Chapletajic 41:15 - Quiché Bible

¹⁵ Ri ajawinel xubij che ri Jose: “Nu banom jun ichic', man c'o ta c'u jun cäcuin ta che u ch'obic ri quel cubij; oquinak c'u pa nu jolom chi aretak catzijox jun ichic' chawe catcuin che u ch'obic ri quelcubij.”

Chapletajic 41:15 ပူးပေါင်းရင်းမြစ်များ

Chapletajic 40:8

Ri achijab ri' xquibij che ri Jose: “Ka banom jujun kichic', man c'o ta c'u jun cäcuinic cubij ta chke jas quel cubij ri xkichic'aj.” Ri Jose xubij chque: “¿La ma ta puch are' ri Dios cayo'w ri k'alajisanic?” xcha' ri Jose chque. “Chibij ba' chwe ri xinwichic'aj.”

Chapletajic 41:8

Chucab c'u k'ij aretak sakarinak chic sibalaj oquinak il, xuya' c'u takanic chi chepet conojel ch'obonelab xukuje' ri ajno'jab aj ejiptib. Ri paraon xutzijoj chque ri xerichic'aj, man c'o ta c'u jun chque xcuin ta che qui ch'obic ri quelcaquibij.

Ucab Tzijobelil 26:5

Xucoj u chuk'ab che u nimaxic ri Dios joropa' k'ij xc'asi' ri Zacariy, ri xyo'w ri tijonic che chi nim chrila' wi ri Dios. Joropa' c'u k'ij ri xniman che ri Ajawaxel, ri are' xupok'colij.

Salmib 25:14

Ri Ajawaxel ranima' rib cuc' jachintak ri nim caquil wi, cuya' c'u retamaxic ri u c'ulwächinic chque.

Ri Daniel 2:3

ri are' xubij c'u chque: “Nu banom jun ichic' sibalaj c'u in oquinak il cätajin c'u quintij nu k'ij che u ch'obic.”

Ri Daniel 4:18

Are ichic' wa' ri in, ri ajawinel Nabucodonosor, xinwichic'aj. Chabij c'u chwe camic, Beltsasar, ri quel cubij, man c'o ta c'u jun chque ri ajno'jab ri e c'o pa ri wajawibal u ch'obom; are c'u ri at catcuin che u k'alajisaxic ri quel cubij, rumal rech chi c'o ri ruxlabal ri tastalicalaj Dios awuc'.’

Ri Daniel 4:9

‘Beltsasar, c'amal qui be ri ch'obonelab, in weta'm chi ri ruxlabal ri tastalicalaj Dios cäc'amow a be, aweta'm c'u conojel ri c'utalic: chatatabej ba ri wilom pa ri nu wichic', chabij c'u chwe ri quel cubij.

Ri Daniel 5:12

c'o c'u ya' ruc' ri Daniel, ri xcoj Beltsasar che u bi', rumal ri ajawinel, jun uxlabal ri man c'o ta c'o wi ri c'o retamanic xukuje' u no'j che qui ch'obic ri quel cäquibij ri ichic', che qui k'alajisaxic ri jastak ri man e ch'obel taj. Siq'uij ba' la ri Daniel, are c'u ri are' cäyo'w na retamaxic ri tz'ibatal chuwäch ri tapia.”

Ri Daniel 5:14

Xbix chwe chi ri ruxlabal ri Dios c'o awuc', chi c'o jun sakalaj a chomanic, xukuje' chi sibalaj c'o awetamanic xukuje' a no'j.

Ri Daniel 5:16

Nu tom c'ut, u bixic chi ri at catcuinic quebak'alajisaj ri queblan tak c'uxaj xukuje' qui ch'obic tak jastak ri sibalaj e c'ax. We ri at catcuinic quebak'alajisaj ri cäquibij tak we tzij ri', cabij c'u chwe ri quel cäquibij, quinya' na takanic chi quecoj atz'iak re morato chawij, xukuje' chi cäcoj na jun pach'um k'an puak chakul, catcanaj c'u can che urox takanel pa ri wajawibal.”