Chapletajic 41:40 - Quiché Bible

⁴⁰ Quinjach ri nimalaj wachoch pa k'ab, conojel c'u ri aj Ejipt cäquinimaj na ri a takanic. Xuwi ri in ri nim na nu k'ij chawäch, rumal rech chi in ri ajawinel.

Chapletajic 41:40 ပူးပေါင်းရင်းမြစ်များ

Chapletajic 39:9

Chupam we ja ri' man c'o ta jun ri c'o ta na u takanic chnuwäch; ri wajaw man c'o ta ri ma ta u jachom pa nu k'ab xane' xak xuwi ri lal, lal c'ut ri rixokil; je c'u ri' ¿jas ta che quinban jun jasach ri sibalaj lawalo, quinmacun ta c'u chuwäch ri Dios?”

Chapletajic 44:18

Ri Juda xoc chuwäch ri Jose, xubij che: “Quinwaj quinbij quieb oxib tzij che la. Bana' la jun tok'ob mäpe oyowal la chwe, ri lal xak junam k'ij la ruc' ri ajawinel.

Chapletajic 45:26

Aretak ri e u c'ojol ri Jacob xquitzijoj che ri qui tat chi c'ä c'asal ri Jose, chi are' ri cäk'atantzij puwi' ronojel Ejipt, xsach u c'u'x ri Jacob, man xurik ta chic jas cubano o jas cubij.

Ri Ester 10:3

Ri aj judey ri Mardoquey are' xc'oji' chupam ri ucab c'olbal che ri ajawinel; sibalaj xajawax cumal ri e u winakil, rumal rech chi xutzucuj ri u banic utzil che ri u tinimit xucoj c'u u chuk'ab rech caquirik utzil ri e u winakil.

Ri Ester 3:1

Oc'owinak chi c'u jun k'ijol, ri ajawinel Asuer xuya' rekle'n ri Aman, u c'ojol ri Hamedat, rija'lil ri Agag, xucoj che c'amal qui be conojel ri k'atal tak tzij pa ri nim tinimit.

Ri Job 31:27

mawi c'u jumul xebenk'ijilaj chi c'uyal mawi xebentz'umaj ta rumal ri nu k'ab.

E C'ambal tak Tzij 22:29

Jachin ri utz u banic ri u chac cubano, c'o ri che qui patanixic tak ri ajawinelab man c'u chque ta apachique winak.

Ri Daniel 5:29

Xuya' c'u takanic ri ajawinel Belsasar chi checoj atz'iak re morato chrij ri Daniel xukuje' chcoj jun pach'um k'an puak chukul, xuya' c'u u bixic chque conojel chi kas pa ri jok'otaj ri', ri Daniel cäcanaj chupam ri urox c'olbal pa ri k'atbal tzij re ri Ajawibal.

Ri Daniel 6:3

ri chanim xilitajic chi man junam ta cuc' ri niq'uiaj solinelab chic xukuje' cuc' ri c'amal tak be paquiwi' tak ri tinimit rumal ri nimalaj u no'j ri c'olic; rumal ri' ri ajawinel xuchomaj u cojic che takanel rech are' cak'atow tzij puwi' ri nim tinimit.

Hechos 7:10

Xuto'tajisaj pa ri c'axc'olil. Xuya' u no'j, xuban c'u che chi xuch'äc ri u tok'ob ri paraon; ajawinel aj Ejipt, ri xucoj ri Jose che k'atal tzij puwi' ri Ejipt xukuje' puwi' ri rachoch.

Nabe Samuel 10:1

Xpe c'u ri Samuel xuc'am ri aseit, xuk'ij pa u jolom ri Saul, xubij che: “Ri Ajawaxel catutas camic che k'atal tzij pa Israel ri u tinimit. At catk'atow na tzij puwi' xukuje' quebawesaj na pa qui k'ab tak ri qui banom qui c'ulel che. Are c'u c'utbal wa' chi ri Ajawaxel u bim chi at cak'at na tzij puwi' ri u tinimit: