Chapletajic 43:23 - Quiché Bible

²³ Ri u tako'n ri Jose xubij chque: “Mixoc il, mixe'j iwib. Are ri i Dios ix ri xukuje' rech ri i tat xyo'w bic ri i rajil paquiwi' tak ri i coxtar, ri in xinc'am ri puak ri xitojbej re ri i trico.” Ri u tako'n ri Jose xresaj ulok ri Simeon pa ri che', xujach pa qui k'ab ri rachalal;

Chapletajic 43:23 ပူးပေါင်းရင်းမြစ်များ

Chapletajic 42:24

Xutas rib ri Jose chque xuchaplej c'u ok'ej. Aretak xtzelej ulok jawije' ri e c'o wi ri e are' xcuin c'ut xebuch'abej xutas ri Simeon, chquiwäch c'ut ri e are' xtakan che u yutic.

Chapletajic 42:28

Xubij c'u chque ri rachalal: “¡Chiwilampe', xtzelex ulok ri nu rajil! ¡C'o puwi' ri nu coxtar!” Conojel sibalaj xquixe'j quib, xquibij: “¿Jas ri u banom ri Dios chke?”

Chapletajic 42:36

Are c'u ri Jacob xubij chque: “Ri ix cätajin quebiq'uis bic ri e nu c'ojol. Ri Jose sachinak, ri Simeon xukuje'. Are' c'u quiwaj quic'am chi bic ri Benjamin chnuwäch. Ronojel wa' in quinkajben canok.”

Chapletajic 43:14

Chubana' ba' ri Dios ri c'o ronojel u cuinem chi cutok'obisaj i wäch ri tata', rech cutzokopij ulok ri Simeon xukuje' ri Benjamin ri quic'am bic. We c'u quebesax ri nu c'ojol chnuwäch ¡je' ba' chbanok!”

Chapletajic 43:22

xukuje' e ka c'amom chi ulok niq'uiaj ka rajil che u lok'ic ri ka trico. Man c'u keta'm taj jachin xyo'w bic ri rajil ri ka trico paquiwi' tak ri ka coxtar.”

Nabe Tzijobelil 12:18

Are c'u ri Amasay, c'amal qui be ri juwinak lajuj, majim rumal ri uxlabal, co xurak u chi' xubij: “¡Jamaril chawe, David, u c'ojol ri Isayi! ¡Chc'ol ba' ri jamaril awuc'! ¡Jamaril awuc', xukuje' chque ri catquito, at u to'm c'ut ri a Dios!” Ri David xebuc'amo xuya' c'u qui c'olbal chquixo'l ri e c'amal tak qui be ri ajch'ojab.

Nabe Tzijobelil 12:19

Xukuje' jujun chque ri e ramak' ri Manases xek'ax ruc' ri David aretak xec'ol quieb oxib k'ij cuc' ri aj pilisteyib che u tijic u chuk'ab ruc' ri Saul. Man je ta c'u xc'ulmatajic ri David man xya'taj ta che chi xebuto' taj ri aj pilisteyib, rumal rech chi ri e qui k'atal tak tzij aretak qui mulin chi quib, xquichomaj u k'ilic, xquibij c'ut: “¡Cumal tak ri ka jolom cäk'ax na ruc' ri Saul ri rajaw!”

Ri Esdras 4:17

Ri xutzelej u bixic ri ajawinel: “Che ri Rehum ri takanel, che ri Simsay ri aj tz'ib, xukuje' chque tak ri e rachil ri e jekel pa Samar xukuje' pa ri u tz'akatil ri ajawibal pa ri u kajebal k'ij che ri nima' Euprats: Quinya' rutzil i wäch.

Ri Lucax 10:5

Apachique ja ri quixoc wi, chibij nabe: ‘Jamaril che we ja ri'.’

Ri Lucax 24:36

C'ä cätajin cäquitzijoj wa', kas are ri Jesus xtaq'ui' pa qui niq'uiajil, xubij chque: “Jamaril chiwe.”

Ri Xuan 14:27

Ri jamaril quinya' can chiwe. Ri nu jamaril quinya' chiwe. Man je ta c'u u ya'ic quinya' chiwe jacha' ri u ya'ic ri caquiya' ri e aj uwächulew. Mäk'oxow ri iwanima', mawi muxe'j rib.

Ri Xuan 20:19

Pa ri xk'ekal re ri k'ij ri', ri nabe k'ij re ri seman, qui mulin quib ri tijoxelab. E tz'apitz'oj ri e u chi' tak ja rumal rech chi cäquixe'j quib chquiwäch ri aj judeyib. Te c'u ri' xpe ri Jesus, xtaq'ui' pa qui niq'uiajil, xubij chque: “Chc'ol ri jamaril iwuc'.”

Ri Xuan 20:21

Xubij chi c'u jumul ri Jesus chque: “Chc'ol ri jamaril iwuc'. Jacha' ri Tataxel xinutak ulok in, je xukuje' ri in quixintak bic ix.”

Ri Xuan 20:26

Oc'owinak chic wajxakib k'ij, jumul chic e c'o ri u tijoxelab pa ri ja, xukuje' ri Max c'o cuc'. Pune' e tz'apitz'oj ri e u chi' ri ja, xopan ri Jesus, xtaq'ui' pa qui niq'uiajil, xubij: “Chc'ol jamaril iwuc'.”

K'atal tak Tzij 19:20

Ri nim winak xubij che: “Jo' ba wuc' cho ja. Quinya' na ronojel ri cajwataj chawe. Man quinwaj taj cawoc'owisaj ri ak'ab cho ri c'ayibal.”

K'atal tak Tzij 6:23

Are c'u ri Ajawaxel xutzelej u bixic che: “Man caxe'j ta awib, man catecäm taj. Chac'ama' ri nu jamaril.”

Nabe Samuel 25:6

xukuje' ri u ya'ic we takquil ri' che: “Chebac'ama', wachalal, ri utzalaj tak nu rayinic chawe chi utz ta a wäch xukuje' conojel ri awachalal xukuje' chque conojel ri e c'o pa ri awachoch.