Chapletajic 42:38 - Quiché Bible

³⁸ Xubij c'u ri Jacob chque: “Man cäbe ta ri nu c'ojol iwuc'. Ri Jose ri rachalal cäminak chic, xuwi chi ri Benjamin canajinak wuc'. We c'u c'o jas cuc'ulmaj pa ri be, ix ri' ri ix ajchak'mac chi xa bis quincämisan bic.”

Chapletajic 42:38 ပူးပေါင်းရင်းမြစ်များ

Chapletajic 37:33

Aretak xch'ob taj u wäch rumal ri Jacob, xubij: “¡Are wa' ri rij ratz'iak ri nu c'ojol! Jun juyubal awaj xbanow ch'akatak che xutij c'ut.”

Chapletajic 37:34

Ri Jacob xujis ri ratz'iak chrij rumal ri u bis, xucoj atz'iak re bis, q'ui k'ij xrok'ej u wäch ri u cämical ri u c'ojol.

Chapletajic 37:35

Xquimulij c'u quib ri u c'ojol xukuje' ri u mia'l che u cu'bisaxic u c'u'x, man c'u xraj taj xcu'bisax u c'u'x; xa ne xutakej rok'exic u wäch ri u c'ojol, cubij c'ut: “Quintakej u bisoxic, c'ä quincäm na.”

Chapletajic 42:13

Ri e are' c'ut xquitzelej u bixic: “Ri e pataninel tak ech la uj cablajuj (12) kachalal kib, xa jun ka tat, uj jekel c'u pa Canaan. Ri ka chak' ri ch'i'p canajinak ruc' ri ka tat, are' c'u ri jun chic man c'o ta chi kuc'.”

Chapletajic 42:37

Ri Ruben xubij che ri u tat: “Jacha' la bic ri Benjamin pa nu k'ab, quilentzelej c'u che la. We man quilentzelej che la, cuya' quecämisaj la ri quieb nu c'ojol.”

Chapletajic 42:4

ri Jacob man xraj taj chi xbe ta ri Benjamin ri u chak' ri Jose, xuchomaj chi we ne c'o jas cuc'ulmaj pa ri be.

Chapletajic 43:13

¡Chixwalijok! chic'ama' ba' bic ri i chak', jix chi jumul che rilic we tata' ri'.

Chapletajic 44:20

are c'u ri uj xkatzelej u bixic che la chi c'asal ri ka tat ri nim winak chic xukuje' jun ka chak' ri c'ä ac'al na ri xralc'ualaj pa ri u ri'jil. Ri rachalal we ala ri' xcämic xuwi ri are' xc'asi' canok ri xak junam qui nan ruc', rumal ri' sibalaj lok' chuwäch ri ka tat.

Chapletajic 44:22

Ri uj xkabij che la chi we ala ri' man cuya' taj cuya' can ri u tat. We c'u cuya' canok cäcäm ri u tat che bis.

Nabe Ajawinelab 2:6

Rumal ri', chacojo' a no'j che ri cabano maya' c'u che chi cäcäm pa utzil.

Ri Job 41:32

Aretak cäbin pa ri ja' cuya' can jun saknicojil chrij pa ri ja' ri cäjuluwic jacha' sak tak quismal awaj.

Salmib 71:18

Nu Dios, minwonoba' la canok, aretak in nim winak chic sak chic ri nu wi'. Quintakej c'u na u tzijoxic ri cuinem la chque we winak ri' ri e c'o camic xukuje' ri c'amaja' quebalaxic.

Salmib 90:10

E oxc'al lajuj (70) ri junab ri cujc'asi'c, ri c'o na qui chuk'ab, quec'asi' jumuch' junab; are c'u ri banoj nimal chi naj cac'asi' jun xuwi quebuc'am ulok yabal tak latz' xukuje' rikoj c'ax. Ri junab aninak queboc'owic, xukuje' c'u ri uj.

Ri Tzijonel 1:14

Xincuin c'u che u ch'obic chi ronojel ri cäban cho we uwächulew ri' man c'o ta u beya'l, xak lok', cajwax u chapic ri quiakik'.

Ri Tzijonel 2:26

Je c'u wa' ri cac'ulmatajic, ri Dios cuya' no'j, etamanic xukuje' quicotemal jachin ri carilo chi takal che; are' c'ut ri cämacunic cuya' ri eka'n che chi chpok'colijok chebumulij c'u tak k'inomal rech cuya' che jachin ri caril ri Dios chi cakaj chuwäch. ¡Xukuje' wa' xa cawächibal xak lok' xa cajwax u chapic ri quiakik'!

Ri Isaiy 38:10

In xinchomaj chi aretak sibalaj utz u banom ri nu c'aslemal rajawaxic quinbe na; xya' takanic chwe chi quinbe jawije' e c'o wi ri cäminakib pune' c'ä c'o na ri nu c'aslemal.

Ri Isaiy 46:4

je c'u quintakej na u banic chiwe c'ä quixri'job na aretak sak chic ri i jolom, xak are quixintok'ej na. In xixinbano, quintakej c'u na i wekaxic in quixintok'ej na xukuje' quixincol na.