Chapletajic 42:24 - Quiché Bible

²⁴ Xutas rib ri Jose chque xuchaplej c'u ok'ej. Aretak xtzelej ulok jawije' ri e c'o wi ri e are' xcuin c'ut xebuch'abej xutas ri Simeon, chquiwäch c'ut ri e are' xtakan che u yutic.

Chapletajic 42:24 ပူးပေါင်းရင်းမြစ်များ

Chapletajic 34:25

Are c'u ri Simeon, ri Levi e u c'ojol ri Jacob e u xibal ri Din, churox k'ij xeboc pa ri tinimit aretak ri achijab c'ä c'o qui k'oxom che ri xkopix wi ri u wi' ri qui tz'umal ri e achijab wi che quetal, xequicämisaj c'ut conojel ruc' ri ch'ich' re ch'o'j cuc'am, man xecuin taj ri aj Siquem xquito' ta quib.

Chapletajic 42:23

Man c'u queta'm taj chi cätajin cuch'ob ri Jose ri cäquitzijoj. C'o c'u jun k'axal u tzij ri Jose.

Chapletajic 43:14

Chubana' ba' ri Dios ri c'o ronojel u cuinem chi cutok'obisaj i wäch ri tata', rech cutzokopij ulok ri Simeon xukuje' ri Benjamin ri quic'am bic. We c'u quebesax ri nu c'ojol chnuwäch ¡je' ba' chbanok!”

Chapletajic 43:23

Ri u tako'n ri Jose xubij chque: “Mixoc il, mixe'j iwib. Are ri i Dios ix ri xukuje' rech ri i tat xyo'w bic ri i rajil paquiwi' tak ri i coxtar, ri in xinc'am ri puak ri xitojbej re ri i trico.” Ri u tako'n ri Jose xresaj ulok ri Simeon pa ri che', xujach pa qui k'ab ri rachalal;

Chapletajic 43:30

sibalaj c'u xk'utut ri ranima' ri Jose aretak xril u wäch ri u chak', xuna' c'ut chi cäpe rok'ej. Aninak xoc chupam ri u warabal, chila' c'u xeok'a wi.

Chapletajic 45:1

Ri Jose man xcuin ta chic xuk'il ta rib chquiwäch tak ri pataninel tak rech. Xurak c'u u chi: “¡Chixel bic iwonojel waral!” Man c'o ta c'u jun chque ri pataninel tak rech ri Jose xcanaj ta can ruc', aretak xuk'alajisaj rib chquiwäch ri rachalal.

Chapletajic 45:2

Xutzokopij ok'ej ruc' nimalaj rakojchi'aj chi conojel ri aj ejiptib xquetamaj; xukuje' xopan u bixic c'ä pa ri rachoch ri ajawinel.

Ri Isaiy 63:9

xeresaj pa conojel ri e qui rikoj tak c'ax. Man jun u tako'n ta ri xecolowic are ri Ajawaxel chwinakil. Are xetorowic rumal ri lok'ok'ebal u c'u'x xukuje' rumal ri relebal u c'u'x, xebuwalijisaj xebuloquej pa u k'ab. Je u banom wa' amak'el.

Ri Lucax 19:41

Aretak xenakajin che ri Jerusalen, ri Jesus xril ri tinimit, xrok'ej u wäch.

Romanos 12:15

Chixquicot cuc' ri quequicotic. Chixok' cuc' ri quebok'ic.

1 Corintios 12:26

We jun u tz'akatil ri cuerp curik c'ax, conojel ri' junam cäquirik c'ax ruc'. We c'u jun chque cänimarisax u k'ij, conojel ri' junam quequicot ruc'.

Hebreos 4:15

Ri qui nimal ri cojol tabal tok'ob ri c'o kuc', cäcuinic quil u c'u'x che ri ka tukaril, rumal rech chi xtakchi'x che ronojel u wäch c'ambejenic je jas ri uj, man xmacun ta c'ut.