Chapletajic 41:43 - Quiché Bible

⁴³ Xupak' ba c'u chupam ri carwaj ri amak'el c'äte ri chrij ri rech, xuya' c'u takanic chi chrakchi'aj chuwäch: “¡Chixel pa ri be!” Jewa' ri u canajic ri Jose che takanel puwi' ronojel ri ulew re ri Ejipt.

Chapletajic 41:43 ပူးပေါင်းရင်းမြစ်များ

Chapletajic 41:42

ri ajawinel xresaj ri mulk'ab ri c'o che ri u k'ab ri c'o wi ri u t'ikbal re takanic, xucoj che ri u k'ab ri Jose. Xtakanic chi chcoj ch'uch'ujalaj tak atz'iak re lino chrij, xucoj jun chachal re k'an puak chukul.

Chapletajic 41:44

Xubij c'u ri ajawinel che: “pune' ta in ri paraon, man c'o ta c'u jun pa ronojel ri Ejipt cuslabaj ta ri u wi' u k'ab we man caya' che.”

Chapletajic 42:30

“Ri tata' ri cätakan chila' pa Ejipt, sibalaj c'ax ka ch'abexic xubano, xuk'abaj c'u chaki'j chi xujopan chila' che u nic'oxic ri ulew.

Chapletajic 42:33

Xubij c'u chke: ‘Rech kas quinwilo we kastzij ri i bim chwe chi ix utzalaj tak achijab. Chiya' can jun iwachalal waral. Jix, chic'ama' bic trico chque ri i wachalal.

Chapletajic 42:6

Ri Jose are' ri takanel puwi' ri ulew, xukuje' are cäc'ayin ri trico chque conojel ri winak ri quepe pa ronojel c'olbal. Aretak xebopan ri rachalal chuwäch, xexuquic xquimej quib chuwäch.

Chapletajic 45:26

Aretak ri e u c'ojol ri Jacob xquitzijoj che ri qui tat chi c'ä c'asal ri Jose, chi are' ri cäk'atantzij puwi' ronojel Ejipt, xsach u c'u'x ri Jacob, man xurik ta chic jas cubano o jas cubij.

Chapletajic 45:8

Chich'obo' ba' chi man ix taj ri xban iwe che nu takic ulok waral, xane' are ri Dios; in u cojom c'u che ya'l u no'j ri ajawinel, che takanel puwi' ri rachoch, xukuje' che k'atal tzij puwi' ronojel Ejipt.

Chapletajic 50:18

Xebopan c'u ri kas e rachalal, xquimej quib chuwäch c'ä xquiya' na ri qui palaj cho ri ulew, xquibij che: “Uj c'o chawäch uj a lok'om tak pataninelab.”

Chapletajic 50:9

E c'o winak xebe pa tak cäret, xukuje' chquij tak quiej, xcachilaj bic ri Jose; q'ui winak xebe che u mukic ri Jacob.

Ri Ester 10:3

Ri aj judey ri Mardoquey are' xc'oji' chupam ri ucab c'olbal che ri ajawinel; sibalaj xajawax cumal ri e u winakil, rumal rech chi xutzucuj ri u banic utzil che ri u tinimit xucoj c'u u chuk'ab rech caquirik utzil ri e u winakil.

Ri Ester 3:2

Conojel ri quepatanin che ri ajawinel chupam ri rachoch quexuquic xukuje' caquipachba' ri qui jolom aretak coc'ow ri Aman xukuje' aretak e c'o chuwäch, je c'u takanic wa' u yo'm ri ajawinel; man c'u xraj ta ri Mardoquey xunimaj taj we takanic ri'.

Ri Tzijonel 4:14

Pune' ri ac'al ala ri cajawin na pa ri u c'olbal we ajawinel ri' c'äte' relic ulok pa che', cäk'ax c'u pa ri tem re ajawibal, craj ne c'äte relic pa ri mebayil cak'ax pa ri ajawinic, e wilom ri winak re we uwächulew ri' caquiya' qui tzij che u to'ic.

Ri Daniel 2:48

Xuya' c'u ri ajawinel jun nimalaj rekle'n ri Daniel xukuje' xebuya' je'licalaj tak sipanic che; xuya' c'u che chi cätakan puwi' ronojel ri ajawibal Babilon xukuje' xucoj che nimalaj c'amal qui be conojel ri ajno'jab ri e c'o pa ri nim tinimit ri'.

Hechos 7:10

Xuto'tajisaj pa ri c'axc'olil. Xuya' u no'j, xuban c'u che chi xuch'äc ri u tok'ob ri paraon; ajawinel aj Ejipt, ri xucoj ri Jose che k'atal tzij puwi' ri Ejipt xukuje' puwi' ri rachoch.

Filipenses 2:10

rech pa u bi' ri Jesus caquimej wi na ri qui ch'ec ri e c'o pa ri caj ri e c'o cho ri uwächulew xukuje' ri e c'o chuxe' uwächulew.