o cho ri caj.”

U Camulixic ri Pixab 26:5

Quebabij c'u na we tzij ri' chuwäch ri Ajawaxel ri a Dios: ‘Ri e nu mam xak e quieb oxib aj arameyib ri xak xebinic, xecokxanij quib pa Ejipt, xejeki' c'u can chila', xebux c'u jun nim tinimit ri xc'oji' qui chuk'ab xukuje' man quebajilataj taj.