Chapletajic 45:18 - Quiché Bible

¹⁸ chquic'ama' c'u ulok ri qui tat chnuwäch xukuje' tak ri e rachalaxic. In quinya' na chque ri utzalaj ulew ri c'o pa Ejipt, cäquitij c'u na ri utz na ri cuq'uiyisaj ri ulew.

Chapletajic 45:18 ပူးပေါင်းရင်းမြစ်များ

Chapletajic 27:28

Chuya' ri Dios chawe ri jäb re ri caj, ri utzalaj tak u wächinic ri telechi'm trico xukuje' telechi'm u wa'l uva.

Chapletajic 45:17

Ri ajawinel xubij che ri Jose: “Chabij chque ri awachalal chi chquic'ama' bic ri trico chquij ri qui bur. Chetzelej c'u pa Canaan,

Chapletajic 46:34

quibij che chi ix ticol tak chij xukuje' wacax jacha' ri e i mam. Jeri' quixcuinic quixcanaj canok pa ri ulew Gosen, rumal rech chi man cäya' ta c'olbal chque ri aj ejiptib chi quejeki' cuc' ri ajyuk' tak chij.”

Chapletajic 47:6

Ronojel ri ulew re Ejipt c'o pa a k'ab. Chaya' ri Gosen chque, are c'u utzalaj ulew wa' pa Ejipt, rech quecanaj che jekelem chi'. We c'u cach'obo chi e c'o sac'ajalaj tak achijab chquixo'l, chebacojo' che takanelab paquiwi' ri wawaj.”

Salmib 147:14

Ri are' cuc'am ulok ri jamaril chupam ri awulew, xukuje' catutzuk ruc' ri trico ri sibalaj utz na.

Salmib 81:16

Ri Dios xutzuk ri u tinimit ruc' ri utzalaj trico, xresaj ri u chaki'j chi' ruc' ri juyubal räx cab.

Ri Isaiy 28:1

¡Tok'ob u wäch ri Samar, cubanbej nimal xukuje' u corona ri Eprain, we k'abarelalaj tinimit ri'; je'lalaj wikbal re cotz'i'j ri bach'uyirinak chic ri cäq'uiy ulok pa jun räxalaj beya', qui tinimit winak ri e ch'äctajinak rumal ri u wa'l uva!

Ri Isaiy 28:4

Xukuje' we je'lalaj wikbal ri' re cotz'i'j ri bach'uyirinak, ri q'uiyinak ulok pa ri räxalaj beya', cux na jacha' ri nabe tak higo ri quewächin chanim: chi aretak c'u c'o jachin jun quilowic we c'u e c'o chi pa u k'ab, quebutijo.

Ajilanic 18:12

Xukuje' quebenya' ri nabe tak wächinic ri quequic'am ulok ri aj israelib chwe chujunab: ri aseit ri utz na ri u wa'l uva, xukuje' ri re ri trico.

Ajilanic 18:29

Che ronojel ri chya' chiwe, rajawaxic quitas jubik' jacha' che cuchuj chwe in; are c'u ri quitas chwe rajawaxic are' ri utz na.

U Camulixic ri Pixab 32:14

xya' qui leche cumal ri qui wacax xukuje' xya' qui quexu, xequitij ri alaj ama'ib tak chij ri e chomak na, ama'ib tak chij re Basan xukuje' ama'ib tak q'uisic'; xquiwe'j ri trico ri sibalaj utz na, xcuq'uiaj c'u u wa'l uva, ri u quiq'uel ri uva.